నెల్లూరులోని తెలుగుదేశం పార్టీ సామాజిక మాధ్యమ కార్యకర్త హజరత్‌పై గుర్తు తెలియని వ్యక్తులు ఆదివారం దాడి చేశారు. నగరంలోని లస్సీ సెంటరులో ఆయనకు సెల్‌ఫోన్‌ దుకాణం ఉంది. ముఖాలకు చేతిరుమాలు కట్టుకున్న ఆరుగురు దుకాణానికి వచ్చి ఉన్నట్టుండి బీరు సీసాలతో దాడి చేశారని బాధితుడు పోలీసులకు వివరించారు. వారంతా 23 ఏళ్లలోపు యువకులేనని, తమ బాస్‌ మీద పోస్టులు పెడతావా? అంటూ హెచ్చరించారని వాపోయారు. ఇంతలో స్థానికులు రావడంతో పరారయ్యారని తెలిపారు. రక్తగాయంతో ఉన్న హజరత్‌ను ఆసుపత్రికి తరలించారు. చిన్న బజారు పోలీసులు కేసు నమోదు చేశారు.
ఇదీ చదవండి:
