விமானத்தில் சுறா மீன்களின் வால், செதில் கடத்தியவர் கைது!

சென்னை: சிங்கப்பூர் செல்லும் இண்டிகோ ஏர்லைன்ஸ் விமானத்தில் சுறா மீன்களின் வால், செதில்கள் ஆகியவற்றை கடத்த முயன்ற நபரை  சுங்கத் துறையினர்  கைது செய்துள்ளனர்.

சென்னை விமான நிலையத்தில் பஷீர் அகமது (31) என்பவர் சுறா மீன்களின் வால்கள், செதில்கள் ஆகியவற்றை சிங்கப்பூருக்குச் செல்லும் இண்டிகோ ஏர்லைன்ஸ் விமானத்தில் அட்டை பெட்டியில் வைத்து கடத்த முயன்றபோது சுங்கத் துறை அலுவலர்களால் கைது செய்யப்பட்டார்.

மேலும் அவரிடமிருந்து, ரூ. 4.5 லட்சம் மதிப்புடைய 8 கிலோ சுறா மீன்களின் செதில்கள், வால்கள் ஆகியவற்றை சுங்கத் துறையினர் பறிமுதல் செய்தனர்.

இவற்றைக் கொண்டு நட்சத்திர உணவகங்களில் தயாரிக்கும் சூப் உடல் ஆரோக்கியத்திற்கு மிகவும் நல்லது என்பதால் சீனாவில் மிகவும் பிரபலம். ஆனால், நமது நாட்டில் அழிந்துவரும் இனம் என்பதால், மத்திய அரசு இதை வெளிநாடுகளுக்குக் கடத்த தடைவிதித்துள்ளது.

எனவே, மத்திய வனக்குற்றப்பிரிவு அலுவலர்களுடன் சுங்கத் துறை அலுவலர்கள் இணைந்து, கைது செய்யப்பட்ட நபரிடம் தீவிர விசாரணை மேற்கொண்டுவருகின்றனர்.

இதையும் படிங்க: விக்ரம் லேண்டரைக் கண்டுபிடித்த சண்முக சுப்ரமணியனுக்கு கமல்ஹாசன் பாராட்டு