Threads App: ਮੇਟਾ ਨੇ ਲਾਂਚ ਕੀਤਾ ਥ੍ਰੈਡਸ ਐਪ, ਇਸ ਤਰ੍ਹਾਂ ਕਰ ਸਕਦੇ ਹੋ ਡਾਊਨਲੋਡ

ਹੈਦਰਾਬਾਦ: ਮੈਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਥ੍ਰੈਡਸ ਐਪ ਨੂੰ ਲਾਂਚ ਕਰ ਦਿੱਤਾ ਹੈ। ਇਸ ਐਪ ਨੂੰ ਭਾਰਤ ਸਮੇਤ 100 ਤੋਂ ਵੱਧ ਦੇਸ਼ਾਂ ਵਿੱਚ ਲਾਂਚ ਕੀਤਾ ਗਿਆ ਹੈ। ਲੰਬੇ ਸਮੇਂ ਤੋਂ ਮੈਟਾ ਇਸ ਐਪ 'ਤੇ ਕੰਮ ਕਰ ਰਿਹਾ ਸੀ ਜੋ ਆਖਿਰਕਾਰ ਲਾਂਚ ਹੋ ਗਿਆ ਹੈ। ਤੁਸੀਂ ਐਪ ਨੂੰ ਐਂਡਰਾਇਡ ਅਤੇ ਆਈਓਐਸ ਦੋਵਾਂ 'ਤੇ ਡਾਊਨਲੋਡ ਕਰ ਸਕਦੇ ਹੋ। ਮੈਟਾ ਨੇ ਥ੍ਰੈਡਸ ਨੂੰ ਸਟੈਂਡਅਲੋਨ ਐਪ ਦੇ ਤੌਰ 'ਤੇ ਲਾਂਚ ਕੀਤਾ ਹੈ ਪਰ ਯੂਜ਼ਰਸ ਇੰਸਟਾਗ੍ਰਾਮ ਦੀ ਮਦਦ ਨਾਲ ਇਸ 'ਤੇ ਲੌਗਇਨ ਵੀ ਕਰ ਸਕਦੇ ਹਨ।

• " class="align-text-top noRightClick twitterSection" data="">

ਮਾਰਕ ਜ਼ੁਕਰਬਰਗ ਨੇ ਕੀਤਾ ਪੋਸਟ: ਮਾਰਕ ਜ਼ੁਕਰਬਰਗ ਨੇ ਫਾਇਰ ਇਮੋਜੀ ਦੇ ਨਾਲ ਪੋਸਟ ਕੀਤਾ, "ਆਓ ਇਹ ਕਰਦੇ ਹਾਂ। ਥ੍ਰੈਡਸ ਵਿੱਚ ਤੁਹਾਡਾ ਸੁਆਗਤ ਹੈ। ਵਿਸ਼ਲੇਸ਼ਕ ਐਪ ਦੇ ਲਾਂਚ ਨੂੰ ਲੈ ਕੇ ਉਤਸ਼ਾਹਿਤ ਹਨ, ਕਿਉਂਕਿ ਥ੍ਰੈਡਸ ਇੰਸਟਾਗ੍ਰਾਮ ਨਾਲ ਜੁੜਿਆ ਹੋਇਆ ਹੈ। ਜਿਸ ਨਾਲ ਇਸਦਾ ਉਪਭੋਗਤਾਬੇਸ ਵਧੇਗਾ ਅਤੇ ਇਸ਼ਤਿਹਾਰਬਾਜ਼ੀ ਵੀ ਵਧੀਆ ਹੋਵੇਗੀ। ਇਸਦੇ ਨਾਲ ਹੀ ਵਿਸ਼ਲੇਸ਼ਕਾਂ ਨੇ ਇਹ ਵੀ ਕਿਹਾ ਕਿ ਥ੍ਰੈਡਸ ਟਵਿੱਟਰ ਤੋਂ ਆਪਣੇ ਇਸ਼ਤਿਹਾਰ ਖੋਹ ਸਕਦਾ ਹੈ ਕਿਉਂਕਿ ਟਵਿੱਟਰ ਅਜੇ ਤੱਕ ਆਪਣੇ ਵਿਗਿਆਪਨਕਰਤਾਵਾਂ ਨੂੰ ਖੁਸ਼ ਨਹੀਂ ਕਰ ਸਕਿਆ ਹੈ। ਹਾਲਾਂਕਿ ਕੰਪਨੀ ਦੇ ਨਵੇਂ ਸੀਈਓ ਇਸ ਲਈ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਅਜਿਹਾ ਕੁਝ ਹੁੰਦਾ ਨਜ਼ਰ ਨਹੀਂ ਆ ਰਿਹਾ ਹੈ।

