యంగ్ హీరోలకు పోటీనిస్తూ మాస్ యాక్షన్ సినిమాలతో పూనకాలు తెప్పిస్తున్నారు నందమూరి నటసింహం బాలకృష్ణ. గతేడాది 'అఖండ' సినిమాతో సూపర్ సక్సెస్ను ఖాతాలో వేసుకొని రికార్డులు తిరగరాసిన బాలయ్య .. ఇప్పుడు మరో మాస్ సినిమాతో ప్రేక్షకుల ముందుకు రాబోతున్నారు. మాస్ అభిమానుల చేత గోల పెట్టించే డైరెక్టర్ గోపీచంద్ మలినేనితో కలిసి 'వీర సింహారెడ్డి'గా కనిపించనున్నారు.
ఇప్పటికే విడుదల చేసిన ఈ మూవీ అప్డేట్స్ అభిమానుల్లో పూనకాలు తెప్పించాయి. తాజాగా ఈ సినిమా నుంచి మరో సూపర్ సర్ప్రైజ్ వచ్చింది. సినిమాలోని 'సుగుణ సుందరి' అనే రొమాంటిక్ సాంగ్ రిలీజ్ చేసి ఫ్యాన్స్కు ఊహించని కిక్ ఇచ్చారు మేకర్స్. ఉర్రూతలూగించే ఈ లిరికల్ వీడియో సాంగ్లో బ్యూటీ శ్రుతిహాసన్తో కలిసి బాలయ్య బాబు వేస్తున్న మాస్ స్టెప్స్ పిచ్చెక్కిస్తున్నాయి. తమన్ బాణీలకు బాలయ్య అదిరిపోయే చిందులు వేశారు. కాసేపట్లోనే ఈ వీడియో సోషల్ మీడియాను షేక్ చేసేసింది.
కాగా, మైత్రి మూవీ మేకర్స్ బ్యానర్‌పై ఈ చిత్రం ఎంతో ప్రతిష్టాత్మకంగా రూపొందుతోంది. సినిమా ప్రకటించినప్పటి నుంచి భారీ అంచనాలు నెలకొన్నాయి. ఇటీవల ఈ సినిమా నుంచి టీజర్‌ విడుదల చేసి నందమూరి అభిమానులకు పూనకాలు తెప్పించారు మేకర్స్. ఆ తర్వాత వీర సింహా రెడ్డి అనే టైటిల్ ఫిక్స్ చేసి సినిమాపై ఉన్న అంచనాలను మరింత పెంచారు. ఇక ఈ సినిమాలో బాలయ్య సరసన శ్రుతి హాసన్ హీరోయిన్గా నటిస్తోంది. ఇప్పటికే ఈ మూవీకి సంబంధించి 80 శాతానికి పైగా షూటింగ్ పూర్తి చేశారు. వరలక్ష్మీ శరత్ కుమార్, కన్నడ స్టార్ దునియా విజయ్, మలయాళ నటుడు లాల్, నవీన్ చంద్ర, మురళీ శర్మ, ఈశ్వరీ రావు తదితరులు ఇతర ముఖ్య పాత్రలు పోషిస్తున్నారు. వచ్చే ఏడాది సంక్రాంతి కానుకగా జనవరి 12న మూవీ విడుదల కానుంది.
- " class="align-text-top noRightClick twitterSection" data="">
ఇదీ చూడండి: హెబ్బా పటేల్ మిల మిల
