తెలంగాణ నిజామాబాద్ జిల్లా బోధన్ మండలం సాలుర క్యాంప్ గ్రామంలో స్వచ్ఛంద లాక్డౌన్ విధించుకున్నారు. మహారాష్ట్ర సరిహద్దుకు దగ్గరగా ఉండటం వల్ల గ్రామంలోనూ కరోనా కేసులు అధికమయ్యాయి. ఈ నేపథ్యంలో గ్రామంలోని దుకాణాలను 10 రోజుల పాటు స్వచ్ఛందగా మూసేశారు. లాక్డౌన్తో గ్రామంలోని రహదారులు నిర్మానుష్యంగా మారాయి. వ్యాపార సముదాయాలు మూతపడ్డాయి. కరోనాను అరికట్టడానికి స్వచ్ఛంద లాక్డౌన్ విధించుకుని జాగ్రత్తలు పాటిస్తున్నామని గ్రామస్థులు అంటున్నారు.
మరోవైపు వేల్పూరు మండలంలోని మోతే గ్రామంలోనూ స్వచ్ఛంద లాక్డౌన్ పాటిస్తున్నారు. గ్రామంలో కరోనా కేసులు నమోదవుతుండటం వల్ల పాలకమండలితో పాటు గ్రామాభివృద్ధి కమిటీ సైతం అప్రత్తమై... ఈ నిర్ణయం తీసుకుంది. వ్యాపార సముదాయాల్ని మూసేశారు. ప్రజలను బయటికి రావద్దని అవగాహన కల్పించారు. గ్రామంలో కరోనా కేసులు తగ్గేవరకు స్వచ్ఛంద లాక్డౌన్ కొనసాగుతుందని స్పష్టం చేశారు.
