'కేజీయఫ్' తర్వాత కన్నడ సినీ ఇండస్ట్రీ నుంచి అన్నీ పాన్ ఇండియా సినిమాలే తెరకెక్కుతున్నాయి. అయితే రీసెంట్గా 'పొగరు' సినిమాతో తెలుగు ఆడియెన్స్ను అలరించిన ధృవ సార్జా.. ఇప్పుడు మరో పాన్ ఇండియా సినిమాతో ప్రేక్షకుల ముందుకు రానున్నారు. 'మార్టిన్' అనే అవుట్ అండ్ అవుట్ యాక్షన్ ఎంటర్‌టైనర్తో చిత్రంతో థియేటర్లలో సందడి చేయనున్నారు. తాజాగా మేకర్స్ ఈ చిత్ర టీజర్ను రిలీజ్ చేశారు. ఈ ప్రచార చిత్రంలో ఎంట్రీతోనే గూస్ బంప్స్ తెప్పించారు ధ్రువ సార్జా.
ఇకపోతే ఈ ప్రచార చిత్రాన్ని కూడా 'కేజీయఫ్' టీజర్ తరహాలోనే అన్ని భాషల వారికి అర్థమయ్యేలా విడుదల చేశారు. కథలో ఎక్కువ భాగం పాకిస్థాన్లోని ఒక జైల్లో సాగుతున్నట్లు చూపించారు. ఆ జైల్లో అనేక మంది పాకిస్థానీ ఖైదీల మధ్య ఉండే భారతీయ ఖైదీగా ధృవ సార్జా కనిపించారు. 'మీరంతా బలవంతులం అని అనుకుంటున్నారు. కానీ నేను బలవంతుడినని నాకు తెలుసు' అంటూ హీరో చెప్పే భారీ డైలాగ్ అదిరిపోయింది. ఇంకా ఈ టీజర్లో స్పోర్ట్స్ కార్స్, బైక్స్ ఛేజింగ్‌లు, కళ్లు చెదిరేలా యాక్షన్ సీన్లు మైండ్ బ్లోయింగ్లా ఉన్నాయి. చూస్తుంటే గూస్ బంప్స్ను తెప్పిస్తున్నాయి.
- " class="align-text-top noRightClick twitterSection" data="">
ఈ సినిమాకు యాక్షన్ కింగ్ అర్జున్ కథను అందించిడం విశేషం. ప్రముఖ కన్నడ దర్శకుడు ఏపీ అర్జున్ డైరెక్ట్ చేస్తున్నారు. వైష్ణవి శాండిల్య హీరోయిన్‌గా నటించారు. మాళవిక అవినాష్, నికితిన్ ధీర్, సాధు కోకిల, శ్రీరామ్ రెడ్డి పోలసాని , చిక్కన్న, అచ్యుత్ కుమార్, రోహిత్ పాఠక్, గిరిజ లోకేష్ తదితరులు కీలక పాత్రల్లో కనిపించారు. ఉదయ్ కె. మెహతా ఈ సినిమాకు నిర్మాతగా వ్యవహరించారు. మణి శర్మ పాటలను స్వరపరచగా, రవి బస్రూర్ బ్యాక్ గ్రౌండ్ మ్యూజిక్ అందించారు. అమీ అర్నాల్డ్ సినిమాటోగ్రఫీ బాధ్యతలు చూసుకున్నారు. డాక్టర్ రవివర్మ, రామ్ లక్ష్మణ్, గణేష్ మాస్ మడ యాక్షన్ సన్నివేశాలకు కొరియోగ్రఫీ చేశారు.
ధ్రువ సార్జా ఈ చిత్రంతో మరో సినిమా కూడా చేస్తున్నారు. దీని పేరు 'కేడీ - ది డెవిల్'. ఇటీవలే ఈ సినిమా టైటిల్ టీజర్ కూడా విడుదలై ఆకట్టుకుంది. 'రామాయణ యుద్ధం స్త్రీ కోసం, మహాభారత యుద్ధం రాజ్యం కోసం, ఈ కలియుగ యుద్ధం కేవలం రక్తం కోసం' అనే భారీ డైలాగ్ బాగా ఆకట్టుకుంది.
- " class="align-text-top noRightClick twitterSection" data="">
ఇదీ చూడండి: కియారా గోల్డెన్ లెహంగా.. 98వేల కాస్ట్లీ క్రిస్టల్స్.. 4 వేల గంటల పాటు శ్రమించి
