India Vs Nepal : ਏਸ਼ੀਆ ਕੱਪ ਦਾ ਇੱਕ ਹੋਰ ਮੈਚ ਚੜ੍ਹ ਸਕਦਾ ਹੈ ਮੀਂਹ ਦੀ ਭੇਟ, ਜਾਣੋ ਮੈਚ ਰੱਦ ਹੋਣ 'ਤੇ ਟੀਮ ਇੰਡੀਆ ਦਾ ਕਿਵੇਂ ਹੋ ਸਕਦਾ ਹੈ ਨੁਕਸਾਨ

ਏਸ਼ੀਆ ਕੱਪ ਵਿੱਚ ਪਾਕਿਸਤਾਨ ਨਾਲ ਹੋਇਆ ਟੀਮ ਇੰਡੀਆ ਦਾ ਮੁਕਾਬਲਾ ਮੀਂਹ ਦੀ ਭੇਟ ਚੜ੍ਹ ਗਿਆ। ਹੁਣ ਭਾਰਤੀ ਕ੍ਰਿਕਟ ਟੀਮ ਅਤੇ ਨੇਪਾਲ ਵਿਚਾਲੇ ਅੱਜ ਇਕ ਹੋਰ ਮੈਚ ਖੇਡਿਆ ਜਾ ਰਿਹਾ ਹੈ। ਦੱਸ ਦਈਏ ਏਸ਼ੀਆ ਕੱਪ 2023 ਦਾ ਇੱਕ ਹੋਰ ਮੈਚ ਮੀਂਹ ਦੀ ਭੇਟ ਚੜ੍ਹ ਸਕਦਾ ਹੈ। (Asia Cup 2023)

ਨਵੀਂ ਦਿੱਲੀ: ਅੱਜ ਏਸ਼ੀਆ ਕੱਪ 2023 ਦਾ ਇੱਕ ਹੋਰ ਮੈਚ ਭਾਰਤੀ ਕ੍ਰਿਕਟ ਟੀਮ ਅਤੇ ਨੇਪਾਲ ਵਿਚਾਲੇ ਖੇਡਿਆ ਜਾ ਰਿਹਾ ਹੈ ਪਰ ਪਾਕਿਸਤਾਨ ਦੇ ਮੈਚ ਦੀ ਤਰ੍ਹਾਂ ਇਸ ਮੈਚ 'ਤੇ ਵੀ ਮੀਂਹ ਦਾ ਖਤਰਾ ਹੈ। ਜੇਕਰ ਅੱਜ ਦਾ ਮੈਚ ਵੀ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ ਤਾਂ ਭਾਰਤੀ ਟੀਮ ਆਸਾਨੀ ਨਾਲ ਸੁਪਰ 4 ਵਿੱਚ ਪਹੁੰਚ ਜਾਵੇਗੀ ਪਰ ਨੇਪਾਲ ਲਈ ਸੁਪਰ 4 ਦੇ ਦਰਵਾਜ਼ੇ ਬੰਦ ਹੋ ਜਾਣਗੇ। ਦੂਜੇ ਪਾਸੇ ਜੇਕਰ ਭਾਰਤ ਇਸ ਮੈਚ 'ਚ ਹਾਰਦਾ ਹੈ ਤਾਂ ਏਸ਼ੀਆ ਕੱਪ 'ਚੋਂ ਉਸ ਦਾ ਦਾਅਵਾ ਖਤਮ ਹੋ ਜਾਵੇਗਾ। ਭਾਰਤੀ ਟੀਮ ਨੂੰ ਮੈਚ ਰੱਦ ਹੋਣ ਕਾਰਨ ਬਿਨਾਂ ਖੇਡੇ ਸੁਪਰ 4 ਵਿੱਚ ਜਾਣ ਦਾ ਮੌਕਾ ਮਿਲ ਸਕਦਾ ਹੈ, ਪਰ ਮੈਚ ਨਾ ਖੇਡਣਾ ਦਾ ਨੁਕਸਾਨ ਹੋਵੇਗਾ, ਕਿਉਂਕਿ ਖਿਡਾਰੀਆਂ ਨੂੰ ਆਪਣੀ ਤਾਕਤ ਦਿਖਾਉਣ ਦਾ ਮੌਕਾ ਨਹੀਂ ਮਿਲੇਗਾ।

