ਨਵੀਂ ਦਿੱਲੀ : ਅਰਜਨਟੀਨਾ ਦੇ ਮਸ਼ਹੂਰ ਫੁੱਟਬਾਲ ਸਟਾਰ ਲਿਓਨੇਲ ਮੈਸੀ ਨੂੰ ਬਿਊਨਸ ਆਇਰਸ ਦੇ ਬਾਹਰਵਾਰ ਇਗੀਜ਼ਾ ਸ਼ਹਿਰ 'ਚ ਸਨਮਾਨਿਤ ਕੀਤਾ ਗਿਆ। ਇਸ ਸਮਾਗਮ ਵਿੱਚ ਅਰਜਨਟੀਨਾ ਫੁਟਬਾਲ ਐਸੋਸੀਏਸ਼ਨ ਨੇ ਆਪਣੇ ਟਰੇਨਿੰਗ ਕੰਪਲੈਕਸ ਦਾ ਨਾਂ ਕੌਮੀ ਟੀਮ ਫੁਟਬਾਲ ਦੇ ਕਪਤਾਨ ਲਿਓਨੇਲ ਮੈਸੀ ਦੇ ਨਾਂ ’ਤੇ ਰੱਖਿਆ ਹੈ। ਇਗੀਜ਼ਾ ਵਿੱਚ ਸ਼ਨੀਵਾਰ 25 ਮਾਰਚ ਨੂੰ ਇੱਕ ਲਾਂਚਿੰਗ ਸਮਾਰੋਹ ਕਰਵਾਇਆ ਗਿਆ ਸੀ। ਇਹ ਐਲਾਨ ਅਰਜਨਟੀਨਾ ਫੁੱਟਬਾਲ ਸੰਘ ਦੇ ਪ੍ਰਧਾਨ ਕਲਾਉਡਿਓ ਤਾਪੀਆ ਨੇ ਕੀਤੀ।
ਅਰਜਨਟੀਨਾ ਫੁੱਟਬਾਲ ਸੰਘ ਦੇ ਪ੍ਰਧਾਨ ਕਲਾਉਡੀਓ ਤਾਪੀਆ ਨੇ ਲਾਂਚਿੰਗ ਸਮਾਗਮ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ, 'ਵਿਸ਼ਵ ਚੈਂਪੀਅਨ ਦੇ ਘਰ ਤੁਹਾਡਾ ਸਵਾਗਤ ਹੈ। ਸਾਡੀਆਂ ਸਾਰੀਆਂ ਰਾਸ਼ਟਰੀ ਟੀਮਾਂ ਦੇ ਘਰ ਵਿੱਚ ਤੁਹਾਡਾ ਸਵਾਗਤ ਹੈ, ਜਿਨ੍ਹਾਂ ਨੇ ਅਰਜਨਟੀਨਾ ਦੇ ਫੁੱਟਬਾਲ ਨੂੰ ਦੁਨੀਆ ਦੇ ਸਾਹਮਣੇ ਪੇਸ਼ ਕੀਤਾ। ਮੀਡੀਆ ਏਜੰਸੀ ਦੀ ਰਿਪੋਰਟ ਮੁਤਾਬਕ ਕਲਾਉਡੀਓ ਤਾਪੀਆ ਨੇ ਸੰਕੇਤ ਦਿੱਤਾ ਹੈ ਕਿ ਹੁਣ ਸਾਈਟ 'ਤੇ ਇਕ ਨਵਾਂ ਸਪੋਰਟਸ ਹਾਊਸਿੰਗ ਕੰਪਲੈਕਸ ਸ਼ੁਰੂ ਕੀਤਾ ਜਾਵੇਗਾ, ਜਿਸ ਦਾ ਨਾਂ ਸਟਾਰ ਫੁੱਟਬਾਲਰ ਲਿਓਨਲ ਮੈਸੀ ਦੇ ਨਾਂ 'ਤੇ ਰੱਖਿਆ ਜਾਵੇਗਾ। ਮੈਸੀ ਨੇ ਮਿਲੇ ਸਨਮਾਨ ਲਈ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ। ਮੈਸੀ ਨੇ ਕਿਹਾ ਕਿ 'ਉਹ ਲਗਭਗ 20 ਸਾਲਾਂ ਤੋਂ ਇਸ ਸਾਈਟ 'ਤੇ ਆ ਰਿਹਾ ਹੈ ਅਤੇ ਇਸ ਸਾਈਟ 'ਤੇ ਉਸ ਨੂੰ ਨਵੀਂ ਊਰਜਾ ਮਿਲਦੀ ਹੈ'।
