Vijayakanth In GOAT Movie : ఇటీవలే రాజకీయాల్లోకి ఎంట్రీ ఇచ్చిన స్టార్ హీరో విజయ్ తన అప్కమింగ్ మూవీ షూటింగ్లో బిజీగా ఉన్నారు. 'ద గోట్' (ద గ్రేటెస్ట్ ఆఫ్ ఆల్ టైమ్) అనే యాక్షన్ థ్రిల్లర్లో ఆయన కీ రోల్ చేస్తున్నారు. అయితే తాజాగా ఈ సినిమాలో దివంగత నటుడు అతిథి పాత్రలో కనిపించనున్నరన్న వార్తలు వస్తున్నాయి.
అదేంటీ గత కొంతకాలంగా సినిమాలకు దూరంగా ఉన్న విజయ్కాంత్ ఈ చిత్రంలో ఎలా యాక్ట్ చేశారని ఆశ్చర్యపోతున్నారా? అయితే ఆయన కేమియో పాత్రలో కనిపించింది నిజమే, కానీ ఆయన రోల్ను టెక్నాలజీ సాయంతో ఈ సినిమాలో చూపించనున్నారట. ఇప్పటికే ఆయన పాత్రకు సంబంధించిన గ్రాఫిక్స్ వర్క్ కూడా కంప్లీట్ అయినట్లు తెలుస్తోంది. ఇది విన్న కెప్టెన్ ఫ్యాన్స్ భావోద్వేగానికి లోనయ్యారు. తమ స్టార్ హీరోను ఇలా అయినా మరో సారి స్క్రీన్పై చూడొచ్చు అంటూ ఆనందం వ్యక్తం చేస్తున్నారు.
The GOAT Movie Cast : కోలీవుడ్ స్టార్ డైరెక్టర్ వెంకట్ ప్రభు తెరకెక్కించిన ఈ సినిమాలో విజయ్ ద్విపాత్రాభినయం చేయనున్నారట. అందులో స్టార్ హీరో యంగ్ రోల్లోనూ మెరవనున్నారట. అయితే ఆయన్ను 10 నిమిషాల పాటు వింటేజ్ లుక్లో చూపించేందుకు మూవీ టీమ్ డీ-ఏజింగ్ టెక్నాలజీ వాడుతోందట. విదేశీ నిపుణుల సహాయంతో దాదాపు రూ.6 కోట్లు ఖర్చు చేసి విజయ్ వయసు తగ్గించనున్నారని తెలుస్తోంది. ఇక ఇటీవలే విడుదలైన 'ది గ్రేటెస్ట్ ఆఫ్ ఆల్ టైమ్' ఫస్ట్ లుక్ ప్రేక్షకులకు కూడా ఆడియెన్స్ నుంచి మంచి రెస్పాన్స్ వస్తోంది. ప్రస్తుతం ఈ సినిమా రెండో షెడ్యూల్ షూటింగ్ కూడా శరవేగంగా కొనసాగుతోంది.
-
— Vijay (@actorvijay) January 15, 2024
The GOAT Movie OTT Rights : మరోవైపు ఈ సినిమాకు సంబంధించిన ఓటీటీ రైట్స్ను ప్రముఖ ఓటీటీ సంస్థ నెట్ ఫ్లిక్స్ భారీ ధరకు కొనుగోలు చేసినట్లు సమచారం. ఈ మూవీకి యువన్ శంకర్ రాజా సంగీతాన్ని అందిస్తున్నారు. సీనియర్ నటుడు ప్రశాంత్, ప్రభుదేవా, స్నేహ, లైలా, మీనాక్షి చౌదరి, జయరాం, యోగి బాబు సహా పలువురు నటీనటులు ఈ సినిమాలో కీలక పాత్రలు పోషిస్తున్నారు.
వింటేజ్ లుక్లో దళపతి విజయ్- 10 నిమిషాల కోసం రూ.6 కోట్లు ఖర్చు!
