WhatsApp Voice Chat: ਵਟਸਐਪ ਨੇ ਪੇਸ਼ ਕੀਤਾ ਵਾਈਸ ਚੈਟ ਫੀਚਰ, ਹੁਣ 128 ਗਰੁੱਪ ਮੈਬਰਾਂ ਨਾਲ ਲਾਈਵ ਜੁੜਨ ਦੀ ਮਿਲੇਗੀ ਸੁਵਿਧਾ

author img

By ETV Bharat Features Team

Published : Nov 14, 2023, 10:19 AM IST

Updated : Nov 14, 2023, 10:27 AM IST

WhatsApp Voice Chat

WhatsApp Voice Chat Feature: ਵਟਸਐਪ ਆਪਣੇ ਯੂਜ਼ਰਸ ਲਈ ਵਾਈਸ ਚੈਟ ਫੀਚਰ ਰੋਲਆਊਟ ਕਰਨ ਜਾ ਰਿਹਾ ਹੈ। ਇਹ ਨਵਾਂ ਫੀਚਰ ਗਰੁੱਪ ਕਾਲਿੰਗ ਵਰਗਾ ਹੋਵੇਗਾ। ਇਸ ਫੀਚਰ ਦੇ ਨਾਲ ਵਟਸਐਪ ਯੂਜ਼ਰਸ ਨੂੰ ਗਰੁੱਪ ਮੈਬਰਾਂ ਨਾਲ ਲਾਈਵ ਜੁੜਨ ਦੀ ਸੁਵਿਧਾ ਮਿਲੇਗੀ। ਇਸ ਫੀਚਰ ਰਾਹੀ 128 ਗਰੁੱਪ ਮੈਬਰਾਂ ਦੇ ਨਾਲ ਲਾਈਵ ਵਾਈਸ ਚੈਟ ਕੀਤੀ ਜਾ ਸਕਦੀ ਹੈ।

ਹੈਦਰਾਬਾਦ: ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਲਗਾਤਾਰ ਇਸ ਐਪ ਨੂੰ ਅਪਡੇਟ ਕਰਦੀ ਰਹਿੰਦੀ ਹੈ। ਹੁਣ ਕੰਪਨੀ ਯੂਜ਼ਰਸ ਲਈ ਵਾਈਸ ਚੈਟ ਫੀਚਰ ਲੈ ਕੇ ਆਈ ਹੈ। ਵਟਸਐਪ ਦਾ ਇਹ ਫੀਚਰ ਗਰੁੱਪ ਕਾਲਿੰਗ ਵਰਗਾ ਹੈ। ਵਟਸਐਪ ਨੇ ਆਪਣੇ ਅਧਿਕਾਰਿਤ ਚੈਨਲ ਰਾਹੀ ਇਸ ਫੀਚਰ ਨੂੰ ਰੋਲਆਊਟ ਕਰਨ ਦੀ ਜਾਣਕਾਰੀ ਦਿੱਤੀ ਹੈ।

  • rolling out now: voice chat for your larger groups!

    you’ll soon have the option to talk it out live with whoever can join or keep texting with whoever can’t

    — WhatsApp (@WhatsApp) November 13, 2023 " class="align-text-top noRightClick twitterSection" data=" ">

ਕੀ ਹੈ ਵਟਸਐਪ ਦਾ ਵਾਈਸ ਚੈਟ ਫੀਚਰ?: ਵਾਈਸ ਚੈਟ ਫੀਚਰ ਵਟਸਐਪ ਗਰੁੱਪ ਲਈ ਲਿਆਂਦਾ ਗਿਆ ਹੈ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਨੂੰ 33 ਤੋਂ 128 ਗਰੁੱਪ ਮੈਬਰਾਂ ਦੇ ਨਾਲ ਜੁੜਨ ਦੀ ਸੁਵਿਧਾ ਮਿਲੇਗੀ। ਵਾਈਸ ਚੈਟ ਫੀਚਰ ਦੇ ਨਾਲ ਯੂਜ਼ਰਸ ਗਰੁੱਪ ਮੈਬਰਾਂ ਦੇ ਨਾਲ ਲਾਈਵ ਜੁੜ ਸਕਣਗੇ। ਇਸਦੇ ਨਾਲ ਹੀ ਵਾਈਸ ਚੈਟ ਫੀਚਰ ਦੇ ਨਾਲ ਯੂਜ਼ਰਸ ਮੈਸੇਜ ਵੀ ਕਰ ਸਕਣਗੇ।

