Rampotineni Harishshankar movie: 'ఇస్మార్ట్ శంకర్'తో లవర్బాయ్ ఇమేజ్ నుంచి బయపడిన హీరో రామ్పోతినేని.. ఉస్తాద్గా యూత్లో మరింత క్రేజ్ పెంచుకున్నారు. వరుసగా క్రేజీ ప్రాజెక్టుల్ని లైన్లో పెడుతూ కెరీర్లో స్పీడు పెంచారు. ఇప్పటికే లింగుస్వామి దర్శకత్వంలో 'ది వారియర్' చేస్తున్న ఆయన.. ఆ తర్వాత బోయపాటి శ్రీనుతో ఓ మాస్ ఎంటర్టైనర్ మూవీ చేయనున్నారు. అయితే ఇప్పుడు మరో ప్రాజెక్ట్కు గ్రీన్సిగ్నల్ ఇచ్చారని తెలుస్తోంది.
దర్శకుడు హరీశ్ శంకర్.. పవర్స్టార్ పవన్కల్యాణ్తో 'భవదీయుడు భగత్సింగ్' సినిమా చేయనున్నారు. ప్రస్తుతం ఇది ప్రీ ప్రొడక్షన్ పనులు జరుపుకుంటోంది. అయితే పవన్కు ఉన్న బిజీ షెడ్యూల్ కారణంగా ఈ చిత్రం సెట్స్పైకి వెళ్లడానికి మరింత ఆలస్యం పట్టే అవకాశముంది. ఈ గ్యాప్లో హరీశ్.. ఓ సినిమా చేయాలని ప్లాన్ చేస్తున్నారని వార్తలు వచ్చాయి. ఈ క్రమంలోనే హీరో అల్లుఅర్జున్తో చర్చలు కూడా జరిపినట్లు ప్రచారం సాగింది. అయితే ఇప్పుడీ ప్రచారం రూట్ మారింది. సీన్లో రామ్ పోతినేని ఎంట్రీ ఇచ్చారు. రీసెంట్గా హరీశ్-రామ్ మధ్య కూడా కథా చర్చలు జరిగాయని, స్టోరీ నచ్చడం వల్ల ఉస్తాద్ పచ్చజెండా ఊపారని టాక్ వినిపిస్తోంది.
మరి బన్నీ రిజెక్ట్ చేయడం వల్లే రామ్తో ప్రాజెక్ట్ చేసేందుకు హరీశ్ ఫిక్స్ అయ్యారా? రామ్తో నిజంగానే మూవీకి కమిట్ అయ్యారా? అనేది తెలియాలంటే అధికార ప్రకటన వచ్చే వరకు వేచి ఉండాల్సిందే...
ఇదీ చూడండి: 'నాంది' కాంబో రిపీట్.. ఇంట్రెస్టింగ్ పోస్టర్తో అల్లరినరేశ్ కొత్త సినిమా
