Poonam Pandey Death : ప్రముఖ నటి, మోడల్ పూనమ్ పాండే కన్నుమూశారు. 32 ఏళ్ల ఆమె సర్వైకల్ క్యాన్సర్తో పోరాడి శుక్రవారం తుదిశ్వాస విడిచారు. ఈ విషయాన్ని ఆమె సోషల్ మీడియా హ్యాండిల్లో తన సన్నిహితులు పోస్ట్ చేశారు. అయితే తొలుత దీన్ని నిజం కాదనుకున్న నెటిజన్లు, ఆ తర్వాత ఆ వార్త నిజమే అంటూ ఆమె పీఆర్ టీమ్ ధృవీకరించింది. దీంతో యావత్ సినీ ఇండస్ట్రీ షాక్కు గురైంది. ఆమె మృతి పట్ల పలుపురు ప్రముఖులు, ఫ్యాన్స్ సోషల్ మీడియా వేదికగా సంతాపం తెలుపుతున్నారు.
"ఈ ఉదయం చాలా దురదృష్టకరమైనది. మా ప్రియమైన పూనమ్ను గర్భాశయ క్యాన్సర్తో కోల్పోయాం. ఈ విషయం మీకు తెలియజేయడానికి మేము చాలా బాధపడుతున్నాం. ఆమెతో పరిచయం ఉన్న ప్రతీ వ్యక్తికి, జీవికి ఆమె స్వచ్ఛమైన ప్రేమ, దయ గురించి తెలిసే ఉంటుంది. ఇది చాలా బాధకరమైన సమయం. మమ్మల్ని కాస్త ఒంటరిగా వదిలేయాలని కోరుకుంటున్నాం" అంటూ ఆ పోస్ట్లో పేర్కొన్నారు.
Poonam Pandey Career : ఇక పూనమ్ కెరీర్ విషయానికి వస్తే - ఓ మోడల్గా తన కెరీర్ను ప్రారంభించిన పూనమ్ 2013లో విడుదలైన 'నషా' అనే హిందీ సినిమాతో బాలీవుడ్లోకి తెరంగ్రేటం చేశారు. దాని తర్వాత 'లవ్ ఈజ్ పాయిజన్', 'అదాలత్', 'ఆగయా హీరో', 'జీఎస్టీ' (గల్తీ సిర్ఫ్ తుమ్హారి), 'ద జర్నీ ఆఫ్ కర్మ' సినిమాల్లో మెరిశారు. అంతే కాకుండా మాలినీ అండ్ కంపెనీ అనే తెలుగు సినిమాలోనూ కనిపించారు. ఇలా పలు సినిమాల్లో నటించిన ఆమె, బాలీవుడ్ క్వీన్ కంగనా రనౌత్ హోస్ట్గా వ్యవహరించిన 'లాకప్' అనే టెలివిజన్ షో తొలి సీజన్లో పాల్గొన్నారు. దీంతో పాటు హిందీ ప్రముఖ షో 'ఖత్రోన్ కే ఖిలాడి'లోనూ కనిపించారు.
2011 వన్డే ప్రపంచకప్ టోర్నీ సందర్భంగా చేసిన ఓ ప్రకటనతో పూనమ్ చాలా పాపులర్ అయ్యారు. అయితే ఆమె వైవాహిక జీవితం కూడా వివాదాస్పదమైంది. భర్త తనను శారీరకంగా చిత్రహింసలకు గురిచేస్తున్నాడంటూ అప్పట్లో పోలీసులను ఆశ్రయించారు. ఆ తర్వాత వీరిద్దరూ విడాకులు తీసుకున్నారు.
సినీ పరిశ్రమలో విషాదం- ప్రముఖ సీనియర్ నటి కన్నుమూత
Actress Renjusha Menon Died : ప్రముఖ నటి అనుమానాస్పద మృతి.. కారణం అదేనా?