சினிமாவில் காலம் காலமாக நீடித்து, புலிச்ச மாவாய் திகட்டும் சில சினிமா சம்பிரதாயங்களை வருத்தெடுக்கும் 'ஸ்பூஃப்' என்கிற திரைப்பட ஜானரை 'தமிழ்படம்', 'தமிழ்படம் - 2' போன்ற படங்களின் மூலமாக தமிழ்சினிமாவிற்கு அறிமுகப்படுத்தியவர் இயக்குநர் சிஎஸ் அமுதன்.
இவர் தற்போது நடிகர் விஜய் ஆண்டனியை வைத்து 'ரத்தம்' என்கிற தன்னுடைய ஜானரில் இருந்து மாறுபட்ட ஓர் படத்தை எடுத்து வருகிறார். இந்நிலையில், பொதுவாக ட்விட்டர் மற்றும் இதர சமூகவலைதளப் பக்கங்களில் இயக்குநர் சிஎஸ் அமுதனின் நக்கல் நய்யாண்டி சேட்டைகள் எப்போதும் காணப்பட்டுக் கொண்டே இருக்கும். அது ரசிகர்களாலும் பெரும்வாரியாக ரசிக்கப்படும்.
ஏற்கனவே இயக்குநர் பார்த்திபனை தனது பாணியில் இயக்குநர் சிஎஸ் அமுதன் கலாய்த்தது நெட்டிசன்களால் அதிகம் பகிரப்பட்டு பேசப்பட்டது. இந்நிலையில், தற்போது தன்னுடைய படத்தின் நாயகரான விஜய் ஆண்டனியைக் கலாய்த்துள்ளார் சிஎஸ் அமுதன்.
நேற்று(அக்.19) மதியம், விஜய் ஆண்டனி தனது ட்விட்டர் பக்கத்தில், "கடவுள் முன்னாடி வந்தா, ஜாதி மதம் கோயில் சாமியார் எல்லாரையும் உலகத்துல இருந்து எடுத்துட்டு, வறுமை கொலை கொள்ளைய ஒழிச்சிட்டு, பேசாம நீங்க எங்க கூடவே இருந்துருங்க சார்னு Request-ஆ கேப்பேன். நீங்க என்ன கேப்பீங்க...?" எனப் பதிவிட்டு தனது ரசிகர்களிடம் கேள்வியும் கேட்டிருந்தார்.
அதற்கு கீழ் பதிலளித்த இயக்குநர் சிஎஸ் அமுதன், "எங்க ஹீரோவ டப்பிங் வர வையுங்கனு கேப்பேன் #Ratham" என நக்கலாக பதிலளித்தது சமூகவலைதளத்தில் வைரலாகப் பரவி வருகிறது. இயக்குநர் சிஎஸ் அமுதன் தனது பலமான ஜானரை விட்டு வெளி வந்து விஜய் ஆண்டனியை வைத்து உருவாக்கியிருக்கும் 'ரத்தம்' திரைப்படம் இறுதிகட்ட வேலைகளில் உள்ளது. இது விரைவில் திரையரங்குகளில் வெளியாகுமென்றும் எதிர்பார்க்கப்படுகிறது.
இதையும் படிங்க: பிக் பாஸ் வீட்டை விட்டு வெளியேறுகிறாரா..ஜி.பி.முத்து? அதிர்ச்சியில் ஆர்மி.