• Ind vs Nepal
  Rain Rain Go away pic.twitter.com/sWiQbivzuv

  — Amrit Anand (@Amritsports) September 3, 2023 " class="align-text-top noRightClick twitterSection" data="

  Ind vs Nepal
  Rain Rain Go away pic.twitter.com/sWiQbivzuv

  — Amrit Anand (@Amritsports) September 3, 2023

  ">

  Ind vs Nepal
  Rain Rain Go away pic.twitter.com/sWiQbivzuv

  — Amrit Anand (@Amritsports) September 3, 2023

ਏਸ਼ੀਆ ਕੱਪ ਦੇ ਅੱਜ ਦੇ ਮੈਚ ਵਿੱਚ ਨੇਪਾਲ ਵਰਗੀ ਕਮਜ਼ੋਰ ਟੀਮ ਖ਼ਿਲਾਫ਼ ਭਾਰਤ ਦੀ ਹਾਰ ਦੀ ਉਮੀਦ ਫਿਲਹਾਲ ਨਾਮੁਮਕਿਨ ਹੈ, ਪਰ ਕ੍ਰਿਕਟ ਅਨਿਸ਼ਚਿਤਤਾਵਾਂ ਦੀ ਖੇਡ ਹੈ। ਇਸ ਵਿੱਚ ਕਿਸੇ ਵੀ ਸਮੇਂ ਕੁਝ ਵੀ ਸੰਭਵ ਹੈ। ਅਜਿਹੇ 'ਚ ਭਾਰਤੀ ਕ੍ਰਿਕਟ ਟੀਮ ਨੂੰ ਹਰ ਕਦਮ 'ਤੇ ਕਾਬੂ ਰੱਖਣਾ ਹੋਵੇਗਾ ਕਿਉਂਕਿ ਪਾਕਿਸਤਾਨ ਖਿਲਾਫ ਪਹਿਲੇ ਮੈਚ 'ਚ ਨੇਪਾਲੀ ਗੇਂਦਬਾਜ਼ਾਂ ਨੇ ਪਾਕਿਸਤਾਨ ਨੂੰ ਸ਼ੁਰੂਆਤੀ ਝਟਕੇ ਦਿੱਤੇ ਸਨ ਪਰ ਬਾਬਰ ਆਜ਼ਮ ਦੀਆਂ 151 ਦੌੜਾਂ ਅਤੇ ਇਫ਼ਤਿਖਾਰ ਅਹਿਮਦ ਦੀਆਂ 109 ਦੌੜਾਂ ਦੀ ਪਾਰੀ ਨਾਲ ਪਾਕਿਸਤਾਨ ਵੱਡਾ ਸਕੋਰ ਬਣਾਉਣ ਵਿੱਚ ਕਾਮਯਾਬ ਰਿਹਾ।

