சென்னை பல்கலைக்கழகம் நேற்று (ஆக.30) வெளியிட்ட செய்திக்குறிப்பில்,"6ஆவது செமஸ்டரில் ஒரு தாள் மட்டும் அரியர் வைத்துள்ள இளநிலை மாணவர்களுக்கு உடனடி எழுத்து தேர்வு மற்றும் செய்முறை தேர்வுகள் நடத்தப்படும். முதுகலை மாணவர்கள் நான்காவது செமஸ்டர் தேர்வில் ஒரு அரியர் வைத்திருந்தால் அவர்களுக்கும் உடனடியாக எழுத்து தேர்வு மற்றும் செய்முறை தேர்வு நடைபெறும்.
இவர்கள் தாங்கள் பயின்ற கல்லூரி மூலமாக செப்.5ஆம் தேதி முதல் 14ஆம் தேதி வரை www.unom.ac.in என்கிற இணையதள முகவரியில் இளநிலை மாணவர்கள் உடனடி தேர்வுக்கான கட்டணமாக 300 ரூபாய் செலுத்தியும், முதுகலை மாணவர்கள் 350 ரூபாயும், M.A M.L., சட்டபடிப்பு மாணவர்கள் 600 ரூபாயும் செலுத்த வேண்டும். சிறப்பு தேர்வு செப்.24ஆம் தேதி நடைபெறும் என்றும் அறிவிக்கப்பட்டுள்ளது.
B.com, B.B.A மாணவர்களுக்கு சிறப்பு தேர்வு அடையாற்றில் உள்ள பெட்ரிசியன் கல்லூரியில் நடைபெறும். B.sc, B.A மாணவர்களுக்கு அடையாற்றில் உள்ள குமார ராணி மீனா முத்தையா கல்லூரியில் நடைபெறும். முதுகலை மாணவர்களுக்கான சிறப்பு தேர்வுகள் எம்ஜிஆர் ஜானகி கலை அறிவியல் கல்லூரியில் நடைபெறும்.
மறு கூட்டலுக்கு விண்ணப்பிக்க விரும்பும் மாணவர்கள் செப். 5ஆம் தேதி முதல் 14 வரை www.unom.ac.in என்கிற இணையதள முகவரியில் தேர்வர்கள் கையெழுத்திட்டு 300 ரூபாய் வரைவு காசோலையினை The Registrar university of madras என்கிற பெயரில் செப்.15ஆம் தேதிக்கு முன்னதாக சமர்ப்பிக்க வேண்டும்" என குறிப்பிடப்பட்டுள்ளது.
இளங்கலை மற்றும் முதுகலை ஏப்ரல் மாதம் நடந்த செமஸ்டர் தேர்வுகளுக்கான முடிவுகள் வரும் செப்.1ஆம் தேதி இணையதளத்தில் வெளியிடப்படும் என சென்னை பல்கலைக்கழகம் அறிவித்துள்ளது.
இதையும் படிங்க: CUET Exam: லட்சத்தீவில் தேர்வு மையம்... சு.வெங்கடேசன் முயற்சியால் மதுரையில் தேர்வெழுதிய மாணவர்
