டெல்லி சட்டப்பேரவைத் தேர்தல் வரும் 8ஆம் தேதி நடைபெறவுள்ளது. இந்நிலையில் இன்று டெல்லியில் செய்தியாளர்களைச் சந்தித்த டெல்லி முதலமைச்சரும், ஆம் ஆத்மி கட்சியின் தலைமை ஒருங்கிணைப்பாளருமான அரவிந்த் கேஜ்ரிவால் பாஜகவிற்குச் சவால் ஒன்றை விடுத்துள்ளார்.
அதில் அவர், நாளை மதியம் 1 மணிக்குள் டெல்லி பாஜக முதலமைச்சர் வேட்பாளர் பெயரை அறிவிக்க வேண்டும் எனக் கூறியுள்ளார். மேலும், அந்த முதலமைச்சர் வேட்பாளரிடம் தான் விவாதத்திற்கு தயாராக இருப்பதாகவும் தெரிவித்துள்ளார். முதலமைச்சர் வேட்பாளரை தான் அறிவிப்பதாகத் தெரிவித்த அமித் ஷாவின் கருத்துக்கு பதிலளிக்கும் விதமாக கேஜ்ரிவால் இதனைத் தெரிவித்திருக்கிறார்.
இதையும் படிங்க: கொரோனா வைரஸ் எதிரொலி: விமான போக்குவரத்து ரத்து!
