సొంత అక్క తనను లైంగికంగా వేధిస్తోందని పోలీసులకు ఫిర్యాదు చేసింది ఓ యువతి. మహారాష్ట్ర పుణె జిల్లాలో జనవరి 23న జరిగిన ఘటన ఆలస్యంగా వెలుగులోకి వచ్చింది..
పోలీసులు తెలిపిన సమాచారం ప్రకారం.. విమానగర్ పోలీస్ స్టేషన్ పరిధిలో ఇద్దరు అక్కాచెల్లెళ్లు నివసిస్తున్నారు. 24 ఏళ్ల అక్క ఉన్నత విద్యావంతురాలు. ఆమెకు వివాహం కూడా అయింది. 18 ఏళ్ల చెల్లి.. గత కొద్ది రోజులుగా అక్కతో పాటు విమానగర్ ప్రాంతంలో ఉంటోంది. జనవరి 23న చెల్లి హాలులో నిద్రిస్తోంది. అనంతరం అక్క అక్కడకు వచ్చి చెల్లిని లైంగికంగా వేధించడం మొదలు పెట్టింది. ఇది తప్పు అని చెల్లి ఎంత వారిస్తున్నా వినలేదు. దీంతో పోలీస్ స్టేషన్కు వెళ్లిన చెల్లి.. అక్క తనను లైంగిక వేధిస్తోందని ఫిర్యాదు చేసింది.
బాలికపై గ్యాంగ్ రేప్..
ఓ బాలికపై కొందరు దుండగులు గ్యాంగ్రేప్ చేశారు. గణంతంత్ర దినోత్సవం రోజు ఓ 14 ఏళ్ల విద్యార్థిని పాఠశాలకు వెళ్తుండగా ఈ అఘాయిత్యానికి పాల్పడ్డారు. సమాచారం అందుకున్న పోలీసులు.. ముగ్గురిని అదుపులోకి తీసుకున్నారు ఈ ఘటన బిహార్లోని బక్సర్ జిల్లాలో జరిగింది.
పోలీసులు తెలిపిన వివరాల ప్రకారం.. సిక్రాల్ పోలీస్ స్టేషన్ పరిధిలో బాలిక ఉంటోంది. గణతంత్ర దినోత్సవం సందర్భంగా ఆమె పాఠశాలకు వెళుతోంది. అది గమనించిన దుండగులు ఆమెను ఎత్తుకెళ్లారు. నిర్జన ప్రదేశంలోని ఓ గదిలోకి తీసుకెళ్లి ఆమెపై అత్యాచారానికి పాల్పడ్డారు. బాలిక ఆరోగ్యం క్షీణించడం వల్ల అక్కడి నుంచి పరారయ్యారు. అనంతరం బాలిక ఇంటికి చేరుకుని.. జరిగిన విషయాన్ని కుటుంబ సభ్యులకు వివరించింది. వారు మహిళా పోలీస్ స్టేషన్లో ఫిర్యాదు చేశారు.
ఈ ఘటనపై జిల్లా ఎస్పీ మనీశ్ కుమార్ స్పందించారు. ముగ్గురు నిందితులను అదుపులోకి తీసుకున్నామని తెలిపారు. నిందితుల విచారణ అనంతరం తదుపరి చర్యలు తీసుకుంటామని చెప్పారు. దోషులను విడిచిపెట్టమని స్పష్టం చేశారు.
