వైఎస్సార్సీపీ సేవలో ఆర్టీసీ బస్సులు - గమ్యస్థానాలకు వెళ్లేందుకు ప్రయాణికుల అవస్థలు - Buses Diverted to CM Jagan Meeting

RTC Buses Diverted to CM Jagan Meeting in Nandhyala District : సీఎం జగన్​ సభలకు ఆర్టీసీ బస్సులను తరలించడంలో గమ్యస్థానాలకు చేరుకునేందుకు ప్రయాణికులు తీవ్ర ఇబ్బందులు పడుతున్నారు. ఈ నేపథ్యంలో డోన్​ బస్టాండులో ప్లాట్​ ఫాంలు బస్సుల్లేక ఖాళీగా కనిపించాయి. బస్సుల కోసం ప్రయాణికులు గంటల తరబడి పడిగాపులు కాశారు. ఓ వైపు ఎండ, మరోవైపు ఉక్కపోతతో అల్లాడిపోతున్నారు.

Passengers Facing Problems : దూర ప్రాంతాలకు వెళ్లే ప్రయాణికులు గంటల తరబడి వేచి చూడాల్సిన వస్తోందని ఆగ్రహం వ్యక్తం చేస్తున్నారు. అరకొర వచ్చిన బస్సుల్లో ప్రయాణికులతో నిండిపోవడంతో మహిళలు, వృద్ధులు తీవ్ర అవస్థలు పడుతున్నామని తెలియజేశారు. సీఎం జగన్​ మోహన్​ రెడ్డి సభలకు బస్సులు తరలిస్తే ప్రయాణికుల పరిస్థితి ఏంటని అధికారులను ప్రశ్నిస్తున్నారు. ఆర్టీసీ అధికారులు ప్రయాణికుల పరిస్థితి పట్టించుకోవడం లేదని ఆవేదన వ్యక్తం చేశారు. కొంత మంది ప్రయాణికులు ప్రైవేటు వాహనాల ద్వారా సుదూర ప్రాంతాలకు వెళ్లాల్సి వస్తోందని వాపోతున్నారు.