ਇਸ ਤਰ੍ਹਾਂ ਕਰ ਸਕਦੇ ਹੋ ਥ੍ਰੈਡਸ ਐਪ ਨੂੰ ਡਾਊਨਲੋਡ:

1. Meta's Threads ਐਪ ਨੂੰ ਡਾਊਨਲੋਡ ਕਰਨ ਲਈ ਸਭ ਤੋਂ ਪਹਿਲਾਂ ਪਲੇਅਸਟੋਰ 'ਤੇ ਜਾਓ ਅਤੇ Threads ਐਪ ਨੂੰ ਡਾਊਨਲੋਡ ਕਰੋ।
2. ਇੰਸਟਾਲ ਕਰਨ ਤੋਂ ਬਾਅਦ ਐਪ ਨੂੰ ਖੋਲ੍ਹੋ ਅਤੇ ਇੰਸਟਾਗ੍ਰਾਮ ਦੀ ਮਦਦ ਨਾਲ ਲੌਗਇਨ ਕਰੋ।
3. ਲੌਗਇਨ ਕਰਨ ਤੋਂ ਬਾਅਦ ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ ਇੰਸਟਾਗ੍ਰਾਮ ਦੇ ਡੇਟਾ ਜਿਵੇਂ ਕਿ ਪ੍ਰੋਫਾਈਲ ਤਸਵੀਰ, ਬਾਇਓ ਆਦਿ ਨੂੰ ਕਾਪੀ ਕਰ ਸਕਦੇ ਹੋ। ਜੇਕਰ ਤੁਸੀਂ ਚਾਹੋ ਤਾਂ ਇੰਸਟਾਗ੍ਰਾਮ ਫਾਲੋਅਰਸ ਨੂੰ ਵੀ ਫਾਲੋ ਕਰ ਸਕਦੇ ਹੋ।
4. ਸੈੱਟਅੱਪ ਪੂਰਾ ਹੋਣ ਤੋਂ ਬਾਅਦ ਤੁਸੀਂ ਟਵਿੱਟਰ ਵਾਂਗ ਇੱਥੇ ਟਵੀਟ ਆਦਿ ਕਰ ਸਕੋਗੇ।

• Threads App: ਟਵਿੱਟਰ ਨੂੰ ਟੱਕਰ ਦੇਣ ਲਈ ਮੇਟਾ 6 ਜੁਲਾਈ ਨੂੰ ਲਾਂਚ ਕਰ ਸਕਦੈ ਇਹ ਐਪ, ਇਸ ਤਰ੍ਹਾਂ ਕਰ ਸਕੋਗੇ ਲੌਗਇਨ

ਨਵੇਂ ਯੂਜ਼ਰਸ ਨੂੰ ਐਪ ਨਾਲ ਜੋੜਨ ਲਈ ਕੀਤਾ ਜਾ ਰਿਹਾ ਇਹ ਕੰਮ: Meta ਐਪ ਦੇ ਯੂਜ਼ਰਬੇਸ ਨੂੰ ਵਧਾਉਣ ਲਈ ਐਪ 'ਤੇ ਸਾਰੇ ਕੰਟੈਂਟ ਕ੍ਰਿਏਟਰਾਂ ਅਤੇ ਮਸ਼ਹੂਰ ਹਸਤੀਆਂ ਨੂੰ ਲਿਆ ਰਿਹਾ ਹੈ। ਇਸਦੇ ਨਾਲ ਹੀ ਉਨ੍ਹਾਂ ਨੂੰ ਦਿਨ 'ਚ ਦੋ ਵਾਰ ਕੁਝ ਨਾ ਕੁਝ ਪੋਸਟ ਕਰਨ ਲਈ ਵੀ ਕਹਿ ਰਿਹਾ ਹੈ ਤਾਂ ਜੋ ਨਵੇਂ ਯੂਜ਼ਰਸ ਐਪ ਨਾਲ ਜੁੜ ਸਕਣ। ਹਾਲਾਂਕਿ ਇਹ ਐਪ ਫਿਲਹਾਲ ਟਵਿਟਰ ਵਾਂਗ ਵਧੀਆ ਨਹੀਂ ਹੈ ਪਰ ਸਮੇਂ ਦੇ ਨਾਲ ਕੰਪਨੀ ਇਸ 'ਚ ਕਈ ਅਪਡੇਟਸ ਲਿਆਵੇਗੀ, ਜਿਸ ਤੋਂ ਬਾਅਦ ਇਹ ਐਪ ਟਵਿਟਰ ਨੂੰ ਸਖਤ ਟੱਕਰ ਦੇਵੇਗੀ।