Oldest Player Test Cricket In India: భారత్- ఇంగ్లాండ్ మధ్య రెండో టెస్టులో ఓ అరుదైన సంఘటన జరిగింది. ఇంగ్లాండ్ పేస్ బౌలర్ జేమ్స్ అండర్సన్ దాదాపు 6 నెలల తర్వాత ఈ మ్యాచ్తో టెస్టుల్లో బరిలోకి దిగాడు. 2003లో కెరీర్ అంతర్జాతీయ అరంగేట్రం చేసిన అండర్సన్ సుమారు 22 ఏళ్లుగా జట్టుకు ప్రాతినిధ్యం వహిస్తున్నాడు. అయితే 41 (41 ఏళ్ల 187 రోజులు) ఏళ్ల అండర్సన్ భారత్ గడ్డపై టెస్టు మ్యాచ్ ఆడిన అత్యంత పెద్ద వయస్కుడి(పేసర్) గా నిలిచాడు. ఈ క్రమంలో 72 ఏళ్ల పాత రికార్డ్ను అండర్సన్ బ్రేక్ చేశాడు. 1952లో టీమ్ఇండియా ప్లేయర్ లాలా అమర్నాథ్ (41 ఏళ్ల 92 రోజులు) భారత్లో టెస్టు మ్యాచ్ ఆడిన అత్యధిక వయసున్న ప్లేయర్గా కొనసాగాడు. కాగా, ఇప్పుడు అండర్సన్ ఆ రికార్డును బద్దలుకొట్టాడు.
భారత్లో టెస్టు మ్యాచ్ ఆడిన అత్యంత పెద్ద వయసు పేసర్లు
- జేమ్స్ అండర్సన్- 41 ఏళ్ల 187 రోజులు ఇంగ్లాండ్ vs భారత్ (2024)
- లాలా అమర్నాథ్- 41 ఏళ్ల 92 రోజులు- భారత్ vs పాకిస్థాన్ (1952)
- రే లిండ్వాల్- 38 ఏళ్ల 112 రోజులు- ఆస్ట్రేలియా vs భారత్ (1960)
- షుట్ బెనర్జీ- 37 ఏళ్ల 124 రోజులు- భారత్ vs వెస్టిండీస్ (1949)
- గులమ్ గార్డ్- 34 ఏళ్ల 20 రోజులు- భారత్ vs ఆస్ట్రేలియా (1960)
ఈ వయసులోనూ అండర్సన్ ఫిట్గా ఉండడం విశేషం. ఈ మ్యాచ్లో అండర్సన్ శుభ్మన్ గిల్ (34)ను పెవిలియన్ చేర్చాడు. మొత్తం 17 ఓవర్లు బౌలింగ్ చేసిన అండర్సన్ 1.80 ఎకనమీతో 30 పరుగులిచ్చి ఒక వికెట్ ఖాతాలో వేసుకున్నాడు. అందులో 3 మెయిడెన్లు ఉన్నాయి.
James Anderson Test Wickets: అండర్సన్ టెస్టు కెరీర్లో ఇప్పటివరకు 183 మ్యాచ్ల్లో మొత్తం 691 వికెట్లు పడగొట్టాడు. ఈ నేపథ్యంలో అతడు టెస్టు క్రికెట్‌లో మూడో అత్యధిక వికెట్ టేకర్‌గా కొనసాగుతున్నాడు. శ్రీలంక దిగ్గజం ముత్తయ్య మురళీథరన్‌ 800 వికెట్లు, ఆస్ట్రేలియా స్టార్ పేసర్ షేన్‌ వార్న్‌ 708 వికెట్లు టాప్- 2 పొజిషన్లలో ఉన్నారు.
రెండో టెస్టుతో ఆండర్సన్‌ ఎంట్రీ - అప్పటికి ఆ ఇద్దరు పుట్టనేలేదు
