SRH vs CSK IPL 2024: 2024 ఐపీఎల్లో ఉప్పల్ వేదికగా చెన్నై సూపర్ కింగ్స్తో జరిగిన మ్యాచ్లో సన్రైజర్స్ హైదరాబాద్ అదరగొట్టింది. సొంత మైదానంలో చెన్నైపై 6 వికెట్ల తేడాతో ఘన విజయం సాధించింది. చెన్నై నిర్దేశించిన 166 పరుగుల లక్ష్యాన్ని 4 వికెట్లు కోల్పోయి 18.1 ఓవర్లలో ఛేదించింది. ఎయిడెన్ మర్క్రమ్ (50 పరుగులు) హాఫ్ సెంచరీతో అదరగొట్టాడు. చెన్నై బౌలర్లలో మొయిన్ అలీ 2, దీపక్ చాహర్, మతీషా పతిరణ చెరో వికెట్ దక్కించుకున్నారు.
మెరుపు ఆరంభం
166 పరుగుల ఛేదనను సన్రైజర్స్ ఘనంగా ఆరంభించింది. ఓపెనర్ అభిషేక్ శర్మ ఉప్పల్లో బౌండరీల వర్షం కురింపించాడు. ఈ యంగ్ బ్యాటర్ (37 పరుగులు, 12 బంతుల్లో, 3 ఫోర్లు, 4 సిక్స్లు) ఆకాశమే హద్దుగా చెలరేగిపోయాడు. అయితే మూడో ఓవర్లో దీపక్ చాహర్ బౌలింగ్లో భారీ షాట్కు ప్రయత్నించిన అభిషేక్ క్యాచౌట్గా పెవిలియన్ చేరాడు. అప్పటికి సన్రైజర్స్ స్కోర్ 2.4 ఓవర్లలో 46.
ఇక వన్డౌన్లో వచ్చిన మర్క్రమ్తో కలిసి ఇంపాక్ట్ ప్లేయర్ ట్రావిస్ హెడ్ (31 పరుగులు) 60 పరుగుల భాగస్వామ్యం నెలకొల్పాడు. జట్టు స్కోర్ 100 దాటిన తర్వాత హెడ్ వెనుదిరిగాడు. ఆ తర్వాత కూడా దూకుడుగా ఆడిన మర్క్రమ్ 35 బంతుల్లో 4 ఫోర్లు, 1 సిక్స్తో అర్ధ శతకం పూర్తి చేశాడు. ఫిఫ్టీ కంప్లీటైన వెంటనే మర్క్రమ్ను మొయిన్ అలీ ఎల్బీడబ్ల్యూగా వెనక్కిపంపాడు. ఇక చివర్లో నితీశ్ రెడ్డి (14*), హెన్రీచ్ క్లాసెన్ (10*) మిగిలిన లక్ష్యం పూర్తి చేశారు.
అంతకుముందు బ్యాటింగ్ చేసిన చెన్నై నిర్ణీత 20ఓవర్లలో 5 వికెట్ల నష్టానికి 165 పరుగులు చేసింది. చెన్నై బ్యాటర్లలో శివమ్ దూబే (45 పరుగులు, 24 బంతుల్లో), అజింక్యా రహానే (35 పరుగులు), రవీంద్ర జడేజా (31* పరుగులు) రాణించారు. ధోనీ చివర్లో బ్యాటింగ్కు వచ్చి సింగిల్ తీశాడు. సన్రైజర్స్ బౌలర్లలో భువనేశ్వర్ కుమార్, నటరాజన్, షహబాజ్ అహ్మద్, జయదేవ్ ఉనాద్కత్, పాట్ కమిన్స్ తలో వికెట్ దక్కించుకున్నారు.
హోమ్ గ్రౌండ్లో ఆల్రౌండ్ షో- హైదరాబాద్‌పై గుజరాత్‌ విజయం - IPL 2024 GT VS SRH