ਭਾਰਤ 'ਤੇ ਹੋਵੇਗਾ ਵੱਡੀ ਜਿੱਤ ਦਾ ਦਬਾਅ : ਭਾਰਤ ਦਾ ਪਹਿਲਾ ਮੈਚ ਮੀਂਹ ਕਾਰਨ ਧੋਤੇ ਜਾਣ ਤੋਂ ਬਾਅਦ ਭਾਰਤੀ ਕ੍ਰਿਕਟ ਟੀਮ ਦਬਾਅ 'ਚ ਰਹੇਗੀ। ਇਸ ਦੇ ਨਾਲ ਹੀ ਬੱਲੇਬਾਜ਼ਾਂ ਅਤੇ ਗੇਂਦਬਾਜ਼ਾਂ ਨੂੰ ਇਸ ਮੈਚ 'ਚ ਖੁੱਲ੍ਹ ਕੇ ਆਪਣੀ ਕਾਬਲੀਅਤ ਦਿਖਾਉਣੀ ਹੋਵੇਗੀ ਅਤੇ ਕੌਮਾਂਤਰੀ ਮੈਚ 'ਚ ਵੱਡਾ ਸਕੋਰ ਬਣਾਉਣ ਦੀ ਪਹਿਲ ਕਰਨੀ ਹੋਵੇਗੀ। ਜੇਕਰ ਭਾਰਤੀ ਬੱਲੇਬਾਜ਼ ਅਤੇ ਗੇਂਦਬਾਜ਼ ਕੁਝ ਚੰਗਾ ਪ੍ਰਦਰਸ਼ਨ ਕਰਦੇ ਹਨ ਤਾਂ ਉਹ ਸੁਪਰ 4 ਲਈ ਆਪਣੀ ਤਿਆਰੀ ਨੂੰ ਪੂਰਾ ਕਰ ਸਕਣਗੇ ਕਿਉਂਕਿ ਭਾਰਤੀ ਟੀਮ ਨੇ ਭਾਵੇਂ ਹੀ ਪਹਿਲੇ ਮੈਚ 'ਚ ਬੱਲੇਬਾਜ਼ੀ ਕੀਤੀ ਹੋਵੇ ਪਰ ਉਸ ਦੇ ਪਹਿਲੇ ਚਾਰ ਬੱਲੇਬਾਜ਼ ਬੱਲੇਬਾਜ਼ ਅਸਫਲ ਨਜ਼ਰ ਆਏ। ਈਸ਼ਾਨ ਕਿਸ਼ਨ ਅਤੇ ਹਾਰਦਿਕ ਪੰਡਯਾ ਦੀ ਸੰਘਰਸ਼ਪੂਰਨ ਪਾਰੀ ਦੀ ਬਦੌਲਤ ਭਾਰਤੀ ਟੀਮ ਸਨਮਾਨਜਨਕ ਸਕੋਰ ਬਣਾਉਣ ਵਿੱਚ ਕਾਮਯਾਬ ਰਹੀ ਪਰ ਇਸ ਤੋਂ ਬਾਅਦ ਵੀ ਟੀਮ ਦੀਆਂ ਵਿਕਟਾਂ ਲਗਾਤਾਰ ਡਿੱਗਦੀਆਂ ਰਹੀਆਂ ਅਤੇ ਭਾਰਤੀ ਕ੍ਰਿਕਟ ਟੀਮ 50 ਓਵਰਾ ਵੀ ਪੂਰੇ ਨਹੀਂ ਖੇਡ ਸਕੀ। ਓਵਰਾਂ ਦਾ ਕੋਟਾ ਪੂਰਾ ਹੋਣ ਤੋਂ ਪਹਿਲਾਂ ਹੀ ਸਾਰੇ ਖਿਡਾਰੀ ਪੈਵੇਲੀਅਨ ਪਰਤ ਗਏ।

• Today's match between INDIA 🇮🇳 vs NEPAL 🇳🇵 also likely to be affected by the rain finger crossed 🤞 #BCCI #INDvPAK #INDvsNEPAL #AsiaCup2023 pic.twitter.com/mGM7cMaeQo

  — Ai-lal (@johhny_maguire) September 3, 2023 " class="align-text-top noRightClick twitterSection" data="

  Today's match between INDIA 🇮🇳 vs NEPAL 🇳🇵 also likely to be affected by the rain finger crossed 🤞 #BCCI #INDvPAK #INDvsNEPAL #AsiaCup2023 pic.twitter.com/mGM7cMaeQo

  — Ai-lal (@johhny_maguire) September 3, 2023

  ">

  Today's match between INDIA 🇮🇳 vs NEPAL 🇳🇵 also likely to be affected by the rain finger crossed 🤞 #BCCI #INDvPAK #INDvsNEPAL #AsiaCup2023 pic.twitter.com/mGM7cMaeQo

