LIVE: ఒంటిమిట్టలో కోదండరామస్వామి బ్రహ్మోత్సవాలు - ధ్వజారోహణం - VONTIMITTA BRAHMOTSAVAM 2024

వైఎస్సార్​ జిల్లాలో ఏకశిలానగరముగా ప్రసిద్ధి చెందిన ఒంటిమిట్ట కోదండ రామాలయం నవమి శోభతో అలరాలుతోంది. ఈ దివ్య క్షేత్రాన్ని సర్వాంగ సుందరంగా ముస్తాబు చేశారు. స్వామి వారి బ్రహ్మోత్సవాలు సందర్భంగా ఆలయాన్ని విద్యుత్​ దీపాలు, పూలతో అలంకరించారు. పది రోజులపాటు స్వామి వారి వార్షిక బ్రహ్మోత్సవాలు జరగనున్న నేపథ్యంలో మంగళవారం సాయంత్రం అంకురార్పణతో శ్రీకారం చుట్టారు. ఇవాళ మిథున లగ్నంలో ధ్వజారోహణం కార్యక్రమాన్ని వైభవంగా చేపట్టారు. ఈ కార్యక్రమంలో తిరుమల తిరుపతి దేవస్థానం అధికారులు పాల్గొని వేద పండితుల మధ్య ఆగమశాస్త్రం ప్రకారం ధ్వజారోహణ కార్యక్రమం నిర్వహించారు. ప్రతిరోజు ఉదయం, సాయంత్రం స్వామి వారి ఉత్సవ వేడుకలు జరుగుతున్నాయని ఆలయ అధికారులు తెలిపారు. ఇవాళ రాత్రి 7 నుంచి 9 గంటల వరకు శేష వాహనంపై గ్రామ పురవీధుల్లో శ్రీరామచంద్రుడు విహరిస్తారని ఆలయ అధికారులు తెలిపారు. స్వామి వారి బ్రహ్మోత్సవాలకు భక్తులు పెద్ద సంఖ్యలో పాల్గొని విజయవంతం చేయాలని ఆలయ అధికారులు కోరారు.  వైఎస్ఆర్ జిల్లాలోని ఒంటిమిట్టలో కోదండరామస్వామి బ్రహ్మోత్సవాలు ప్రారంభమయ్యాయి. ఘనంగా ధ్వజారోహణ కార్యక్రమం నిర్వహించారు. స్వామి, అమ్మవార్లకు టీటీడీ వేద పండితులు ప్రత్యేక పూజలు చేపట్టారు. స్వామి అమ్మవార్లకు టీటీడీ ఉన్నతాధికారులు పట్టు వస్త్రాలు సమర్పించారు. రామాలయ ప్రాంగణమంతా రామనామ స్మరణతో మారుమోగుతోంది. ధ్వజారోహణ కార్యక్రమాన్ని వీక్షించేందుకు భక్తులు భారీగా తరలివచ్చారు.  ప్రత్యక్ష ప్రసారం