కామంతో పశువులా మారిన ఓ వ్యక్తికి... అభం శుభం తెలియని బాలుడు కనిపించాడు. ఎవరు అయితే ఏముంది తన కోరిక తీరడం ముఖ్యమనుకుని... బాలునికి మాయమాటలు చెప్పాడు. కిరాణ దుకాణానికి వెళ్తున్న బాలుడికి చాక్లెట్ ఆశచూపి... అక్కడి నుంచి ఎత్తుకెళ్లాడు. బాలునిపై లైంగిక దాడి చేసి.. హత్యచేశాడు. ఈ ఘటనపై తెలంగాణలో కోర్టు నిందితుడికి జీవితఖైదు విధించింది.
వివరాల్లోకి వెళ్తే..
హైదరాబాద్ బాలాపూర్ పీఎస్పరిధిలోని జల్పల్లి న్యూహుడా కాలనీకి చెందిన ఒమర్ బిన్... వ్యసనాలకు అలవాటు పడి ఆకతాయిగా తిరిగేవాడు. కిరాణ దుకాణానికి వెళ్తున్న బాలుడిని అడ్డగించి... చాక్లెట్ ఆశ చూపాడు. మెల్లిగా అక్కడి నుంచి బాలుడిని తీసుకెళ్లాడు. సమీపంలో ఉన్న నిర్మానుష్యా ప్రాంతానికి తీసుకెళ్లి... లైంగిక దాడి చేశాడు. రక్షించిమని కేకలు వేస్తున్న బాలుడిని నేలకేసి బాదాడు. ఈ ఘటనలో బాలుడు తల పగిలి తీవ్ర రక్తస్రావమై... అక్కడికక్కడే మృతి చెందాడు. బాలుడి అరుపులు విన్న చుట్టుపక్కల వాళ్లు ఘటనా స్థలానికి చేరుకున్నారు. అప్పటికే నిందితుడు అక్కడి నుంచి పారిపోయాడు.
సొంత చెల్లినీ వదలని కామాంధులు.. చిన్నతనం నుంచే లైంగిక వేధింపులు
ఈ దుర్ఘటన మే 8వ తేదీ 2019 సంత్సరంలో చోటు చేసుకుంది. తల్లిదండ్రుల ఫిర్యాదు మేరకు బాలాపూర్ పోలీసులు కేసు నమోదు చేసుకుని... నిందితుడిని అరెస్ట్ చేశారు. రిమాండ్కు తరలించారు. సాక్ష్యాలు, ఆధారాలతో పోలీసులు.. నిందితుడిని న్యాయస్థానం ఎదుట హాజరుపర్చారు. విచారణ పూర్తి అయిన తర్వాత రంగారెడ్డి కోర్టు ఒమర్బిన్ హసన్ను నిందితుడిగా తేల్చింది. నిందితుడికి జీవితఖైదు విధించడంతో పాటు... రూ.7వేల జరిమానా విధించింది.
ఇదీ చూడండి:
