తెదేపా విజయవాడ ఎంపీ కేశినేని నాని మరొసారి వార్తల్లో నిలిచారు. గత కొద్ది కాలంగా సామాజిక మాధ్యమాల్లో తన అభిప్రాయలతో వాడివేడి చర్చలకు ఊతం ఇస్తున్న నాని...తాజాగా ట్వీట్టర్లో సంచలన వ్యాఖ్యలు చేశారు. నాని పెట్టిన ఈ ట్వీట్పై భిన్నాభిప్రాయాలు వ్యక్తమవుతున్నాయి.
'తెలుగుదేశానికి ఇప్పుడు విషయం ఉన్నవాళ్లు కావాలి... షో చేసే వాళ్ళు కాదు'---కేశినేని నాని, విజయవాడ ఎంపీ
సార్వత్రిక ఎన్నికల్లో పార్టీ ఓటమి తర్వాత సామాజిక మాధ్యమాల్లో అసంతృప్తి వ్యక్తం చేస్తున్న కేశినేని నాని..తాజా పెట్టిన ట్వీట్ ఈ కోవలోకే వస్తుందని రాజకీయ విశ్లేషకులు అంటున్నారు. పార్లమెంటరీ నేతగా తనను ఎంపిక చేయకపోవడంపై కొంత అసంతృప్తి వ్యక్తం చేసిన నాని...పార్టీ మారుతారనే చర్చ బలంగానే నడిచింది. పార్టీ పెద్దల బుజ్జగింపులు, చంద్రబాబుతో చర్చ అనంతరం కొంత సంయమం పాటించిన నాని..మళ్లీ తన పోస్టింగ్లతో చర్చకు తెరతీశారు. పార్టీకి టాస్క్ మాస్టర్స్ కావాలి కాని..షో మాస్టర్స్ కాదని అభిప్రాయపడ్డారు. పార్టీని గాడిని పెట్టే నిర్ణయాలు తీసుకోవాలని అధిష్ఠానానికి పరోక్షంగా సూచించారు.
ఇదీ చదవండి : పార్టీ మార్పుపై ప్రత్తిపాటి క్లారిటీ.. నిజం లేదని స్పష్టం
