Janvi Kapoor Dance In Anant Ambani Pre Wedding : దేశంలోనే అత్యంత సంపన్నులో ఒకరైన అంబానీ ఇంట పెళ్లి సందడి మొదలైన సంగతి తెలిసిందే. జులైలో అనంత్ అంబానీ - రాధిక పెళ్లి జరగనుండగా నాలుగు నెలల ముందే ప్రీ వెడ్డింగ్ వేడుకలను గ్రాండ్గా ప్రారంభించారు. ప్రస్తుతం గుజరాత్లోని జామ్‌నగర్‌లో ఈ ప్రీ వెడ్డింగ్ వేడుకలు అట్టహాసంగా జరుగుతున్నాయి.
ప్రపంచ వ్యాప్తంగా ఉన్న అన్ని రంగాలకు చెందిన ప్రముఖలను ఈ వేడుకకు ఆహ్వానించి గతంలో కనీవినీ ఎరుగని విధంగా నిర్వహిస్తున్నారు. ఈ వేడుకకు బాలీవుడ్ తారాగణం మొత్తం కదిలి వెళ్లింది. పలువురు స్టార్ క్రికెటర్లు కూడా సందడి చేస్తున్నారు. బీటౌన్ నుంచి షారుక్ ఖాన్‌, అమీర్‌ ఖాన్‌, శ్రద్ధా కపూర్‌, అక్షయ్‌ కుమార్‌, సిద్దార్థ్‌ మల్హోత్రా, కియారా అద్వానీ, క్రికెటర్లు సచిన్‌, ధోనీ, రోహిత్‌, ఇషాన్, పాండ్య, బౌల్ట్‌, బ్రావో, టిమ్‌ డేవిడ్‌ ఇలా ఎంతో సినీ, క్రీడా ప్రముఖులు జామ్‌నగర్‌కు చేరుకున్నారు. టాలీవుడ్‌ నుంచి రామ్‌చరణ్‌ దంపతులు కూడా వెళ్లారు.
అయితే ఈ వేడుకల్లో వరల్డ్‌ పాప్‌ సూపర్ స్టార్ రిహానా కూడా సందడి చేసింది. ఆమెకు భారీ మొత్తంలో చెల్లించి ఇక్కడికి రప్పించారట. ఒక్క షో కోసం రిహానాకు ఏకంగా రూ. 75 కోట్ల వరకు ఇస్తున్నారని తెలిసింది. ఈమెతో పాటే కలిసి బాలీవుడ్ భామ జాన్వీ కపూర్‌ డ్యాన్స్లు వేస్తూ చిందులేసింది. హాట్ స్టెప్పులతో అదరగొట్టేసింది. ఈ వీడియోనే ఇప్పుడు సోషల్ మీడియాను తెగ ఊపేస్తోంది. జాన్వీ కూడా ఈ డ్యాన్స్ హంగామా వీడియోను తన ఇన్స్టా గ్రామ్లో పోస్ట్ చేసింది.
ఇక జాన్వీ సినిమాల విషయానికొస్తే ప్రస్తుతం ఈ ముద్దుగుమ్మ యంగ్ టైగర్ ఎన్టీఆర్తో కలిసి దేవర సినిమాలో నటిస్తోంది. ఈ సినిమా షూటింగ్ శరవేగంగా జరుగుతోంది. దీంతో పాటే తెలుగులో రామ్చరణ్తో ఆర్ సీ 16లోనూ నటిస్తోందని తెలిసింది. అంతేకాక కోలీవుడ్లోనూ ఓ స్టార్ హీరో సినిమాతో ఎంట్రీ ఇచ్చేందుకు రెడీ అయిందని జోరుగా ప్రచారం సాగుతోంది.
భర్తను అన్ఫాలో చేసి బిగ్ ట్విస్ట్ ఇచ్చిన నయన్ - అసలేం జరిగిందంటే?
'షారుక్ దగ్గర 17 ఫోన్లు' - షాకింగ్ విషయాలు రివీల్ చేసిన ఫ్రెండ్
