திருப்பூரில் தேன் பதப்படுத்தும் மையம்.. தூத்துக்குடியில் பனை ஓலை தொழிற்கூடம்.. கதர் மற்றும் கிராமத் தொழில் துறை புதிய அறிவிப்புகள்!

கதர் மற்றும் கிராமத் தொழில்கள் துறையின் சார்பில் புதியதாக சில அறிவிப்புகளை அமைச்சர் ஆர்.எஸ். ராஜகண்ணப்பன் சட்டப் பேரவையில் வெளியிட்டார்.

சென்னை: தமிழ்நாடு கதர் மற்றும் கிராமத் தொழில்கள் துறை சார்பில் முக்கிய அறிவிப்புகளை அமைச்சர் ராஜகண்ணப்பன் சட்டப் பேரவையில் வெளியிட்டார். அவர் வெளியிட்ட முக்கிய அறிவிப்புகள் பின்வருமாறு;

• சென்னை எஸ்பிளனேடு பகுதியில் 44,640 சதுர அடி நிலப்பரப்பில் அமைந்துள்ள குறளாக கட்டினத்தினை இடித்து விட்டு நவீன வசதிகளுடனும், போதுமான வாகன நிறுத்தும் இட வசதிகளுடனும் புதிய கட்டிடம் ரூ.100 கோடி செலவில் கட்டப்படும்.
• சுமார் 8,720 சதுர அடி பரப்பில் அமைந்துள்ள திருச்சிராப்பள்ளி உதவி இயக்குனர் மற்றும் மண்டல துணை இயக்குனர் அலுவலகம் இயங்கி வருகிறது. இந்த கட்டிடம் 1966-ல் கட்டப்பட்ட நிலையில் தற்போது பழுதடைந்துள்ளது. ஆகையால் இந்த கட்டிடத்தை இடித்து புதிய கட்டிடம் ரூ.5.60 கோடி மதிப்பீட்டில் கட்டப்படும்.
• கன்னியாகுமரி மாவட்டம் மார்த்தாண்டம் பகுதியில் கொள்முதல் செய்யப்படும் பச்சைத் தேனின் விலையை கிலோ ஒன்றுக்கு ரூ.140 இல் இருந்து ரூ.145 ஆக உயர்த்தி வழங்கப்படும்.
• நீலகிரி மாவட்ட தேன் விவசாயிகளிடமிருந்து மலை தேனை கொள்முதல் செய்து பகுப்பாய்வு செய்து பாட்டில்களில் நிரப்பிட ஏதுவாக திருப்பூர் கதிர்வலாகத்தில் ரூ.15 லட்சம் செலவில் புதிய தேன் பதப்படுத்தும் நிலையம் ஒன்று நிறுவப்படும்.
• மேலும், நீலகிரி மாவட்டம் கோகால் திருச்சிக்கடி கீழ் கோத்தகிரி புது கோத்தகிரி மற்றும் கொல்லிமலை ஆகிய பகுதிகளில் மண்பாண்டகளை செய்யும் கோத்தாஸ் பழங்குடி மக்களின் உற்பத்தி திறனை அதிகரித்திட இலவசமாக 100 நவீன மின்விசை சக்கரங்கள் ரூ.25 லட்சம் செலவில் வழங்கப்படும்.
• நீலகிரி மாவட்டம் கோக்கால் மற்றும் திருச்சிக்கடி ஆகிய பகுதிகளில் உள்ள மண்பாண்டகளை செய்யும் கோத்தாஸ் பழங்குடி மக்களுக்கு ரூ.25 லட்சம் செலவில் 600 சதுர அடி மற்றும் 300 சதுர அடி அளவுகளில் 2 மண்பாண்ட தொழிற்கூடங்கள் கட்டித் தரப்படும்.
• நீலகிரி மாவட்டம் கோக்கால் மற்றும் திருச்சிக்கடி ஆகிய பகுதிகளில் உள்ள மண்பாண்டகளை செய்யும் கோத்தாஸ் இன மக்களுக்கு ரூ.3 லட்சம் செலவில் 4 மண் அரைக்கும் இயந்திரங்களும் வழங்கப்படும்.
• செங்கோட்டை மண்பாண்ட தொழில் கூட்டுறவு சங்க உறுப்பினர்கள் பயன்பெறும் வகையில் தென்காசி மாவட்டம் செங்கோட்டையில் ரூ.14 லட்சம் மதிப்பீட்டில் 600 சதுர அடி அளவில் புதிய தொழில் கூடம் கட்டித் தரப்படும்.
• வாடிக்கையாளர்களை கவரும் வண்ணம் மூன்று கதரங்காடிகள் ரூ.3 லட்சம் செலவில் புதுப்பிக்கப்படும்.
• பட்டு நெசவுத் தொழிலில் ஈடுபட்டுள்ள சுமார் 40 பட்டு நெசவாளர்களுக்கு ரூ.10 லட்சம் செலவில் புதிய தரிகல் வழங்கப்படும்.
• பட்டு நெசவு பணி மேற்கொள்ளும் 300 பட்டு நெசவாளர்களுக்கு ரூ.8 லட்சம் செலவில் தறி உபகரணங்கள் வழங்கப்படும்.
• கதர் உற்பத்தியில் ஈடுபட்டுள்ள 100 நெசவாளர்களுக்கு ரூ.7 லட்சம் செலவில் தறி உபகரணங்கள் வழங்கப்படும்.
• சிவகங்கை மாவட்டம் கண்டனூர் சோப்பு அழகில் தானியங்கி சோப்பு தயாரிக்கும் இயந்திரம் ஒன்று ரூ.15 லட்சம் செலவில் நிறுவப்படும்.

