ਤਰਨਤਾਰਨ: ਤਰਨਤਾਰਨ ਦੇ ਨਜਦੀਕ ਪਿੰਡ ਰਸੂਲਪੁਰ ਨਹਿਰਾਂ ਦੇ ਨਜ਼ਦੀਕ ਵਿਆਹ ਤੋਂ ਬਾਅਦ ਫੋਟੋਸ਼ੂਟ ਕਰਵਾ ਰਹੀ ਨਵ ਵਿਆਹੁਤਾ ਨੂੰ ਹਥਿਆਰਬੰਦ ਵਿਅਕਤੀਆਂ ਵੱਲੋਂ ਅਗਵਾ ਕਰਕੇ ਲੈ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। Newlywed kidnapping news in Tarn Taran.
ਇਸ ਪੁਲਿਸ ਨੇ ਸਬੰਧ ਵਿੱਚ ਲੜਕੀ ਦੀ ਮਾਤਾ ਦੇ ਬਿਆਨਾਂ ਤੇ ਥਾਣਾ ਸਦਰ ਵਿਖੇ 7 ਵਿਅਕਤੀਆਂ ਖਿਲਾਫ IPC ਦੀ ਧਾਰਾ 365, 307506 ,120ਬੀ. 148, 149, 25, 27, 54, 59 ਅਸਲਾ ਐਕਟ ਤਹਿਤ ਮਾਮਲਾ ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਮਾਮਲੇ ਦੀ ਜਾਂਚ ਕਰ ਰਹੇ ਅਧਿਕਾਰੀ ਵੇਦ ਪ੍ਰਕਾਸ਼ ਨੇ ਦੱਸਿਆ ਕਿ ਨਜ਼ਦੀਕੀ ਪਿੰਡ ਸੰਘੇ ਨਿਵਾਸੀ ਮਹਿਲਾ ਅਮਰਜੀਤ ਕੌਰ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਹੈ ਕਿ ਉਸ ਦੀ ਲੜਕੀ ਦਾ ਵਿਆਹ ਬੀਤੇ ਦਿਨ੍ਹੀਂ ਪਿੰਡ ਗਲਾਲੀਪੁਰ ਨਿਵਾਸੀ ਨੌਜਵਾਨ ਕਰਨਬੀਰ ਸਿੰਘ ਨਾਲ ਹੋਈ ਸੀ।
ਵਿਆਹ ਤੋਂ ਬਾਅਦ ਉਨ੍ਹਾਂ ਦੀ ਲੜਕੀ ਅਤੇ ਜਵਾਈ ਫ਼ੋਟੋਗ੍ਰਾਫ਼ੀ ਲਈ ਰਸੂਲਪੁਰ ਨਹਿਰਾਂ ਕੋਲ ਪੋਜ ਬਣਾ ਰਹੇ ਸਨ ਕਿ 2 ਇਨੋਵਾ ਗੱਡੀਆਂ ਵਿੱਚ ਨੋਜਵਾਨ ਰੋਹਿਤ ਆਪਣੇ ਸਾਥੀਆਂ ਨੂੰ ਲੈ ਕੇ ਪਹੁੰਚਿਆ, ਉਕਤ ਲੋਕਾਂ ਕੋਲ ਪਿਸਟਲ ਤੋਂ ਇਲਾਵਾ ਹੋਰ ਮਾਰੂ ਹਥਿਆਰ ਸਨ।
ਉਨ੍ਹਾਂ ਨੇ ਆਉਂਦਿਆਂ ਹੀ ਰੋਹਿਤ ਵੱਲੋਂ ਉਨ੍ਹਾਂ ਵੱਲ ਪਿਸਟਲ ਨਾਲ ਫਾਇਰ ਕੀਤੇ ਗਏ ਉਹ ਆਪਣੀ ਜਾਨ ਬਚਾਉਣ ਲਈ ਇਧਰ ਉਧਰ ਨੂੰ ਭੱਜੇ। ਇਸੇ ਦੋਰਾਨ ਰੋਹਿਤ ਉਨ੍ਹਾਂ ਦੀ ਲੜਕੀ ਨੂੰ ਜਬਰੀ ਗੱਡੀ ਵਿੱਚ ਬੈਠਾ ਕੇ ਲੈ ਗਿਆ। ਵੇਦ ਪ੍ਰਕਾਸ਼ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਅਮਰਜੀਤ ਕੌਰ ਦੇ ਬਿਆਨਾਂ ਤੇ ਉਕਤ ਲੋਕਾਂ ਖਿਲਾਫ ਬਾਈ ਨੇਮ ਪਰਚਾ ਦਰਜ ਕਰ ਮਾਮਲੇ ਦੀ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ: ਕਾਰ ਨੇ ਛੋਟੀ ਬੱਚੀ ਨੂੰ ਦਰੜਿਆ, ਦਰਦਨਾਕ ਵੀਡੀਓ
