Sony LIV Subscription Plans : ప్ర‌స్తుతం దేశవ్యాప్తంగా ఓవ‌ర్-ది-టాప్ (ఓటీటీ)ల హ‌వా న‌డుస్తోంది. మనకు నెట్ఫ్లిక్స్, అమెజాన్, జియో, జీ5, ఆహా లాంటి చాలా ఓటీటీలు అందుబాటులో ఉన్నాయి. అయితే కల్వర్ మాక్స్ ఎంటర్‌టైన్‌మెంట్ యాజమాన్యానికి చెందిన 'సోనీ లివ్' వీటన్నింటి కంటే చాలా ముందే ఇండియాలో స్ట్రీమింగ్ సేవలు ప్రారంభించింది. మరి ఈ ఓటీటీ ప్లాట్ఫాం అందిస్తున్న సబ్స్క్రిప్షన్ ప్లాన్స్పై మనమూ ఓ లుక్కేద్దామా?
సూపర్ కంటెంట్ : సోనీ లివ్ ఓటీటీ ప్లాట్ఫామ్లో లైవ్ స్పోర్ట్స్, చలన చిత్రాలు, టీవీ ప్రోగ్రామ్స్, వెబ్ సిరీస్లు సహా, సోనీ లివ్ ఒర్జినల్ కంటెంట్ ఉంటుంది. తెలుగు, హిందీ, తమిళం, మలయాళం, కన్నడ, మరాఠీ, భోజ్‌పురి, బెంగాలీ, పంజాబీ, ఉర్దూ త‌దిత‌ర భాష‌ల్లో కంటెంట్ అందుబాటులో ఉంది. ఇది మ‌న‌దేశంతో పాటు UAE , ఖతార్ , కువైట్ , సౌదీ అరేబియా , ఒమన్ , బహ్రెయిన్ , బంగ్లాదేశ్ , నేపాల్ , శ్రీలంక , మాల్దీవులు , భూటాన్ ,మలేషియా , సింగపూర్ , హాంకాంగ్ , మకావు , చైనా , తైవాన్, పాకిస్థాన్, ఆస్ట్రేలియా త‌దిత‌ర దేశాల్లో స్ట్రీమింగ్ సేవలు అందిస్తోంది.
ఈ సోనీ లివ్ ప్లాట్ఫామ్లో మనకు 4 ర‌కాల ప్లాన్స్ అందుబాటులో ఉన్నాయి. వీటిలో మంత్లీ ప్లాన్, 6 నెల‌ల ప్లాన్, ఇయర్లీ ప్రీమియం ప్లాన్స్ ఉన్నాయి. వాటిలో మీకు నచ్చిన దానిని ఎంచుకోవచ్చు.
Sony Liv 299 Plan : ఈ నెల‌వారి ప్లాన్ ధర రూ.299. యూజర్లు 5 డివైజ్ల‌లో లాగిన్ అయ్యి ఓటీటీ కంటెంట్ను ఆస్వాదించవచ్చు. కానీ ఒకసారికి ఒక డివైజ్లో మాత్రమే కంటెంట్ చూడడానికి వీలవుతుంది. వీడియోను 1080p (ఫుల్ హెచ్డీ) క్వాలిటీలో వీక్షించ‌వ‌చ్చు. 2.1 స్టీరియోలో మ్యూజిక్ ఎంజాయ్ చేయ‌వ‌చ్చు.
Sony Liv 699 Plan : ఇది 6 నెల‌ల సబ్స్క్రిప్షన్ ప్లాన్. ఈ ప్లాన్ ధర రూ.699. యూజర్లు 5 డివైజ్ల్లో లాగిన్ కావ‌చ్చు. కానీ ఒకసారి కేవలం 2 డివైజ్ల్లో మాత్రమే దీనిని వీక్షించడానికి వీలవుతుంది. 1080p (ఫుల్ హెచ్డీ) క్వాలిటీతో వీడియోలు చూడొచ్చు. స్టీరియో 2.1 క్వాలిటీతో ఆడియో వినవచ్చు.
Sony Liv 599 Plan : సోనీ లివ్ రెండు ఇయర్లీ ప్లాన్లను అందిస్తోంది. అందులో మొద‌టి ప్లాన్ ధర రూ.599. ఇది మొబైల్ మాత్రమే ఉపయోగించుకోవడానికి వీలవుతుంది. 720p హెచ్డీ క్వాలిటీతో వీడియోలు వీక్షించ‌వ‌చ్చు. ఆడియో క్వాలిటీ 2.1 స్టీరియో.
Sony Liv 999 Plan : సోనీ లివ్ అందిస్తున్న ఇయర్లీ ప్రీమియం ప్లాన్ ఇది. ఈ ప్లాన్ ధర రూ.999. ఈ ప్రీమియం ప్యాక్ తీసుకున్నవారు 5 డివైజ్ల్లో లాగిన్ కావ‌చ్చు. కానీ ఒకేసారికి రెండు డివైజ్ల్లో మాత్రమే కంటెంట్ చూసే అవకాశం ఉంటుంది. 1080p (ఫుల్ హెచ్డీ) క్వాలిటీతో వీడియోలు ఎంజాయ్ చేయ‌వ‌చ్చు. స్టీరియో 2.1 సౌండ్ క్వాలిటీతో మ్యూజిక్ వినొచ్చు. ప్రోమో కోడ్ ఉపయోగిస్తే, భారీ తగ్గింపు ధరతోనే ఈ సబ్స్క్రిప్షన్ ప్లాన్ పొందవచ్చు.
ఈ సోనీ లివ్ సబ్స్క్రిప్షన్ ప్లాన్స్ అన్నింటిలోనూ ప్రకటనలు (యాడ్స్) వస్తాయి. ముఖ్యంగా స్పోర్ట్స్, సోనీ లివ్ ఎక్స్క్లూజివ్ కంటెంట్, లైవ్ అండ్ రికార్డెడ్ రియాలిటీ షోలల్లో ప్రకటనలు వస్తాయి.
'ఆహా ఓటీటీ' అదిరిపోయే ఆఫర్ - ఆ ప్లాన్పై ఏకంగా రూ.3000 వర్త్ డీల్! - aha Plans and Pricings
