Manisha Koirala Fake Death : ఈ మధ్య కాలంలో సెలబ్రిటీల పబ్లిసిటీ స్టంట్లు ఎక్కువగా కనిపిస్తున్నాయి. రీసెంట్గా నటి పూనమ్ పాండే చేసిన డెత్ డ్రామా హంగామా అందరికీ తెలిసిందే. ఎందుకంటే తన గర్భాశయ క్యాన్సర్తో చనిపోయినట్లు అందర్నీ నమ్మించి ఫూల్స్ చేసింది. ఆ తర్వాత గర్భాశయ క్యాన్సర్పై మహిళలకు అవగాహన కల్పించేందుకు ఇలాంటి ఫేక్ ప్రచారం చేసినట్లు చెప్పి తీవ్ర విమర్శకులను ఎదుర్కొంది.
అయితే ఫేక్ ప్రచారం కొత్తేం కాదు. గతంలోనూ ఫిల్మ్ ఇండస్ట్రీలో పూనమ్ పాండే కన్నా ముందే మరో హీరోయిన్ను ఓ సినిమా కోసం చంపేశారట! బాలీవుడ్ స్టార్ హీరోయిన్ అలియా భట్ తండ్రి, దర్శకనిర్మాత మహేశ్ భట్ ఇలా చేశారు. ఓ సినిమా ప్రచారం కోసం హీరోయిన్ చనిపోయినట్టు ప్రచారం చేశారట. ఆ సినిమా మరెదో కాదు టాలీవుడ్ కింగ్ నాగార్జున, మనిషా కొయిరాలా, రమ్యకృష్ణ కలిసి నటించిన 'క్రిమినల్'.
ఈ చిత్రాన్ని హిందీలో అలియా భట్ తండ్రి మహేశ్ భట్ రిలీజ్ చేశారు. అప్పటికే 'క్రిమినల్'(Nagarjuna Criminal Movie) చిత్రం తెలుగులో విడుదలై బ్లాక్ బస్టర్ హిట్ అందుకుంది. ఇది విడుదల అయ్యాక కొంతకాలానికి హిందీలో రిలీజ్ చేశారు. ఈ చిత్రం కోసమే నిర్మాత మహేశ్ భట్ మనిషా కొయిరాలా మృతి అంటూ పేపర్లో పెద్ద పెద్ద అక్షరాలు వచ్చేలా ప్రచారం చేశారట. అప్పటికే మనిషా కొయిరాలా కూడా పెద్ద హీరోయిన్. ఇది చూసిన చాలామంది షాక్ అయిపోయారు.
కానీ ఆ తర్వాత అది సినిమా ప్రమోషన్స్ కోసం ప్రచారం చేసినట్లు మహేశ్ భట్ చెప్పడంతో ఆయనపై చాలా మంది పెద్ద ఎత్తువ విమర్శలు చేశారు. కేసులు కూడా పెట్టారు. దీంతో ఆయన తాను ఎందుకు అలా చేశారో వివరణ ఇచ్చారు. అమెరికన్ సినిమా ఫ్యూజిటివ్ మూవీ కోసం ఆ చిత్ర నిర్మాతలు ఇలాగే చనిపోయినట్టు ఫేక్ ప్రచారం చేశారట. దానిని అనుసరించే తాను కూడా ఇలా చేసినట్లు మహేశ్ భట్ చెప్పుకొచ్చారు. అలా పబ్లిసిటీ కోసం క్రిమినల్ మూవీ టీమ్ చేసిన ఫేక్ ప్రచారం ఎంతగానో చర్చనీయాంశమైంది. ఇప్పుడు తాజాగా పూనమ్ పాండే ఫేక్ డెత్ డ్రామా హాట్ టాపిక్గా మారడంతో మనిషా కోయిరాలా ఫేక్ డెత్ ప్రచారాన్ని గుర్తుచేసుకుంటున్నారు.
ఒకప్పుడు స్టార్ హీరో షూస్ మోసిన అసిస్టెంట్‌ - ఇప్పుడు సినిమాకు రూ.100 కోట్లు తీసుకునే స్టార్!