தமிழ்நாடு பனை பொருள் வளர்ச்சி வாரியம்:

• ராமநாதபுரம் தூத்துக்குடி தேசிய நெடுஞ்சாலை ஒட்டியுள்ள பகுதியில் பனைப்பொருள் வர்த்தக மையம் ரூ.5 கோடி மதிப்பீட்டில் அமைக்கப்படும்.
• தூத்துக்குடி மாவட்டம் காயல்பட்டினம் பகுதியில் பனைவெல்ல கிடங்கு மற்றும் பனை ஓலைத் தொழிற்கூடம் ரூ.35 லட்சம் செலவில் அமைக்கப்படும்.
• கடலூர் நகரத்தில் நாலு விற்பனை அங்காடிகள் ரூ.30 லட்சம் செலவில் அமைக்கப்படும்.
• ராமநாதபுரம் மாவட்டம் சாயல்குடியில் உள்ள தொழிற் கூடத்திற்கு தேவைப்படும் உபகரணங்கள் ரூ.20 லட்சம் மதிப்பீட்டில் கொள்முதல் செய்து தரப்படும்.
• மதுரை விருதுநகர் திண்டுக்கல் மாவட்ட பனைவெல்ல கூட்டுறவு சம்மேளனதிர்க்கு குளிர்சாதன வசதிகளை கொண்டு 10 தள்ளுவண்டிகள் மற்றும் 5 குளிர் பதனப் பெட்டிகள் ரூ.15 லட்சம் மதிப்பீட்டில் கொள்முதல் செய்யப்படும்.
• தமிழ்நாடு மாநில இணையத்தின் மானாமதுரை கிளை வளாகத்தில் விற்பனை அங்காடி ரூ.5 லட்சம் செலவில் அமைக்கப்படும் என அமைச்சர் ராஜகண்ணப்பன் அறிவித்தார்.

இதையும் படிங்க: CMDA: வடசென்னை வளர்ச்சிக்கு முக்கியத்துவம்.. புதிய அறிவிப்புகளை வெளியிட்ட அமைச்சர்!