சர்வதேச எரிசக்தி விலை உயர்வுக்கு ஏற்ப, இன்று (மார்ச் 22) உள்நாட்டு சமையல் எரிவாயு (எல்பிஜி) விலை சிலிண்டருக்கு 50 ரூபாய் உயர்த்தப்பட்டுள்ளது. 14.2 கிலோ எடையுள்ள மானியம் இல்லாத எல்பிஜி சிலிண்டரின் விலை இப்போது 949.50 ரூபாயாக உள்ளது.
அக்டோபர் தொடக்கத்தில் இருந்து எல்பிஜி விலை உயர்த்தப்படுவது இதுவே முதல்முறை. அன்றிலிருந்து மூலப்பொருள்களின் விலை சுழன்று கொண்டிருந்தாலும் விலை முடக்கத்தில் உள்ளன. 5 கிலோ எடை கொண்ட எல்பிஜி சிலிண்டரின் விலை 349 ரூபாயாக இருக்கும்.
இதனிடையே செவ்வாயன்று பெட்ரோல் மற்றும் டீசல் விலைகள் லிட்டருக்கு 80 காசுகள் உயர்த்தப்பட்டன, இது கட்டண திருத்தத்தில் நான்கரை மாதங்களுக்கும் மேலான இடைவெளியை முடிவுக்குக் கொண்டு வந்ததாக தெரிகிறது.
டெல்லியில் பெட்ரோல் விலை லிட்டர் 96.21 ரூபாயாக உள்ளது, டீசல் விலை லிட்டர் 87.47ரூபாயாக உயர்ந்துள்ளது. கட்டண உயர்வு 137 நாள்கள் இடைவெளிக்குப் பிறகு சதவீத திருத்தத்தில் வருகிறது. உத்தரபிரதேசம், பஞ்சாப் போன்ற மாநிலங்களில் சட்டப்பேரவைத் தேர்தல் நடைபெறவுள்ள நிலையில், நவம்பர் 4ஆம் தேதி முதல் விலை உயர்வு நிறுத்தப்பட்டது.
இதேபோல், தமிழ்நாடு திண்டுக்கல் மாவட்டத்திலுள்ள கொடைக்கானலில், பெட்ரோல் மற்றும் டீசல் விலை அதிரடியாக உயர்ந்துள்ளது. மலை வாசஸ்தலங்களில் பெட்ரோல், டீசல் விலை அதிகமாக விற்பது இயல்பான ஒன்று. அதன்படி கொடைக்கானலில் பெட்ரோலின் விலை ஒரு லிட்டருக்கு 105.07 ரூபாய்க்கும், ஒரு லிட்டர் டீசலின் விலை 94.73 ரூபாய்க்கும் விற்பனை செய்யப்படுகிறது.
இதனால், வாகன ஓட்டிகள் அதிர்ச்சி அடைந்துள்ளனர். அத்தியாவசிய தேவைகளில் ஒன்றாக இருக்கக் கூடிய எரிபொருள் விலை ஏற்றத்தால் நடுத்தர வர்க்கத்தினர் கவலையடைந்து உள்ளனர். பெட்ரோல், டீசல் விலையை தொடர்ந்து எரிவாயு சிலிண்டரின் விலை உயர்ந்துள்ளதால் இல்லத்தரசிகள் கலக்கம் அடைந்துள்ளனர்.
இதையும் படிங்க: இந்தியா மீட்டுவரப்பட்ட பழங்காலப் பொருள்கள் - பிரதமர் மோடி நேரில் ஆய்வு
