ਲਖਨਊ: ਫ਼ਿਲਮਸਾਜ਼ ਕੁਮਾਰ ਮੰਗਤ ਪਾਠਕ ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਅਤੇ ਕਨੌਜ ਵਿੱਚ ਇਨਕਮ ਟੈਕਸ ਵਿਭਾਗ ਦੇ ਛਾਪੇਮਾਰੀ (RAID OF IT IN KANPUR AND KANNAUJ) 'ਤੇ 'ਰੇਡ-2' ਨਾਂ ਹੇਠ ਫ਼ਿਲਮ ਬਣਾਉਣਗੇ। ਉਨ੍ਹਾਂ ਇਹ ਐਲਾਨ ਉੱਤਰ ਪ੍ਰਦੇਸ਼ 'ਚ ਪਹਿਲੀ ਵਾਰ ਆਯੋਜਿਤ 'ਕਾਸ਼ੀ ਫਿਲਮ ਫੈਸਟੀਵਲ' 'ਚ ਚਰਚਾ ਦੌਰਾਨ ਕੀਤਾ।
ਇਹ ਵੀ ਪੜੋ: Year Ender 2021: ਸੁਹਾਨਾ ਖ਼ਾਨ ਦੀਆਂ ਇਨ੍ਹਾਂ ਖੂਬਸੁਰਤ ਤਸਵੀਰਾਂ ਨੇ ਵਧਾਇਆ ਸੋਸ਼ਲ ਮੀਡੀਆ ਦਾ ਪਾਰਾ
ਇਕ ਬਿਆਨ 'ਚ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਫਿਲਮ 'ਰੇਡ' ਨੇ ਹੀ ਦਿਖਾਇਆ ਹੈ ਕਿ ਪੈਸਾ ਕੰਧਾਂ ਤੋਂ ਵੀ ਬਾਹਰ ਆ ਸਕਦਾ ਹੈ। ਹਾਲ ਹੀ 'ਚ ਕਾਨਪੁਰ ਅਤੇ ਕਨੌਜ 'ਚ ਇਨਕਮ ਟੈਕਸ ਦੇ ਛਾਪੇਮਾਰੀ ਦੌਰਾਨ ਅਸਲ 'ਚ ਕੰਧਾਂ 'ਚੋਂ ਪੈਸੇ ਨਿਕਲਣ ਦੀ ਘਟਨਾ ਸਾਹਮਣੇ ਆਈ ਸੀ, ਜਿਸ ਨੂੰ ਦੇਖਦੇ ਹੋਏ ਉਨ੍ਹਾਂ ਨੇ ਫਿਲਮ 'ਰੇਡ-2' ਬਣਾਉਣ ਦਾ ਮਨ ਬਣਾ ਲਿਆ ਹੈ। ਪਾਠਕ ਨੇ ਦੱਸਿਆ ਕਿ ਇਸ ਫਿਲਮ 'ਚ ਕੰਧਾਂ 'ਚੋਂ ਪੈਸੇ ਨਿਕਲਣ ਦਾ ਸੀਨ ਦਿਖਾਇਆ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਕੁਮਾਰ ਮਾਂਗਟ ਦੀ 2018 'ਚ ਆਈ ਫਿਲਮ 'ਰੇਡ' 'ਚ ਐਕਟਰ ਅਜੇ ਦੇਵਗਨ ਇਨਕਮ ਟੈਕਸ ਅਫਸਰ ਦੇ ਰੂਪ 'ਚ ਸਨ ਅਤੇ ਉਹ ਇਕ ਰਾਜਨੇਤਾ ਦੇ ਘਰ ਛਾਪੇਮਾਰੀ ਕਰਦੇ ਹਨ। ਇਸ ਫਿਲਮ 'ਚ ਅਦਾਕਾਰਾ ਇਲਿਆਨਾ ਡੀ ਕਰੂਜ਼ ਅਤੇ ਅਦਾਕਾਰ ਸੌਰਭ ਸ਼ੁਕਲਾ ਵੀ ਸਨ।
