దక్షిణాది స్టార్ హీరోయిన్ అనుష్క శెట్టి.. కమర్షియల్ సినిమాలతో పాటు లేడీ ఓరియెంటెడ్ సినిమాల్లో నటించి ప్రేక్షకుల్లో చెరగని స్థానాన్ని సంపాదించుకుంది. అయితే కొంతకాలంగా సినిమాల విషయంలో జోరు తగ్గించినా ఈమె ప్రస్తుతం.. యూవీ క్రియేషన్స్ బ్యానర్లో ఓ సినిమా చేస్తోంది. నవీన్ పోలిశెట్టి హీరోగా నటిస్తున్న ఈ చిత్రం ప్రస్తుతం షూటింగ్ దశలో ఉంది. మహేష్.పి డైరెక్ట్ చేస్తున్నారు. నేడు అనుష్క పుట్టినరోజు సందర్భంగా చిత్రబృందం అనుష్క ఫస్ట్లుక్ పోస్టర్ను రిలీజ్ చేసి బర్త్డే విషెస్ తెలిపింది.
ఇందులో అనుష్క చెఫ్ గెటప్లో వంట చేస్తూ కనిపించింది. సినిమాలో ఆమె అన్విత రవళి శెట్టి పాత్రలో కనిపించనున్నట్లు తెలిపింది. ఇదొక రొమాంటిక్ లవ్ స్టోరీ అని సమాచారం. వయసులో దాదాపు ఇరవై ఏళ్లు గ్యాప్ ఉన్న ఇద్దరు వ్యక్తుల మధ్య ప్రేమ పుట్టడం.. వాళ్లు ఎదుర్కొనే పరిమాణాల ఆధారంగా ఈ సినిమాను తెరకెక్కిస్తున్నారు.
ఇదీ చూడండి: అనుష్క పోషించిన టాప్ 7 ఐకానిక్ రోల్స్ ప్రేక్షకులకు ఇవి ఎంతో స్పెషల్
