రాష్ట్రంలోని గ్రామీణ, పట్టణ ప్రాంతాల్లోని డ్వాక్రా సంఘాల బ్యాంకు ఖాతాల్లో 'వైఎస్సార్‌ సున్నా వడ్డీ పథకం' కింద రూ.1,109 కోట్ల వడ్డీ రాయితీని ప్రభుత్వం జమ చేయనుంది. వరుసగా రెండో ఏడాది ఈ పథకం కింద నగదును జమ చేస్తోంది. మొత్తం 9.35 లక్షల సంఘాల్లోని 1.02 కోట్ల మంది మహిళల ఖాతాల్లో ఈ మొత్తాన్ని తాడేపల్లిలోని క్యాంపు కార్యాలయం నుంచి మీట నొక్కి ముఖ్యమంత్రి జగన్ జమ చేస్తారు.
2020-21 ఏడాదికి గ్రామీణ ప్రాంతాల్లోని డ్వాక్రా మహిళలకు రూ.862.87 కోట్లు, పట్టణ ప్రాంతాల్లోని వారికి రూ.246.15 కోట్ల మేర వడ్డీ రాయితీని చెల్లించనున్నారు. బ్యాంకు లింకేజీ ద్వారా తీసుకున్న రుణాలకు క్రమం తప్పకుండా నెలవారీ వాయిదాలు చెల్లించిన వారికి ఈ వడ్డీ రాయితీని వర్తింపజేస్తారు. ఒకవేళ సంఘం రుణ ఖాతా ఇప్పటికే మూసివేసినట్లయితే సంఘం పొదుపు ఖాతాలో జమ చేస్తారు. గతేడాది ఈ పథకం కింద అర్హత కలిగిన డ్వాక్రా సంఘాల సంఖ్య 8.71 లక్షలు ఉండగా ఈ ఏడాది 9.35 లక్షలకు పెరగడం గమనార్హం.
ఇదీ చదవండి: ప్రభుత్వంతో కలిసి పనిచేసేందుకు సన్నద్ధంగా ఉన్నాం : బూసిరెడ్డి
