Mahesh Babu Guntur Kaaram : ఈ సంక్రాంతికి థియేటర్లలో రాబోయే సినిమాల్లో బాగా హైప్ ఉన్న చిత్రం 'గుంటూరు కారం'. మహేశ్ బాబు - త్రివిక్రమ్ కాంబోలో తెరకెక్కిన ఈ సినిమా కోసం అభిమానులు ఎంత ఆసక్తిగా ఎదురుచూస్తున్నారో తెలిసిన విషయమే. అయితే ఇప్పుడో విషయం మహేశ్ అభిమానులను కాస్త భయపెడుతోంది. అదే కోయిన్సిడెన్స్.
విషయంలోకి వెళ్తే జనవరి 12న విడుదల కానున్న 'గుంటూరు కారం' మూవీ ప్రమోషన్స్ ఫుల్ స్వింగ్లో కొనసాగుతున్న సంగతి తెలిసిందే. థియేటర్స్ను సాలిడ్ రేంజ్లో ఆక్యుపై చేస్తూ రికార్డ్ బ్రేకింగ్ ఓపెనింగ్ డే నెంబర్స్ను అందుకోవడానికి సిద్ధంగా ఉంది. అయితే ఈ సినిమా నుంచి వచ్చిన మొదటి రెండు సాంగ్స్లో ఒకటి మాస్ ఇంకొకటి మెలోడీ. ఫస్ట్ సాంగ్ 'దమ్ మసాలా' నవంబర్ 7న విడుదలైంది. రెండో పాట 'ఓ మై బేబీ' డిసెంబర్ 13న ఆడియెన్స్ ముందుకు వచ్చింది.
అయితే గతంలో ఇదే డేట్స్కు త్రివిక్రమ్ దర్శకత్వం వహించిన 'అజ్ఞాతవాసి' సినిమాలోని పాటలు కూడా రిలీజ్ అవ్వడం కోయిన్సిడెన్స్. అజ్ఞాతవాసి నుంచి మొదటి పాట 'బయటకొచ్చి చూస్తే' నవంబర్ 7నే విడుదల అయింది. రెండో పాట 'గాలి వాలుగా' డిసెంబర్ 12న విడుదల అయినప్పటికీ ఈ సాంగ్ను పవన్ కళ్యాణ్ కోసం అనిరుధ్ స్పెషల్గా ట్రిబ్యూట్ వీడియో చేసి డిసెంబర్ 13నే రిలీజ్ చేశారు. ఆ తర్వాత 'అజ్ఞాతవాసి' ట్రైలర్ జనవరి 6న విడుదల కావాల్సింది. కానీ పోస్ట్ పోన్ అయి జనవరి 7న బయటకు వచ్చింది. ఇప్పుడేమో గుంటూరు కారం ట్రైలర్ కూడా జనవరి 6న జరగాల్సిన ప్రీ రిలీజ్ ఈవెంట్లో విడుదల కావాల్సింది. కానీ ఈవెంట్ క్యాన్సిల్ అవ్వడం వల్ల ట్రైలర్ నేడు(జనవరి 7) రిలీజ్ అవుతోంది.
ఇలా ప్రతి విషయంలో అజ్ఞాతవాసి సినిమాకు జరిగినట్లే గుంటూరు కారం సినిమాకు జరగడం ఇప్పుడు ఫ్యాన్స్కు కలవరపెడుతోంది. అసలే అప్పుడు అజ్ఞాతవాసి భారీ డిజాస్టర్ టాక్ను మూటగట్టుకుంది. అందుకే గుంటూరు కారం రిజల్ట్ విషయంలో కాస్త టెన్షన్ పడుతున్నారు. అలాగే హిట్ పక్కా అన్న ధీమాలోనూ ఉన్నారు. చూడాలి మరి ఏం జరుగుతుందో.
- " class="align-text-top noRightClick twitterSection" data="">
అప్పుడే ధైర్యం వచ్చింది, ఆ రోజును ఎప్పటికీ మర్చిపోలేను - మహేశ్ బాబు
