சிவா இயக்கத்தில் ரஜினிகாந்த் நடித்துவரும் படம் ’அண்ணாத்த’. மீனா, கீர்த்தி சுரேஷ், குஷ்பு உள்ளிட்டோர் நடித்துள்ளனர். சன் பிக்சர்ஸ் தயாரித்துள்ள இப்படத்திற்கு இமான் இசை அமைத்துள்ளார்.
இப்படத்தின் படப்பிடிப்பு கரோனா ஊரடங்கு, ரஜினிகாந்தின் உடல்நிலை பாதிப்பு உள்ளிட்ட பிரச்னைகளைத் தாண்டி ஒருவழியாக முடிவடைந்தது. தற்போது டப்பிங் பணிகள் நடைபெற்று வருகின்றன.
’அண்ணாத்த' படத்தின் டப்பிங் பணிகளில் கடந்த மாதம் 26ஆம் தேதி முதல் ரஜினி ஈடுபட்டு வந்தார். சென்னை மயிலாப்பூரில் உள்ள கிராக் ஸ்டுடியோவில் நடைபெற்று வந்த இந்த டப்பிங் பணிகள் நேற்றுடன் முடிவடைந்துவிட்டதாகக் கூறப்படுகிறது.
இதனையடுத்து இன்னும் சில காட்சிகளை ரஜினி இல்லாமல் கொல்கத்தாவில் படமாக்க திட்டமிட்டிருப்பதாவும், விரைவில் இதன் படப்பிடிப்பு தொடங்கவுள்ளதாகவும் கூறப்படுகிறது.
இதையும் படிங்க: ஹாட்... கூல் - இது பாயல் ராஜ்புத்தின் தனி ஸ்டைல்!
