ਲੁਧਿਆਣਾ : ਲੁਧਿਆਣਾ ਪੁਲਿਸ ਨੇ ਇੱਕ ਕਤਲ ਦਾ ਮਾਮਲਾ ਸੁਲਝਾਇਆ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਇੱਕ ਔਰਤ ਸਣੇ ਦੋ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਤੋਂ ਮਿਲੀ ਜਾਣਕਾਰੀ ਮੁਤਾਬਿਕ ਮ੍ਰਿਤਕ ਦੀ ਪਹਿਚਾਣ ਪਿੰਡ ਬੱਦੋਵਾਲ ਦੇ ਰਹਿਣਾ ਵਾਲੇ ਗੁਰਦੀਪ ਸਿੰਘ ਦੇ ਰੂਪ ਵਿੱਚ ਹੋਈ ਹੈ। ਮ੍ਰਿਤਕ ਦੀ ਉਮਰ ਕਰੀਬ 61 ਸਾਲ ਹੈ ਅਤੇ ਉਸਦਾ ਕਤਲ ਉਸਦੀ ਆਪਣੀ ਭਤੀਜੀ ਨੇ ਮਾਮੇ ਦੇ ਲੜਕੇ ਅਤੇ ਉਸਦੇ ਇਕ ਸਾਥੀ ਨੂੰ 50 ਹਜ਼ਾਰ ਰੁਪਏ ਦੀ ਸੁਪਾਰੀ ਦੇ ਕੇ ਕਰਵਾਇਆ।
ਜਿਨਸੀ ਸੋਸ਼ਣ ਕਰਦਾ ਸੀ ਤਾਇਆ : ਪੁਲਿਸ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਗ੍ਰਿਫਤਾਰ ਕੀਤੀ ਗਈ ਮਹਿਲਾ ਦਾ ਤਾਇਆ ਗੁਰਦੀਪ ਉਸਨੂੰ ਤੰਗ ਪਰੇਸ਼ਾਨ ਕਰਦਾ ਸੀ। ਇਹ ਮਹਿਲਾ ਵਿਧਵਾ ਹੈ ਅਤੇ ਉਸ ਨੇ ਆਪਣੇ ਮਾਮੇ ਦੇ ਪੁੱਤ ਨੂੰ ਇਹ ਸਾਰਾ ਕੁੱਝ ਦੱਸਿਆ ਤਾਂ ਮਾਮੇ ਦੇ ਲੜਕੇ ਨੇ ਇਸਨੂੰ ਮਾਰਨ ਲਈ 50 ਹਜ਼ਾਰ ਰੁਪਏ ਵੀ ਦਿੱਤੇ, ਜਿਸ ਤੋਂ ਬਾਅਦ ਦੋਸ਼ੀਆਂ ਨੇ ਬੱਦੋਵਾਲ ਵਿੱਚ ਗੁਰਦੀਪ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ।
ਬੈੱਡ ਵਿੱਚ ਪਾ ਕੇ ਲਾਈ ਅੱਗ : ਪੁਲਿਸ ਨੇ ਦੱਸਿਆ ਹੈ ਕਿ ਮੁਲਜ਼ਮਾਂ ਨੇ ਲਾਸ਼ ਨੂੰ ਰਿਕਸ਼ੇ ਦੇ ਬੈੱਡ ਵਿੱਚ ਪਾ ਕੇ ਘਰ ਤੋਂ ਕਰੀਬ 9 ਕਿਲੋਮੀਟਰ ਦੂਰ ਲਿਜਾ ਕੇ ਅੱਗ ਲਾ ਦਿੱਤੀ। ਲਾਸ਼ 80 ਫੀਸਦੀ ਤੱਕ ਸੜ ਗਈ ਸੀ। ਇਕ ਰਾਹਗੀਰ ਨੇ ਜਦੋਂ ਇਹ ਬੈੱਡ ਸੜਦਾ ਦੇਖਿਆ ਤਾਂ ਉਸਨੇ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਪਤਾ ਲੱਗਾ ਕਿ ਉਸ 'ਚ ਇਕ ਲਾਸ਼ ਪਈ ਹੈ। ਪੁਲਿਸ ਨੇ ਲਾਸ਼ ਦੀ ਸ਼ਨਾਖਤ ਕਰਵਾਉਣ ਤੋਂ ਬਾਅਦ ਇਸ ਦਾ ਪੂਰਾ ਖੁਲਾਸਾ ਕੀਤਾ ਹੈ।
- Ludhiana Buddha Nullah: ਬੁੱਢੇ ਨਾਲੇ ਦੀ ਸਫ਼ਾਈ ਦੇ ਪ੍ਰਾਜੈਕਟ ਦਾ ਕੰਮ ਹੁਣ 2024 ਤੱਕ ਮੁਕੰਮਲ ਕਰਨ ਦੀ ਡੈਡਲਾਈਨ
- ਚੋਰੀ ਦੇ ਮਾਮਲੇ ਨੂੰ ਪੁਲਿਸ ਨੇ ਪੰਜ ਘੰਟਿਆਂ 'ਚ ਕੀਤਾ ਹੱਲ, ਮਹਿਲਾ ਚੋਰ ਨੂੰ ਕੀਤਾ ਕਾਬੂ, ਗਹਿਣੇ ਅਤੇ ਚਾਰ ਲੱਖ ਕੈਸ਼ ਵੀ ਕੀਤਾ ਬਰਾਮਦ
- ਕਥਿਤ ਅਸ਼ਲੀਲ ਵੀਡੀਓ ਮਾਮਲੇ 'ਚ ਕੇਸ਼ਵ ਨੇ ਲਿਆ ਯੂ ਟਰਨ, ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੂੰ ਆਇਆ ਚੈਨ, ਨਹੀਂ ਹੋਵੇਗੀ ਕੋਈ ਕਾਰਵਾਈ !
ਮੁਲਜ਼ਮਾਂ ਦੀ ਸ਼ਨਾਖ਼ਤ ਸੁਖਮਿੰਦਰ ਸਿੰਘ ਅਤੇ ਯੋਗੇਸ਼ ਕੁਮਾਰ ਦੇ ਵਜੋਂ ਹੋਈ ਹੈ, ਸੁਖਵਿੰਦਰ ਨੇ 50 ਹਜ਼ਾਰ ਰੁਪਏ ਵਿੱਚੋਂ 27 ਹਜ਼ਾਰ ਆਪਣੇ ਕੋਲ ਰੱਖੇ ਅਤੇ 23 ਹਜ਼ਾਰ ਯੋਗੇਸ਼ ਨੂੰ ਦੇ ਦਿੱਤੇ, ਜਿਨ੍ਹਾਂ ਵਿਚੋਂ ਕੁਝ ਰਕਮ ਪੁਲਿਸ ਨੇ ਬਰਾਮਦ ਕਰ ਲਈ ਹੈ। ਪੁਲਿਸ ਇਸ ਮਾਮਲੇ ਦੀ ਤਫਤੀਸ਼ ਕਰ ਰਹੀ ਹੈ।
