SOFTWARE JOBS: సాఫ్ట్ వేర్ కంపెనీలకు మానవ వనరుల అవసరాలు పెరిగాయి. దీంతో.. విద్యార్థుల నైపుణ్యాలకు కంపెనీలు ప్రాధాన్యం ఇస్తున్నాయి. ముఖ్యంగా డిజిటల్‌ నైపుణ్యాలున్న వారికి సాఫ్ట్వేర్ కంపెనీలు మంచి ప్యాకేజీలు అందిస్తున్నాయి. కోర్‌ ఇంజినీరింగ్‌ విద్యార్థులూ ఐటీ ఉద్యోగాలకు అవసరమైన కోర్సులను నేర్చుకుంటూ ముందడుగు వేస్తున్నారు.
SOFTWARE JOBS: విజయవాడలోని ఓ ఇంజినీరింగ్‌ కళాశాలలో గతేడాది 273 మంది, ఈ ఏడాది 148 మంది కోర్‌ ఇంజినీరింగ్‌ విద్యార్థులకు అసెంచర్‌, టీసీఎస్ కంపెనీల్లో ఉద్యోగాలు లభించాయి. వీరు ఏడాదికి 4.5 నుంచి 7.2 లక్షల రూపాయల మధ్య వేతన ప్యాకేజీలు పొందుతున్నారు. కొందరు రెండు, మూడు ఉద్యోగాలకు ఎంపికైనవారూ ఉండటం గమనార్హం. మరో కళాశాలలో ఈ ఏడాది 9 మంది కోర్‌ ఇంజినీరింగ్‌ విద్యార్థులు సాఫ్ట్వేర్ ఉద్యోగాలు సాధించారు. విశాఖపట్నంలోని మరో కళాశాలలో 168 మంది విద్యార్థులు.. కెమికల్‌ ఇంజినీరింగ్‌ చదివిన మరో 14 మంది సాఫ్ట్వేర్ ఉద్యోగాలు పొందారు. వీరందరూ క్యాప్‌ జెమిని, టీసీఎస్, ఇన్ఫోసిస్‌ లాంటి ప్రముఖ కంపెనీల్లో ఉద్యోగాలు సాధించడం విశేషం.
అవకాశాలను అందిపుచ్చుకుంటున్నారు..
SOFTWARE JOBS: స్వయం ప్రతిపత్తి కలిగిన కొన్ని ఇంజినీరింగ్‌ కళాశాలలు.. బేసిక్‌ ప్రోగ్రామింగ్‌ను కరిక్యులమ్‌లో భాగం చేస్తున్నాయి. సివిల్‌, మెకానికల్‌, ట్రిపుల్ఈ విద్యార్థులకు కోడింగ్‌, ప్రోగ్రామింగ్‌, డాటా స్ట్రక్చర్స్‌, పైథాన్‌, ప్రాబ్లమ్‌ సాల్వింగ్‌పై శిక్షణ ఇస్తున్నాయి. మరికొన్ని కళాశాలలు స్వయం పోర్టల్‌లోని కోర్సులు పూర్తి చేసేలా విద్యార్థులకు సహాయం అందిస్తున్నాయి. కోర్‌ ఇంజినీరింగ్‌ విద్యార్థులు సాఫ్ట్వేర్ ఉద్యోగాలను అందిపుచ్చుకుంటున్నారు.
SOFTWARE JOBS: కరోనాతో వచ్చిన మార్పుల కారణంగా ఐటీ నియామకాలు పెరిగాయని.... ప్రాజెక్టులు అధికంగా రావడంతో కంపెనీలు కోడింగ్‌, ప్రోగ్రామింగ్‌పై అవగాహన ఉన్న వారిని తీసుకుంటున్నాయని ప్లేస్‌మెంట్ కన్సార్షియం అధికారులు చెబుతున్నారు.
ఇదీ చదవండి: ఒకే ట్రాక్‌పై ఎదురెదురుగా రైళ్లు.. వాటిల్లో రైల్వే మంత్రి, రైల్వేబోర్డు ఛైర్మన్‌
