ਮਾਨਸਾ: ਜ਼ਿਲ੍ਹੇ ਦੇ ਸਿਹਤ ਵਿਭਾਗ ਵਲੋਂ ਵੱਡੀ ਲਾਪਰਵਾਹੀ ਸਾਹਮਣੇ ਆਈ, ਜਿੱਥੇ ਮ੍ਰਿਤਕ ਨੂੰ ਵੀ ਕੋਵਿਡ ਵੈਕਸੀਨ ਲਗਾ ਦਿੱਤੀ ਗਈ। ਇੰਨਾ ਹੀ ਨਹੀਂ, ਮ੍ਰਿਤਕ ਨੂੰ ਸਰਟੀਫਿਕੇਟ ਦਾ ਮੈਸੇਜ ਵੀ ਭੇਜ ਦਿੱਤਾ।
ਜਾਣਕਾਰੀ ਮੁਤਾਬਕ, ਕੇਵਲ ਕ੍ਰਿਸ਼ਨ ਪੁੱਤਰ ਸੂਰਜ ਭਾਨ ਜਿਸ ਦੀ ਮਾਨਸਾ ਦੇ ਸਿਲਵ ਹਸਪਤਾਲ ਵਿੱਚ 12 ਮਈ, 2021 ਨੂੰ ਮੌਤ ਹੋ ਗਈ ਸੀ। ਉਕਤ ਵਿਅਕਤੀ ਦੇ ਕੋਰੋਨਾ ਵੈਕਸੀਨੇਸ਼ਨ ਸਰਟੀਫਿਕੇਟ ਅਨੁਸਾਰ 20 ਅਪ੍ਰੈਲ, 2021 ਨੂੰ ਲਾਈ ਗਈ ਸੀ ਅਤੇ ਦੂਜੀ ਡੋਜ਼ ਉਸ ਦੀ ਮੌਤ ਤੋਂ 9 ਮਹੀਨੇ ਬਾਅਦ, 30 ਜਨਵਰੀ, 2022 ਨੂੰ ਲਾਈ ਗਈ।
ਹੁਣ ਇਸ ਸਬੰਧੀ ਸਿਹਤ ਵਿਭਾਗ ਦੀ ਫੁਰਤੀ ਵੇਖੋ ਕਿ ਇਕ ਮ੍ਰਿਤਕ ਵਿਅਕਤੀ ਦੇ ਕੋਰੋਨਾ ਵੈਕਸੀਨ ਲਗਾ ਕੇ ਉਸ ਦੀ ਵੈਕਸੀਨੇਸ਼ਨ ਦਾ ਸਰਟੀਫਿਕੇਟ ਮੈਸੇਜ ਭੇਜ ਦਿੱਤਾ ਗਿਆ, ਜਦਕਿ ਵਿਅਕਤੀ ਦੇ ਇਹ ਵੈਕਸੀਨ ਪਹਿਲੀ ਡੋਜ਼ ਤੋਂ 90 ਦਿਨਾਂ ਬਾਅਦ ਲੱਗਦੀ ਹੈ।
ਸਿਵਲ ਸਰਜਨ ਡਾ. ਹਰਜਿੰਦਰ ਸਿੰਘ ਨੇ ਕੋਰੋਨਾ ਵੈਕਸੀਨ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹ ਵੀ ਕੋਰੋਨਾ ਪੀੜਿਤ ਹੋਣ ਕਾਰਨ ਇਕਾਂਤਵਾਸ 'ਤੇ ਹਨ। ਉਨ੍ਹਾਂ ਕਿਹਾ ਕਿ ਕਈ ਵਾਰ ਆਪਰੇਟਰ ਤੋਂ ਗ਼ਲਤੀ ਹੋ ਜਾਂਦੀ ਹੈ, ਪਰ ਫਿਰ ਵੀ ਉਹ ਐਸਐਮਓ ਨੂੰ ਕਹਿ ਕੇ ਇਸ ਮਾਮਲੇ ਦੀ ਜਾਂਚ ਕਰਵਾ ਰਹੇ ਹਨ, ਤਾਂ ਕਿ ਤਕਨੀਕੀ ਤੌਰ 'ਤੇ ਹੋਈ ਗ਼ਲਤੀ ਦੀ ਪੜਤਾਲ ਕੀਤੀ ਜਾ ਸਕੇ।
ਇਹ ਵੀ ਪੜ੍ਹੋ: 6 ਫਰਵਰੀ ਨੂੰ ਕਾਂਗਰਸ ਕਰ ਸਕਦੀ ਹੈ ਸੀਐੱਮ ਚਿਹਰੇ ਦਾ ਐਲਾਨ
