ஹைதராபாத்: ஃபகத் ஃபாசில் பிறந்த நாளான இன்று (ஆகஸ்ட் 8) புஷ்பா 2 திரைப்படத்தின் அவரின் ஃபர்ஸ்ட் லுக் போஸ்டரை படக்குழு அதிகாரப்பூர்வமாக வெளியிட்டுள்ளது. இந்த புகைப்படத்தில் ஃபகத் ஃபாசில் மொட்டை அடித்துக் கொண்டு மிரட்டலான கெட்டப்பில் சிகரெட்டை வாயில் வைத்தபடியான புகைப்படத்தை படக்குழு யாரும் எதிர்பாராத விதமாக தனது ட்விட்டர் பக்கத்தில் வெளியிட்டு ரசிகர்களை பெரும் மகிழ்ச்சியில் ஆழ்த்தியுள்ளது.
இத்திரைப்படத்தை இயக்குநர் சுகுமார் இயக்கி வருகிறார். மைத்திரி மூவி மேக்கர்ஸ் நிறுவனம் தயாரித்து வருகிறது. இதில், நடிகராக அல்லு அர்ஜூன் மற்றும் நடிகையாக ராஷ்மிகா மந்தனா நடிக்கிறார். இதில் வில்லன் கதாபாத்திரத்தில் ஃபகத் ஃபாசில் நடிக்கிறார். புஸ்பா முதல் பாகத்தில் ஃபகத் பாசில் கதாபாத்திரம் குறைவாக இருந்த நிலையில், புஷ்பா இரண்டாம் பாகத்தில் அவரது கதாபாத்திரம் பெரிதாக இருக்குமா? என்ற எதிர்பார்ப்பு, ரசிகர்கள் மத்தியில் ஏற்பட்டு உள்ளது.
இந்த திரைப்படத்தில் சுனில், அஜய், ராவ் ரமேஷ், அனசுயா, ஆகியோர் நடிக்க உள்ளனர். இத் திரைப்படத்திற்கு இசையமைப்பாளர் தேவி ஸ்ரீ பிரசாத் இசையமைக்கிறார். ஒளிப்பதிவாளராக மிர்ரோஸ்லாவ் குபா, எடிட்டர் கார்த்திகா ஸ்ரீனிவாஸ், ரூபன் ஆகியோர் இணைந்து இப்படமானது உருவாக உள்ளது.
மேலும், இத்திரைப்படம் விரைவில் ராமோஜி ஃபிலிம் சிட்டியில் வைத்து சூட்டிங் செய்ய உள்ளதாக தகவல்கள் வெளியான நிலையில், மேலும், இப்படத்தின் சில முக்கியமான காட்சிகளுக்காக பிரம்மாண்ட செட் அமைக்கும் பணிகள் நிறைவடைந்தன எனவும், வட்டார தகவல்கள் வெளியாகியுள்ளது என்பது குறிப்பிடத்தக்கது.
இந்த படம் புஷ்பா 1 திரைப்படத்தின் தொடர்ச்சியாக எடுக்கப்படுவதால், இதற்காக போடப்பட்ட பிரம்மாண்ட செட்கள் மூலம் திரைப்படத்தின் காட்சிகள் மிகவும் பிரம்மாண்டமாக இருக்கும் என எதிர்பார்க்கபடுகின்றன. ஆனால், படக்குழு தரப்பில் இருந்தோ, அல்லது தயாரிப்பு நிறுவனம் தரப்பில் இருந்தோ அதிகாரப்பூர்வ அறிவிப்பு எதும் வெளியாகவில்லை
மேலும், நடிகையும், ஃபகத் ஃபாசிலின் மனைவியுமான நஸ்ரியா தனது கணவருக்கு வாழ்த்து தெரிவிக்கும் வகையில், ஃபகத் ஃபாசில் இணைந்து இருக்கும் புகைப்படத்தை தனது இன்ஸ்டாகிராம் பக்கத்தில் பகிர்ந்து வாழ்த்து தெரிவித்துள்ளார். இதனைப்பார்த்த ரசிகர்கள் பலரும் மகிழ்ச்சியில் புகைப்படத்தை பகிர்ந்து வருகின்றனர்.
மேலும், நடிகர் ஃபகத் ஃபாசில் தற்போது புஸ்பா2 படத்தில் நடிப்பதில் பிஸியாக இருக்கிறார், புஷ்பா 1 திரைப்படத்தில் காவல்துறை அதிகாரியாக"பன்வர் சிங் ஷெகாவத்"என்ற கதாபாத்திரத்தில் வருவார். தற்போது, அந்த கதாபாத்திரத்தை மிஞ்சும் வகையில் புஷ்பா 2 கதாபாத்திரம் மிரட்டலாக இருக்குமா? என ரசிகர்களால் பெரிதும் எதிர்பார்க்கப்படுகிறது.
மேலும், நடிகர் ரஜினியுடன் இணைந்து ஃபகத் பாசில் நடிக்க இருப்பதாக வட்டாரத் தகவல் வெளியாகியுள்ளன. ஆனால் அதிகாரப்பூர்வ அறிவிப்பு வெளியாகவில்லை என்பது குறிப்பிடத்தக்கது.
இதையும் படிங்க:விஜய் தேவரகொண்டா, சமந்தா நடிக்கும் 'குஷி' படத்தின் டிரெய்லர் வெளியீட்டுத் தேதி அறிவிப்பு!
