Apple WWDC 2023: Apple ਦਾ ਸਭ ਤੋਂ ਵੱਡਾ ਈਵੈਂਟ ਅੱਜ ਤੋਂ ਸ਼ੁਰੂ, ਜਾਣੋ ਕੀ-ਕੀ ਹੋ ਸਕਦੈ ਲਾਂਚ

ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਈਵੈਂਟ ਦੌਰਾਨ ਕਈ ਸਾਫਟਵੇਅਰ ਅਪਡੇਟਸ ਅਤੇ ਨਵੇਂ ਪ੍ਰੋਡਕਟਸ ਲਾਂਚ ਹੋਣ ਜਾ ਰਹੇ ਹਨ।

ਹੈਦਰਾਬਾਦ: ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ WWDC 2023 ਅੱਜ ਸ਼ੁਰੂ ਹੋ ਗਿਆ ਹੈ। ਇਸ ਈਵੈਂਟ 'ਚ ਕਈ ਪ੍ਰੋਡਕਟਸ ਲਾਂਚ ਹੋਣ ਜਾ ਰਹੇ ਹਨ। ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ ਵਰਲਡਵਾਈਡ ਡਿਵੈਲਪਰਸ ਕਾਨਫਰੰਸ 5 ਜੂਨ ਤੋਂ 9 ਜੂਨ ਤੱਕ ਚੱਲੇਗਾ। ਇਹ ਸਮਾਗਮ ਪੂਰੀ ਤਰ੍ਹਾਂ ਆਨਲਾਈਨ ਹੋਵੇਗਾ। ਹਾਲਾਂਕਿ ਕੁਝ ਡਿਵੈਲਪਰਾਂ ਅਤੇ ਵਿਦਿਆਰਥੀਆਂ ਨੂੰ ਐਪਲ ਦੇ ਪਾਰਕ ਵਿੱਚ ਬੁਲਾਇਆ ਗਿਆ ਹੈ। ਇਸ ਈਵੈਂਟ 'ਚ ਕੰਪਨੀ iOS 17, Watch OS 10 ਅਤੇ MacOS 14 ਨੂੰ ਲਾਂਚ ਕਰੇਗੀ। ਅੱਜ ਐਪਲ ਨੇ ਹਾਰਡਵੇਅਰ ਅਤੇ ਸੌਫਟਵੇਅਰ ਨੂੰ ਪੇਸ਼ ਕਰਨ ਲਈ ਮੁੱਖ ਸਮਾਗਮ ਦਾ ਆਯੋਜਨ ਕੀਤਾ ਹੈ।

ਐਪਲ ਈਵੈਂਟ ਦੌਰਾਨ ਇਹ ਸਭ ਕੀਤਾ ਜਾ ਸਕਦਾ ਲਾਂਚ: ਐਪਲ ਈਵੈਂਟ ਦੌਰਾਨ iOS, iPadOS, macOS, watchOS ਅਤੇ tvOS ਦੇ ਨਵੇਂ ਵਰਜਨਾਂ ਨੂੰ ਪੇਸ਼ ਕਰਨ ਲਈ ਤਿਆਰ ਹੈ। ਇਸ ਤੋਂ ਇਲਾਵਾ ਇਸ ਈਵੈਂਟ ਦੌਰਾਨ AR/VR ਮਿਕਸਡ ਰਿਐਲਿਟੀ ਹੈੱਡਸੈੱਟ ਵੀ ਪੇਸ਼ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ 15 ਇੰਚ ਦੀ ਮੈਕਬੁੱਕ ਏਅਰ ਵੀ ਲਾਂਚ ਕੀਤੀ ਜਾਵੇਗੀ।

ਈਵੈਂਟ ਦਾ ਸਮਾਂ ਅਤੇ ਸਥਾਨ: ਐਪਲ ਦਾ ਸਭ ਤੋਂ ਵੱਡਾ ਸਮਾਗਮ 5 ਤੋਂ 9 ਜੂਨ 2023 ਤੱਕ ਐਪਲ ਪਾਰਕ, ​​ਕੂਪਰਟੀਨੋ, ਕੈਲੀਫੋਰਨੀਆ ਵਿਖੇ ਆਯੋਜਿਤ ਕੀਤਾ ਜਾਵੇਗਾ। ਇਸ ਨੂੰ ਸੋਮਵਾਰ ਰਾਤ 10:30 ਵਜੇ ਸ਼ੁਰੂ ਕੀਤਾ ਜਾਵੇਗਾ। ਹਾਲਾਂਕਿ, ਡਿਵੈਲਪਰਾਂ ਲਈ ਨਵੀਂ ਤਕਨਾਲੋਜੀ ਅਤੇ ਅੱਪਡੇਟ 'ਤੇ ਡੂੰਘਾਈ ਨਾਲ ਜਾਣਕਾਰੀ ਦੇਣ ਲਈ ਮੁੱਖ ਸਮਾਗਮ 1.30pm 'ਤੇ ਆਯੋਜਿਤ ਕੀਤਾ ਜਾਵੇਗਾ।

• Elon Musk ਦੀਆਂ ਏਆਈ ਦੁਆਰਾ ਤਿਆਰ ਕੀਤੀਆਂ ਤਸਵੀਰਾਂ ਹੋ ਰਹੀਆਂ ਵਾਇਰਲ, ਮਸਕ ਨੇ ਦਿੱਤੀ ਪ੍ਰਤੀਕਿਰਿਆਂ

ਇਸ ਤਰ੍ਹਾਂ ਈਵੈਂਟ ਦੇਖ ਸਕਦੇ ਹੋ ਆਨਲਾਇਨ: ਔਨਲਾਈਨ ਈਵੈਂਟ ਐਪਲ ਦੇ ਯੂਟਿਊਬ ਚੈਨਲ 'ਤੇ ਲਾਈਵ-ਸਟ੍ਰੀਮ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਤੁਸੀਂ ਐਪਲ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਵੀ ਜਾ ਸਕਦੇ ਹੋ। ਇੱਥੇ ਲਾਈਵਸਟ੍ਰੀਮ ਨੂੰ Apple TV ਐਪ ਦੇ 'Watch Now' ਸੈਕਸ਼ਨ ਵਿੱਚ ਵੀ ਦੇਖਿਆ ਜਾ ਸਕਦਾ ਹੈ, ਜੋ iPhones, iPads, Macs ਅਤੇ Apple TV 'ਤੇ ਉਪਲਬਧ ਹੈ। ਐਪਲ ਕੀਨੋਟ ਅੱਜ ਰਾਤ ਨੂੰ 10:30pm 'ਤੇ ਲਾਈਵ ਸਟ੍ਰੀਮ ਕੀਤਾ ਜਾਵੇਗਾ।