  — Ai-lal (@johhny_maguire) September 3, 2023

ਨੇਪਾਲੀ ਗੇਂਦਬਾਜ਼ਾਂ ਤੋਂ ਸਾਵਧਾਨ ਰਹਿਣ ਦੀ ਲੋੜ: ਦੂਜੇ ਪਾਸੇ ਟੀਮ ਇੰਡੀਆ ਨੂੰ ਗੇਂਦਬਾਜ਼ੀ ਦਾ ਮੌਕਾ ਨਹੀਂ ਮਿਲਿਆ, ਜਿਸ ਕਾਰਨ ਟੀਮ ਦੇ ਗੇਂਦਬਾਜ਼ਾਂ ਨੂੰ ਆਪਣੇ ਗੇਂਦਬਾਜ਼ੀ ਦੇ ਪੱਧਰ ਨੂੰ ਪਰਖਣ ਦਾ ਮੌਕਾ ਨਹੀਂ ਮਿਲਿਆ। ਇਸ ਲਈ ਅੱਜ ਦੇ ਮੈਚ ਦੌਰਾਨ ਬੱਲੇਬਾਜ਼ਾਂ ਦੇ ਨਾਲ-ਨਾਲ ਗੇਂਦਬਾਜ਼ਾਂ 'ਤੇ ਵੀ ਨਜ਼ਰ ਰਹੇਗੀ, ਕਿਉਂਕਿ ਨੇਪਾਲੀ ਗੇਂਦਬਾਜ਼ਾਂ ਨੇ ਪਾਕਿਸਤਾਨੀ ਕ੍ਰਿਕਟ ਟੀਮ ਨੂੰ ਸ਼ੁਰੂਆਤੀ ਝਟਕੇ ਦਿੱਤੇ ਪਰ ਬਾਅਦ 'ਚ ਬਾਬਰ ਆਜ਼ਮ ਅਤੇ ਰਿਜ਼ਵਾਨ ਦੇ ਨਾਲ-ਨਾਲ ਇਫ਼ਤਿਖਾਰ ਅਹਿਮਦ ਦੀ ਸ਼ਾਨਦਾਰ ਪਾਰੀ ਨੇ ਮੈਚ ਦਾ ਮੁਹਾਂਦਰਾ ਬਦਲ ਦਿੱਤਾ।

ਭਾਰਤੀ ਕ੍ਰਿਕਟ ਟੀਮ ਨੂੰ ਵੀ ਕੁਝ ਅਜਿਹਾ ਹੀ ਕਰਨਾ ਹੋਵੇਗਾ, ਤਾਂ ਹੀ ਉਹ ਚੰਗੀ ਤਿਆਰੀ ਨਾਲ ਸੁਪਰ 4 'ਚ ਜਾ ਸਕੇਗੀ ਕਿਉਂਕਿ ਸੁਪਰ 4 'ਚ ਭਾਰਤੀ ਕ੍ਰਿਕਟ ਟੀਮ ਨੂੰ ਪਾਕਿਸਤਾਨ ਦੇ ਨਾਲ-ਨਾਲ ਸ਼੍ਰੀਲੰਕਾ ਵਰਗੀਆਂ ਟੀਮਾਂ ਦਾ ਸਾਹਮਣਾ ਕਰਨਾ ਹੋਵੇਗਾ। ਜੇਕਰ ਅੱਜ ਦਾ ਮੈਚ ਰੱਦ ਹੋ ਜਾਂਦਾ ਹੈ ਤਾਂ ਭਾਰਤ ਅਤੇ ਨੇਪਾਲ ਨੂੰ ਇੱਕ-ਇੱਕ ਅੰਕ ਮਿਲੇਗਾ ਅਤੇ ਇਸ ਕਾਰਨ ਭਾਰਤ ਨੂੰ ਦੋਵਾਂ ਟੀਮਾਂ ਦੇ ਦੋ ਦੋ ਅੰਕ ਹੋਣਗੇ, ਜਦਕਿ ਨੇਪਾਲ ਨੂੰ ਇੱਕ-ਇੱਕ ਅੰਕ ਮਿਲੇਗਾ। ਅਜਿਹੇ 'ਚ ਨੇਪਾਲ ਤੋਂ ਇੱਕ ਅੰਕ ਜ਼ਿਆਦਾ ਹੋਣ ਕਾਰਨ ਭਾਰਤੀ ਕ੍ਰਿਕਟ ਟੀਮ ਸੁਪਰ 4 'ਚ ਪ੍ਰਵੇਸ਼ ਕਰੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤੀ ਕ੍ਰਿਕਟ ਟੀਮ ਪਹਿਲੀ ਵਾਰ ਨੇਪਾਲ ਨਾਲ ਮੈਚ ਖੇਡਣ ਜਾ ਰਹੀ ਹੈ। ਨੇਪਾਲ ਦੀ ਟੀਮ ਨੇ 5 ਸਾਲ ਪਹਿਲਾਂ ਵਨਡੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਸੀ ਅਤੇ ਉਹ ਪਹਿਲੀ ਵਾਰ ਏਸ਼ੀਆ ਕੱਪ 'ਚ ਹਿੱਸਾ ਲੈ ਰਹੀ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਟੀਮ ਨੇ ਨੇਪਾਲ ਨਾਲ ਕੋਈ ਮੈਚ ਨਹੀਂ ਖੇਡਿਆ ਹੈ।