ਪਿਛਲੇ ਦਿਨੀਂ ਇਨਕਮ ਟੈਕਸ ਅਤੇ ਸੈਂਟਰਲ ਬੋਰਡ ਆਫ ਅਪ੍ਰਤੱਖ ਟੈਕਸ ਅਤੇ ਕਸਟਮ ਦੁਆਰਾ ਮਾਰੇ ਗਏ ਛਾਪਿਆਂ ਵਿੱਚ ਕਾਨਪੁਰ ਵਿੱਚ ਪਰਫਿਊਮ ਵਪਾਰੀ ਪੀਯੂਸ਼ ਜੈਨ ਦੇ ਘਰ ਤੋਂ ਲਗਭਗ 257 ਕਰੋੜ ਰੁਪਏ ਦੀ ਨਕਦੀ, 25 ਕਿਲੋ ਸੋਨਾ ਅਤੇ 250 ਕਿਲੋ ਚਾਂਦੀ ਬਰਾਮਦ ਕੀਤੀ ਗਈ ਸੀ।
ਪੈਨਲ ਚਰਚਾ ਦੌਰਾਨ ਅਦਾਕਾਰ ਅਨੁਪਮ ਖੇਰ ਨੇ ਉੱਤਰ ਪ੍ਰਦੇਸ਼ ਵਿੱਚ ਫਿਲਮ ਸਿਟੀ ਦੇ ਵਿਕਾਸ ਲਈ ਰਾਜ ਸਰਕਾਰ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਕਿਹਾ ਕਿ ਉੱਤਰ ਪ੍ਰਦੇਸ਼ ਸਰਕਾਰ ਦੀ ਪਹਿਲਕਦਮੀ ਨਾਲ ਜਿੱਥੇ ਸੂਬੇ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਰਹਿਣ ਵਾਲੇ ਕਲਾਕਾਰਾਂ ਨੂੰ ਇੱਕ ਪਲੇਟਫਾਰਮ ਮਿਲੇਗਾ ਉੱਥੇ ਹੀ ਫਿਲਮ ਇੰਡਸਟਰੀ ਨਾਲ ਜੁੜਨ ਵਾਲੇ ਹਜ਼ਾਰਾਂ ਲੋਕਾਂ ਨੂੰ ਰੁਜ਼ਗਾਰ ਦੇ ਮੌਕੇ ਮਿਲਣਗੇ। ਪੈਨਲ ਚਰਚਾ ਦੌਰਾਨ, ਉਸਨੇ ਲਖਨਊ ਨਾਲ ਆਪਣੀ ਸਾਂਝ ਅਤੇ ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਦਿਨਾਂ ਦੀਆਂ ਯਾਦਾਂ ਅਤੇ ਸੰਘਰਸ਼ਾਂ ਨੂੰ ਸਾਂਝਾ ਕੀਤਾ।
ਇਹ ਵੀ ਪੜੋ: Year Ender 2021: ਮਾਲਦੀਵ ਲਈ ਰਵਾਨਾ ਰਣਵੀਰ-ਦੀਪਿਕਾ, ਇਸ ਸਾਲ ਇਨ੍ਹਾਂ 8 ਜੋੜਿਆਂ ਨੇ ਵੀ ਕੀਤਾ ਇੱਥੇ Enjoy
ਅਦਾਕਾਰ ਅਸ਼ੋਕ ਪੰਡਿਤ, ਭੋਜਪੁਰੀ ਸਿਨੇਮਾ ਦੇ ਅਦਾਕਾਰ ਰਵੀ ਕਿਸ਼ਨ, ਪਟਕਥਾ ਲੇਖਕ ਮਧੁਰ ਭੰਡਾਰਕਰ, ਫਿਲਮ ਨਿਰਮਾਤਾ ਵਿਨੋਦ ਬੱਚਨ ਅਤੇ ਫਿਲਮ ਨਿਰਮਾਤਾਵਾਂ ਨੇ ਵੀ ਪੈਨਲ ਚਰਚਾ ਵਿੱਚ ਹਿੱਸਾ ਲਿਆ।
