இந்தியாவில் கரோனா பரவல் அதிகரித்ததன் காரணமாக கடந்த மார்ச் 24ஆம் தேதி முதல் தற்போது வரை 4 கட்ட ஊரடங்கு பிறப்பிக்கப்பட்டுள்ளது. சுமார் 2 மாதங்களுக்கும் மேலாக ஊரடங்கு நீட்டிக்கப்பட்டிருந்ததால், பொதுமக்களின் வாழ்வாதாரத்தைக் கருத்தில் கொண்டு, ஊரடங்கில் சிறிது சிறிதாகத் தளர்வுகளை அறிவித்து வருகிறது, மத்திய அரசு.
அதன் ஒரு பகுதியாகக் கடந்த 2 மாதங்களாக இயக்கப்படாமல் இருந்த விமான சேவை இன்று முதல் மீண்டும் திறக்கப்பட்டுள்ளது. உள்நாட்டுக்குள் இயக்கப்படும் விமானங்களுக்கு மட்டுமே இன்று பயணிக்க அனுமதி வழங்கப்பட்டுள்ளது. இந்நிலையில், 5 வயதுச் சிறுவன் ஒருவன், தனியாகப் பயணித்து டெல்லியிலிருந்து பெங்களூரு வந்தடைந்துள்ளான்.
இந்தியாவில் ஊரடங்கு அறிவிக்கப்படுவதற்கு முன்னதாக, டெல்லியில் உள்ள தன் தாத்தா வீட்டுக்குச் சென்ற பெங்களூருவைச் சேர்ந்த 5 வயதுச் சிறுவன் விஹான் சர்மா, ஊரடங்கால் அங்கேயே சிக்கி கடந்த 2 மாதங்களாகத் தன் தாயை விட்டுப் பிரிந்து தவித்து வந்துள்ளான்.
இந்நிலையில் இன்று விமானப் போக்குவரத்து மீண்டும் தொடங்கப்பட்டதால், சிறப்பு வசதியில் டெல்லியிலிருந்து தனியாக விமானத்தில் பயணித்து பெங்களூரு வந்தடைந்துள்ளான். இன்று காலை 9 மணிக்கு கெம்பகவுடா விமான நிலையம் வந்த சிறுவனை அவரின் தாய், வந்து அழைத்துச் சென்றார்.
இந்தச் சம்பவம் பொதுமக்களிடம் நெகிழ்ச்சியை ஏற்படுத்தியுள்ளது. மேலும் சமூக வலைதளங்களின் மூலம் 5 வயது சிறுவனின் தாய்ப்பாசத்துக்கு பாராட்டுகள் குவிந்த வண்ணம் உள்ளது.
-
Welcome home, Vihaan! #BLRairport is constantly working towards enabling the safe return of all our passengers. https://t.co/WJghN5wsKw
— BLR Airport (@BLRAirport) May 25, 2020 " class="align-text-top noRightClick twitterSection" data="
">Welcome home, Vihaan! #BLRairport is constantly working towards enabling the safe return of all our passengers. https://t.co/WJghN5wsKw
— BLR Airport (@BLRAirport) May 25, 2020Welcome home, Vihaan! #BLRairport is constantly working towards enabling the safe return of all our passengers. https://t.co/WJghN5wsKw
— BLR Airport (@BLRAirport) May 25, 2020
இதையும் படிங்க: மருத்துவ பாதுகாப்பு உபகரணங்களின் தயாரிப்பு அதிகரிப்பு - சுகாதாரத்துறை அமைச்சகம்
