మహారాష్ట్రకు చెందిన ప్రాథమిక పాఠశాల ఉపాధ్యాయుడు రంజిత్సింగ్ డిసలేకు మరో అరుదైన గౌరవం దక్కింది. గతేడాది 'గ్లోబల్ టీచర్స్ ప్రైజ్మనీ-2020' అందుకున్న ఆయన.. ఇప్పుడు ప్రపంచ బ్యాంకు సలహా కమిటీలో సభ్యుడిగా ఎంపికయ్యారు. 2021 జూన్ నుంచి 2024 జూన్ వరకు ఆయన ఈ కమిటీలో సభ్యుడిగా ఉండనున్నారు.
అసలేంటీ కమిటీ?
ప్రపంచవ్యాప్తంగా ఉన్న ఉపాధ్యాయులకు శిక్షణలో నాణ్యతను పెంచేందుకు 'గ్లోబల్ కోచ్' పేరుతో ప్రపంచ బ్యాంకు ఓ కొత్త కార్యక్రమాన్ని ప్రారంభించింది. ఈ కార్యక్రమానికి ప్రపంచ దేశాల నుంచి 12 మందిని ఎంపిక చేసి సలహాదారుల కమిటీని ఏర్పాటు చేసింది.
సాంకేతికత సాయంతో శిక్షణ కార్యక్రమాల ద్వారా 21వ శతాబ్దపు ఉపాధ్యాయులను తయారు చేసేందుకు ఈ కమిటీ కృషి చేస్తుందని రంజిత్ సింగ్ డిసలే చెప్పారు. ప్రపంచవ్యాప్తంగా ఉన్న పిల్లల విద్యా స్థాయులను పెంచటం సహా... ఉపాధ్యాయుల నైపుణ్యాలను పెంచేందుకు దోహదపడుతుందని పేర్కొన్నారు.
క్రెగ్.ఓఆర్జీ సహకారంతో 'వర్కీ ఫౌండేషన్' అనే సంస్థ గ్లోబల్ స్టూడెంట్ ప్రైజ్ కార్యక్రమాన్ని ప్రారంభించింది. విద్యలో అత్యుత్తమ ప్రతిభ కనబరిచే వారిని ప్రపంచానికి పరిచయం చేసే ఉద్దేశంతో దీన్ని తలపెట్టింది. 'గ్లోబల్ స్టూడెంట్ ప్రైజ్' అకాడమీలోనూ డిసలే.. సభ్యుడిగా ఎంపికయ్యారు. ఈ కమిటీలో.. అశ్తోన్ కుచర్, మాలియా కునిస్, అమెరికా క్రీడాకారిణి జూలీ ఎర్ట్జ్, ఆమె భర్త జాక్ ఎర్ట్జ్ సభ్యులుగా ఉన్నారు.
ఇదీ చూడండి: ఆయుష్షు పెంచే ఆరోగ్య సాధనం 'సైకిల్'
ఇదీ చూడండి: Cycle Day: అగ్గిపుల్లలతో అద్భుత కళారూపం!
