'ఎవడిగోల వాడిది', 'నువ్వంటే నాకిష్టం', 'సొంతం','హాయ్' చిత్రాలతో గుర్తింపు తెచ్చుకున్న నటుడు ఆర్యన్ రాజేశ్. దర్శకుడు ఈవీవీ సత్యనారాయణ వారసుడిగా ఇండస్ట్రీలో అడుగుపెట్టిన ఆయన.. హీరోగా నిలుదొక్కుకోవడానికి చాలానే ప్రయత్నాలు చేశారు. కానీ ఆ తర్వాత సినీ పరిశ్రమకు కొన్నేళ్ల పాటు దూరమయ్యారు. ఆ తర్వాత వినయ విధేయ రామలో రామ్ చరణ్ సోదరుడిగా రీఎంట్రీగా ఇచ్చారు. కానీ ఆ పాత్రకు అంతగా స్కోప్ లేదు.
మళ్లీ కాస్త గ్యాప్ ఇచ్చిన ఆయన ఇటీవలే హలో వరల్డ్ అనే వెబ్సిరీస్తో ప్రేక్షకులను పలకరించారు. ఇది మంచి రెస్పాన్స్ అందుకుంది. ఈ క్రమంలోనే ఆయనకు సంబంధించి ఓ వార్త బయటకు వచ్చింది. ఈ సారి ఆయన విలన్గా నటించేందుకు సిద్ధమవుతున్నారని తెలిసింది. ఓ బడా డైరెక్టర్ ఆర్యన్ రాజేష్ ను విలన్గా పరిచయం చేసేందుకు ప్రయత్నం చేస్తున్నారట. ఆ కథ, పాత్ర కూడా ఆర్యన్కు నచ్చిందట. మరి ఇందులో నిజమెంతో తెలియదు గానీ త్వరలోనే అధికార ప్రకటన వచ్చే అవకాశముంది. కాగా, ఈయన సోదరుడు హాస్యనటుడు అల్లరి నరేశ్.. ప్రస్తుతం వైవిధ్యమైన కథలను ఎంచుకుంటూ చిత్రపరిశ్రమలో రాణిస్తున్నారు.
ఇదీ చూడండి: వైరల్గా చిరు ట్వీట్ .. నా ఊపిరి.. గుండె చప్పుడు అన్ని వారేనంటూ..