ਵਾਈਸ ਚੈਟ ਫੀਚਰ ਬਾਰੇ: ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਵਟਸਐਪ ਗਰੁੱਪ 'ਚ ਯੂਜ਼ਰਸ ਨੂੰ ਵਾਈਸ ਮੈਸੇਜ ਭੇਜਣ ਦੀ ਸੁਵਿਧਾ ਪਹਿਲਾ ਤੋਂ ਹੀ ਮਿਲਦੀ ਹੈ, ਪਰ ਵਾਈਸ ਚੈਟ ਅਲੱਗ ਤਰੀਕੇ ਨਾਲ ਕੰਮ ਕਰਦਾ ਹੈ। ਵਾਈਸ ਚੈਟ ਸ਼ੁਰੂ ਕਰਨ ਦੇ ਨਾਲ ਹੀ ਗਰੁੱਪ ਮੈਬਰਾਂ ਨੂੰ ਇਸ ਚੈਟ ਨਾਲ ਜੁੜਨ ਲਈ ਇੱਕ ਨੋਟੀਫਿਕੇਸ਼ਨ ਮਿਲੇਗਾ। ਵਾਈਸ ਚੈਟ ਨੂੰ ਕਿੰਨੇ ਲੋਕਾਂ ਨੇ Join ਕੀਤਾ ਹੈ, ਉਹ ਵਟਸਐਪ ਯੂਜ਼ਰਸ ਆਪਣੀ ਸਕ੍ਰੀਨ 'ਤੇ ਦੇਖ ਸਕਣਗੇ। ਜਦੋ ਸਾਰੇ ਮੈਬਰ ਗਰੁੱਪ ਚੈਟ ਨੂੰ ਛੱਡ ਕੇ ਚਲੇ ਜਾਣਗੇ, ਤਾਂ ਵਾਈਸ ਚੈਟ ਆਪਣੇ ਆਪ ਖਤਮ ਹੋ ਜਾਵੇਗੀ। ਇਸਦੇ ਨਾਲ ਹੀ ਸ਼ੁਰੂ ਕੀਤੀ ਗਈ ਵਾਈਸ ਚੈਟ 'ਚ 60 ਮਿੰਟ ਤੱਕ ਨਾ ਜੁੜਨ 'ਤੇ ਵੀ ਵਾਈਸ ਚੈਟ ਖਤਮ ਹੋ ਜਾਵੇਗੀ।

ਇਸ ਤਰ੍ਹਾਂ ਕਰੋ ਵਟਸਐਪ ਵਾਈਸ ਚੈਟ: ਵਟਸਐਪ ਵਾਈਸ ਚੈਟ ਸ਼ੁਰੂ ਕਰਨ ਤੋਂ ਪਹਿਲਾ ਵਟਸਐਪ ਗਰੁੱਪ 'ਚ ਆਓ। ਫਿਰ ਟਾਪ ਰਾਈਟ ਕਾਰਨਰ 'ਤੇ ਵਾਈਸ ਚੈਟ ਦੇ ਆਈਕਨ 'ਤੇ ਟੈਪ ਕਰੋ। ਇੱਥੇ 'Start Voice Chat' 'ਤੇ ਟੈਪ ਕਰੋ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਸਭ ਤੋਂ ਪਹਿਲਾ ਇਸ ਫੀਚਰ ਦੀ ਜਾਣਕਾਰੀ Wabetainfo ਨੇ ਦਿੱਤੀ ਸੀ। ਇਸ ਫੀਚਰ ਨੂੰ ਸਭ ਤੋਂ ਪਹਿਲਾ ਬੀਟਾ ਯੂਜ਼ਰਸ ਲਈ ਸ਼ੁਰੂ ਕੀਤਾ ਗਿਆ ਸੀ। ਨਵੇਂ ਫੀਚਰ ਦਾ ਇਸਤੇਮਾਲ ਕਰਨ ਲਈ ਤੁਹਾਨੂੰ ਐਪ ਨੂੰ ਅਪਡੇਟ ਕਰਨਾ ਹੋਵੇਗਾ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਜਿਹੜੇ ਗਰੁੱਪ 'ਚ 33 ਤੋਂ ਘਟ ਮੈਬਰ ਹਨ, ਉਸ ਗਰੁੱਪ 'ਚ ਵਾਈਸ ਚੈਟ ਫੀਚਰ ਨਜ਼ਰ ਨਹੀਂ ਆਵੇਗਾ।

Last Updated :Nov 14, 2023, 10:27 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.