CC Road Construction With Waste Plastic : పర్యావరణానికి సవాల్ విసురుతున్న ప్లాస్టిక్ వ్యర్థాలలో సీసీరోడ్లు నిర్మించారు కొందరు పరిశోధకులు. తక్కువ ఖర్చులోనే, ఎక్కువ కాలం మన్నికగా ఉండేటట్లుగా రోడ్డును రూపొందించారు. వారు చేసిన పరిశోధనకు భారత ప్రభుత్వం నుంచి పేటెంట్ కూడా లభించింది. మరి ఆ పరిశోధకులు ఎవరో? ఆ రోడ్డు ప్రత్యేకతలు ఏంటో తెలుసుకుందామా.
ప్లాస్టిక్ వ్యర్థాలను ఉపయోగించి తక్కువ ఖర్చుతోనే రోడ్డు నిర్మాణం చేసే విధానాన్ని మహారాష్ట్రలోని అమరావతిలోని రామ్మేఘ ఇంజినీరింగ్ కళాశాల పరిశోధకులు రూపొందించారు. స్థానిక ఇన్నోవేటివ్ ఎంటర్ప్రెన్యూర్ బోర్డ్ భాగస్వామ్యంతో ఈ పరిశోధనలు చేశారు. అయితే ఈ రకమైన పరిశోధన ఆఫ్రికాలో 2005లోనే జరిగింది. దీని ఆధారంగా ఐఐటీ ఖరగ్పుర్ 2010-12 మధ్యకాలంలో ఇలాంటి పరిశోధనలు చేపట్టింది. అయితే ఈ పద్ధతినే మరింత అభివృద్ధి చేశారు రామ్మేఘ ఇంజినీరింగ్ కళాశాల పరిశోధక బృందం.
Plastic Cell Filled Concrete Pavement : రామ్మేఘ ఇంజినీరింగ్ కళాశాల అర్కిటెక్చర్ ప్రొఫెసర్ డాక్టర్ శ్రీకాంత్ హర్లే ఈ ప్రాజెక్టుకు నేతృత్వం వహించారు. ప్లాస్టిక్ వ్యర్థాలను సెల్స్ ఆకారంలో తయారు చేస్తారు. వాటిని సీసీరోడ్డు నిర్మాణంలో ఉపయోగిస్తారు. 'ప్లాస్టిక్ సెల్స్ను కాంక్రీట్ రోడ్డు నిర్మాణంలో ఉపయోగించుకోవచ్చు. తారు రోడ్డుతో పోలిస్తే ప్లాస్టిక్ సెల్స్తో రోడ్డును నిర్మించడానికి 20 శాతం ఖర్చు తక్కువ అవుతుంది. అతేకాకుండా దాదాపు 20 సంవత్సరాల వరకు రోడ్డు చెక్కు చెదరకుండా ఉంటుంది. త్వరలోనే మా కళాశాల ప్రతినిధి బృందం కేంద్ర ప్రభుత్వ ఉన్నతాధికారులను కలవనుంది. ఈ పద్ధతిలో గ్రామీణ ప్రాంతాల్లో రోడ్లు నిర్మించాలని ప్రభుత్వాన్ని కోరనున్నాం' అని ప్రొఫెసర్ డాక్టర్ శ్రీకాంత్ వెల్లడించారు.
సీసీరోడ్డు నిర్మాణంలో ప్లాస్టిక్ సెల్స్ను ఉపయోగించడం ద్వారా రోడ్డు మరింత పటిష్టంగా ఉంటుందిని పరిశోధకులు తెలియజేశారు. దేశాభివృద్ధికి ఈ పరిశోధన ఎంతోగానో ఉపయోగపడుతుందని చెప్పారు. ఈ పద్ధతి ద్వారా మనదేశంలోని గ్రామీణ ప్రాంతాల్లో అతి తక్కువ ఖర్చుతో రోడ్లు నిర్మించేందుకు అవకాశం ఏర్పడుతుందిని వివరించారు.
కోడి ఈకలతో పర్యావరణ హిత ప్లాస్టిక్- ఎరువుగా కూడా వాడుకోవచ్చట!
రైతుగా తండ్రి కష్టం చూశాడు - సరికొత్త యంత్రాన్ని ఆవిష్కరించాడు