ਅਜਿਹੇ ਹਨ ਨੇਪਾਲੀ ਟੀਮ ਦੇ ਅੰਕੜੇ : ਜੇਕਰ ਅਸੀਂ ਨੇਪਾਲ ਟੀਮ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਨੇਪਾਲ ਦੀ ਟੀਮ ਨੇ ਵਨਡੇ ਕ੍ਰਿਕਟ 'ਚ ਕੁੱਲ 58 ਮੈਚ ਖੇਡੇ ਹਨ, ਜਿਨ੍ਹਾਂ 'ਚੋਂ ਉਸ ਨੇ 30 ਮੈਚ ਜਿੱਤੇ ਹਨ, ਜਦਕਿ ਟੀਮ ਨੂੰ 26 ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। । ਉਨ੍ਹਾਂ ਦਾ ਇੱਕ ਮੈਚ ਟਾਈ ਵੀ ਰਿਹਾ ਅਤੇ ਇੱਕ ਮੈਚ ਦਾ ਕੋਈ ਨਤੀਜਾ ਨਹੀਂ ਨਿਕਲਿਆ। ਜੇਕਰ ਅੱਜ ਦੇ ਮੈਚ 'ਚ ਮੌਸਮ ਨੇ ਸਾਥ ਦਿੱਤਾ ਤਾਂ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਦੀ ਗੈਰ-ਮੌਜੂਦਗੀ 'ਚ ਮੁਹੰਮਦ ਸ਼ਮੀ ਨੂੰ ਮੌਕਾ ਮਿਲਣ ਦੀ ਉਮੀਦ ਹੈ, ਪਰ ਇਹ ਵੀ ਸੰਭਵ ਹੈ ਕਿ ਭਾਰਤੀ ਟੀਮ ਪ੍ਰਬੰਧਨ ਪ੍ਰਸਿੱਧ ਕ੍ਰਿਸ਼ਨਾ ਨੂੰ ਅਜ਼ਮਾਉਣ।

• IND Vs NEP : ਅੱਜ ਦੇ ਮੈਚ 'ਚ ਨਹੀਂ ਖੇਡਣਗੇ ਇਹ ਦਿੱਗਜ ਖਿਡਾਰੀ, ਇਹਨਾਂ ਖਿਡਾਰੀਆਂ 'ਤੇ ਰਹਿਣਗੀਆਂ ਸਭ ਦੀਆਂ ਨਜ਼ਰਾਂ

ਇਹ ਹੈ ਮੌਸਮ ਦੀ ਭਵਿੱਖਬਾਣੀ: ਅੱਜ ਦੇ ਮੌਸਮ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਪੱਲੇਕੇਲੇ ਵਿੱਚ ਮੀਂਹ ਦੀ ਸੰਭਾਵਨਾ ਲਗਭਗ 89% ਹੈ ਅਤੇ 44 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾ ਚੱਲਣ ਦੀ ਸੰਭਾਵਨਾ ਹੈ। ਸੋਮਵਾਰ ਨੂੰ ਇੱਥੇ ਵੱਧ ਤੋਂ ਵੱਧ ਤਾਪਮਾਨ 27 ਡਿਗਰੀ ਸੈਲਸੀਅਸ ਦੇ ਆਸਪਾਸ ਰਹਿਣ ਦੀ ਸੰਭਾਵਨਾ ਹੈ, ਜਦੋਂ ਕਿ ਘੱਟੋ-ਘੱਟ ਤਾਪਮਾਨ 21 ਡਿਗਰੀ ਸੈਲਸੀਅਸ ਰਹਿਣ ਦੀ ਸੰਭਾਵਨਾ ਹੈ। ਦਿਨ ਭਰ ਗਰਾਊਂਡ 'ਤੇ ਬੱਦਲ ਛਾਏ ਰਹਿਣਗੇ, ਜਿਸ ਕਾਰਨ ਮੀਂਹ ਪੈਣ ਦੀ ਭਵਿੱਖਬਾਣੀ ਕੀਤੀ ਜਾ ਰਹੀ ਹੈ।