ਇਹ ਵੀ ਪੜ੍ਹੋ : BCCI Annual Grade : ਬੀਸੀਸੀਆਈ ਵੱਲੋਂ ਖਿਡਾਰੀਆਂ ਦੇ ਇਕਰਾਰਨਾਮੇ ਦਾ ਐਲਾਨ, ਜਡੇਜਾ ਦੀ ਹੋਈ ਤਰੱਕੀ, ਪਿੱਛੇ ਕੇਐਲ ਰਾਹੁਲ
ਮੈਸੀ 800 ਗੋਲ ਕਰਨ ਵਾਲੇ ਦੂਜੇ ਖਿਡਾਰੀ : ਲਿਓਨਲ ਮੇਸੀ 35 ਸਾਲ ਦੇ ਹਨ। ਉਸ ਨੇ ਕਿਹਾ ਕਿ 'ਮੈਂ ਔਖੇ ਦੌਰ 'ਚੋਂ ਗੁਜ਼ਰਿਆ ਹਾਂ, ਪਰ ਉਨ੍ਹਾਂ ਪਲਾਂ 'ਚ ਵੀ ਇੱਥੇ ਆਉਣ ਨਾਲ ਮੈਨੂੰ ਸਭ ਕੁਝ ਭੁੱਲਣ ਅਤੇ ਖੁਸ਼ ਰਹਿਣ 'ਚ ਮਦਦ ਮਿਲੀ, ਜਿਸ ਨੂੰ ਮੈਂ ਅਜੇ ਵੀ ਮਹਿਸੂਸ ਕਰ ਰਿਹਾ ਹਾਂ। ਮੈਨੂੰ ਖੁਸ਼ੀ ਹੈ ਕਿ ਇੰਨੇ ਲੰਬੇ ਸਮੇਂ ਬਾਅਦ ਮੇਰੇ ਨਾਮ ਉਤੇ ਇਸ ਸਾਈਟ ਦਾ ਨਾਂ ਰੱਖਿਆ ਜਾ ਰਿਹਾ ਹੈ। ਮੈਂ ਉਨ੍ਹਾਂ ਲੋਕਾਂ ਵਿੱਚੋਂ ਇੱਕ ਹਾਂ ਜੋ ਇਹ ਮੰਨਦੇ ਹਨ ਕਿ ਕਿਸੇ ਵਿਅਕਤੀ ਦੇ ਜੀਵਨ ਕਾਲ ਦੌਰਾਨ ਸ਼ਰਧਾਂਜਲੀ ਦਿੱਤੀ ਜਾਣੀ ਚਾਹੀਦੀ ਹੈ। ਮੈਸੀ ਨੇ ਆਪਣੇ ਕਰੀਅਰ 'ਚ ਕਈ ਖਿਤਾਬ ਜਿੱਤੇ ਹਨ। ਹਾਲ ਹੀ 'ਚ ਇਸ ਦਿੱਗਜ ਫੁੱਟਬਾਲਰ ਨੇ ਆਪਣੇ ਕਰੀਅਰ 'ਚ 800 ਗੋਲ ਪੂਰੇ ਕੀਤੇ ਹਨ। ਮੈਸੀ ਨੇ ਸ਼ੁੱਕਰਵਾਰ 24 ਮਾਰਚ ਨੂੰ ਅਰਜਨਟੀਨਾ ਅਤੇ ਪਨਾਮਾ ਵਿਚਾਲੇ ਖੇਡੇ ਗਏ ਮੈਚ 'ਚ ਗੋਲ ਕਰਕੇ ਆਪਣੇ 800 ਗੋਲ ਪੂਰੇ ਕਰ ਲਏ। ਇਹ ਕਾਰਨਾਮਾ ਕਰਨ ਤੋਂ ਬਾਅਦ ਮੈਸੀ ਕ੍ਰਿਸਟੀਆਨੋ ਰੋਨਾਲਡੋ ਦੇ ਦੂਜੇ ਖਿਡਾਰੀ ਬਣ ਗਏ ਹਨ।
ਇਹ ਵੀ ਪੜ੍ਹੋ : Women's World Boxing Championship 2023 : ਨੀਤੂ ਘਣਘਸ ਬਣੀ ਵਿਸ਼ਵ ਚੈਂਪੀਅਨ, 48 ਕਿਲੋਗ੍ਰਾਮ ਵਰਗ 'ਚ ਜਿੱਤਿਆ ਗੋਲਡ ਮੈਡਲ
