ਨਵੀਂ ਦਿੱਲੀ: ਭਾਰਤੀ ਪੁਰਸ਼ ਫੁੱਟਬਾਲ ਟੀਮ ਦੇ ਮੁੱਖ ਕੋਚ ਇਗੋਰ ਸਟਿਮਾਕ ਨੇ ਬਹਿਰੀਨ ਅਤੇ ਬੇਲਾਰੂਸ ਦੇ ਖਿਲਾਫ ਕ੍ਰਮਵਾਰ 23 ਅਤੇ 26 ਮਾਰਚ ਨੂੰ ਮਨਾਮਾ 'ਚ ਖੇਡੇ ਜਾਣ ਵਾਲੇ ਅੰਤਰਰਾਸ਼ਟਰੀ ਮੈਚਾਂ ਲਈ 25 ਮੈਂਬਰੀ ਟੀਮ 'ਚ ਸੱਤ ਨਵੇਂ ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਹੈ। ਰਾਸ਼ਟਰੀ ਟੀਮ 'ਚ ਸ਼ਾਮਲ ਕੀਤੇ ਗਏ ਨਵੇਂ ਖਿਡਾਰੀਆਂ ਦੇ ਨਾਂ ਪ੍ਰਭਸੁਖਨ ਗਿੱਲ, ਹਾਰਮੀਪਮ ਰੂਈਵਾ, ਅਨਵਰ ਅਲੀ, ਰੋਸ਼ਨ ਸਿੰਘ, ਵੀਪੀ ਸੁਹੇਰ, ਦਾਨਿਸ਼ ਫਾਰੂਕ ਅਤੇ ਅਨਿਕੇਤ ਯਾਦਵ ਹਨ।
ਸਿਟਮੈਕ ਨੇ ਸੋਮਵਾਰ ਨੂੰ ਕਿਹਾ, ਅਸੀਂ ਬਹਿਰੀਨ ਅਤੇ ਬੇਲਾਰੂਸ ਦੇ ਖਿਲਾਫ ਖੇਡਾਂਗੇ ਅਤੇ ਉਹ ਸਾਡੇ ਤੋਂ ਬਿਹਤਰ ਰੈਂਕਿੰਗ ਵਾਲੀਆਂ ਟੀਮਾਂ ਹਨ। ਪਰ ਰੈਂਕਿੰਗ ਜੋ ਵੀ ਹੋਵੇ, ਤੁਹਾਨੂੰ ਇਸ ਨੂੰ ਪਿੱਚ 'ਤੇ ਸਾਬਤ ਕਰਨ ਦੀ ਲੋੜ ਹੈ। ਅਸੀਂ ਕੁਝ ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦੇਵਾਂਗੇ ਜਿਨ੍ਹਾਂ ਨੇ ਹੀਰੋ ਆਈਐਸਐਲ ਵਿੱਚ ਇਸ ਸੀਜ਼ਨ ਵਿੱਚ ਚੰਗਾ ਖੇਡਿਆ ਹੈ।
ਇਹ ਵੀ ਪੜ੍ਹੋ: Glenn Maxwell Wedding: ਗਲੇਨ ਮੈਕਸਵੇਲ ਨੂੰ ਮਿਲੀ ਹਿੰਦੁਸਤਾਨੀ ਲਾੜੀ, ਵੇਖੋ ਤਸਵੀਰਾਂ
ਫ੍ਰੈਂਡਲੀ ਏਐਫਸੀ ਏਸ਼ੀਅਨ ਕੱਪ ਚੀਨ 2023 ਕੁਆਲੀਫਾਇੰਗ ਮੈਚਾਂ ਦੇ ਫਾਈਨਲ ਗੇੜ ਲਈ ਟੀਮ ਦੀ ਤਿਆਰੀ ਦਾ ਹਿੱਸਾ ਹਨ, ਜੋ 8 ਜੂਨ ਤੋਂ ਕੋਲਕਾਤਾ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਭਾਰਤ ਨੂੰ ਹਾਂਗਕਾਂਗ, ਅਫਗਾਨਿਸਤਾਨ ਅਤੇ ਕੰਬੋਡੀਆ ਦੇ ਨਾਲ ਗਰੁੱਪ ਡੀ 'ਚ ਸ਼ਾਮਲ ਕੀਤਾ ਗਿਆ ਹੈ।
ਟੀਮ
ਗੋਲਕੀਪਰ: ਗੁਰਪ੍ਰੀਤ ਸਿੰਘ ਸੰਧੂ, ਅਮਰਿੰਦਰ ਸਿੰਘ, ਪ੍ਰਭਸੁਖਨ ਗਿੱਲ।
ਡਿਫੈਂਡਰਸ: ਪ੍ਰੀਤਮ ਕੋਟਲ, ਸੇਰੀਟਨ ਫਰਨਾਂਡਿਸ, ਰਾਹੁਲ ਭੇਕੇ, ਹਾਰਮੀਪਮ ਰੂਈਵਾ, ਸੰਦੇਸ਼ ਝਿੰਗਨ, ਅਨਵਰ ਅਲੀ, ਚਿੰਗਲੇਨਸਾਨਾ ਸਿੰਘ, ਸੁਭਾਸ਼ੀਸ਼ ਬੋਸ, ਆਕਾਸ਼ ਮਿਸ਼ਰਾ ਅਤੇ ਰੋਸ਼ਨ ਸਿੰਘ।
ਮਿਡਫੀਲਡਰ: ਬਿਪਿਨ ਸਿੰਘ, ਅਨਿਰੁਧ ਥਾਪਾ, ਪ੍ਰਣਯ ਹਲਦਰ, ਜੈਕਸਨ ਸਿੰਘ, ਬ੍ਰੈਂਡਨ ਫਰਨਾਂਡਿਸ, ਵੀ.ਪੀ. ਸੁਹੇਰ, ਦਾਨਿਸ਼ ਫਾਰੂਕ, ਯਾਸਿਰ ਮੁਹੰਮਦ ਅਤੇ ਅਨਿਕੇਤ ਜਾਧਵ
ਫਾਰਵਰਡ: ਮਨਵੀਰ ਸਿੰਘ, ਲਿਸਟਨ ਕੋਲਾਕੋ ਅਤੇ ਰਹੀਮ ਅਲੀ।
ਇਹ ਵੀ ਪੜ੍ਹੋ: ਮੈਂ ਹੁਣ ਤੱਕ ਜੋ ਵੀ ਹਾਸਲ ਕੀਤਾ ਹੈ,ਉਹ ਮੇਰਾ ਸਰਵੋਤਮ ਨਹੀਂ:ਨੀਰਜ ਚੋਪੜਾ
