ਲੰਡਨ: ਇਜ਼ਰਾਈਲੀ ਬਲਾਂ ਨੇ ਗਾਜ਼ਾ 'ਤੇ ਯੋਜਨਾਬੱਧ ਜ਼ਮੀਨੀ ਹਮਲੇ ਤੋਂ ਪਹਿਲਾਂ ਹਮਾਸ ਦੇ ਰਾਕੇਟ ਲਾਂਚਰਾਂ ਨੂੰ ਨਸ਼ਟ ਕਰਨ ਲਈ 'ਆਇਰਨ ਸਟਿੰਗ' (IRON STING) ਨਾਂ ਦੀ ਨਵੀਂ ਅਤੇ ਨਵੀਨਤਮ ਹਥਿਆਰ ਪ੍ਰਣਾਲੀ ਤਾਇਨਾਤ ਕੀਤੀ ਹੈ। ਮੀਡੀਆ ਰਿਪੋਰਟਾਂ 'ਚ ਇਹ ਗੱਲ ਕਹੀ ਗਈ ਹੈ। ਮੀਡੀਆ ਰਿਪੋਰਟ ਦੇ ਅਨੁਸਾਰ, ਇਜ਼ਰਾਈਲ ਡਿਫੈਂਸ ਫੋਰਸਿਜ਼ (ਆਈਡੀਐਫ) ਨੇ ਫਲਸਤੀਨੀ ਬੰਦੂਕਧਾਰੀਆਂ (Palestinian gunman) ਦਾ ਮੁਕਾਬਲਾ ਕਰਨ ਲਈ ਪਹਿਲਾਂ ਹੀ 'ਸੀਮਤ' ਛਾਪੇਮਾਰੀ ਕੀਤੀ ਹੈ। ਉਹ ਉਨ੍ਹਾਂ ਥਾਵਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ ਜਿੱਥੇ ਹਮਾਸ ਇੱਕ ਵਿਆਪਕ ਇਜ਼ਰਾਈਲੀ ਹਮਲੇ ਦਾ ਸਾਹਮਣਾ ਕਰਨ ਦੀ ਤਿਆਰੀ ਵਿੱਚ ਇਕੱਠਾ ਹੋ ਰਿਹਾ ਹੈ।
ਟੈਂਕ ਨੂੰ ਤਬਾਹ ਕਰ ਦਿੱਤਾ: ਇਜ਼ਰਾਈਲ ਦੇ ਮੁੱਖ ਫੌਜੀ ਬੁਲਾਰੇ ਰਿਅਰ ਐਡਮਿਰਲ ਡੇਨੀਅਲ ਹਾਗਰੀ ਨੇ ਇੱਕ ਬ੍ਰੀਫਿੰਗ ਦੌਰਾਨ ਕਿਹਾ, "ਇਹ ਛਾਪੇ ਟੈਂਕ ਅਤੇ ਪੈਦਲ ਬਲਾਂ ਦੁਆਰਾ ਰਾਤ ਨੂੰ ਕੀਤੇ ਗਏ ਸਨ। ਇਹ ਛਾਪੇ ਅੱਤਵਾਦੀਆਂ ਦੇ ਦਸਤੇ ਨੂੰ ਮਾਰਨ ਲਈ ਸਨ।" ਹਮਾਸ ਨੇ ਕਿਹਾ ਕਿ ਘੁਸਪੈਠ, ਜਿਸ ਨੂੰ ਇਸ ਨੇ ਬਖਤਰਬੰਦ ਫੋਰਸ (Armored Force) ਦੱਸਿਆ, ਦੱਖਣੀ ਗਾਜ਼ਾ ਵਿੱਚ ਖਾਨ ਯੂਨਿਸ ਦੇ ਪੂਰਬ ਵਿੱਚ ਹੋਇਆ। ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਘੁਸਪੈਠ ਕਰਨ ਵਾਲੇ ਬਲਾਂ ਨਾਲ ਜੁੜੇ ਲੜਾਕਿਆਂ ਨੇ ਦੋ ਬੁਲਡੋਜ਼ਰ ਅਤੇ ਇੱਕ ਟੈਂਕ ਨੂੰ ਤਬਾਹ ਕਰ ਦਿੱਤਾ ਅਤੇ ਬੇਸ 'ਤੇ ਸੁਰੱਖਿਅਤ ਢੰਗ ਨਾਲ ਵਾਪਸ ਪਰਤਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਪਿੱਛੇ ਹਟਣ ਲਈ ਮਜਬੂਰ ਕੀਤਾ। ਇਜ਼ਰਾਈਲ ਨੇ ਸਾਜ਼ੋ-ਸਾਮਾਨ ਦੀ ਤਬਾਹੀ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ।
ਇਜ਼ਰਾਈਲੀ ਕਿਲਿੰਗ ਮਸ਼ੀਨ: ਰਿਪੋਰਟ ਮੁਤਾਬਕ ਹਮਲਾ ਹੋਣ ਵਾਲਾ ਜਾਪਦਾ ਹੈ। ਫਲਸਤੀਨੀ ਪ੍ਰਧਾਨ ਮੰਤਰੀ ਮੁਹੰਮਦ ਸ਼ਤਾਯੇਹ ਨੇ ਆਪਣੀ ਕੈਬਨਿਟ ਨੂੰ ਦੱਸਿਆ ਕਿ ਹਜ਼ਾਰਾਂ ਹੋਰ ਗਾਜ਼ਾਨ ਆਪਣੀ ਜਾਨ ਗੁਆ ਸਕਦੇ ਹਨ। ਉਹ 'ਇਜ਼ਰਾਈਲੀ ਕਿਲਿੰਗ ਮਸ਼ੀਨ' (The Israeli Killing Machine) ਦਾ ਸਾਹਮਣਾ ਕਰ ਰਹੇ ਹਨ। ਦੋ ਹਫ਼ਤੇ ਪਹਿਲਾਂ ਇਜ਼ਰਾਈਲ-ਹਮਾਸ ਸੰਘਰਸ਼ ਸ਼ੁਰੂ ਹੋਣ ਤੋਂ ਬਾਅਦ IDF ਨੇ ਐਤਵਾਰ ਨੂੰ 24 ਘੰਟੇ ਦੀ ਸਭ ਤੋਂ ਭਾਰੀ ਬੰਬਾਰੀ ਕੀਤੀ। ਗਾਜ਼ਾ ਵਿੱਚ ਮੀਡੀਆ ਸੂਤਰਾਂ ਨੇ ਕਿਹਾ ਕਿ ਪੂਰੇ ਖੇਤਰ ਵਿੱਚ ਹਮਲਿਆਂ ਵਿੱਚ 400 ਫਲਸਤੀਨੀ ਮਾਰੇ ਗਏ।
- Police on Detroit synagogue president's murder: ਪੁਲਿਸ ਨੇ ਕਿਹਾ- ਸਾਮੰਥਾ ਦੇ ਕਤਲ ਪਿੱਛੇ ਕੋਈ ਵਿਰੋਧੀ ਸੋਚ ਨਹੀਂ
- Humanitarian Aid Into Gaza : ਬਾਈਡਨ ਅਤੇ ਨੇਤਨਯਾਹੂ ਗਾਜ਼ਾ ਵਿੱਚ ਮਾਨਵਤਾਵਾਦੀ ਸਹਾਇਤਾ ਜਾਰੀ ਰੱਖਣ ਲਈ ਹੋਏ ਸਹਿਮਤ
- Hate Crimes Against Sikhs: ਅਮਰੀਕਾ ਵਿੱਚ ਸਿੱਖਾਂ ਖਿਲਾਫ਼ ਨਫ਼ਰਤ ਦੇ ਚੱਲਦੇ ਵਧੀਆਂ ਵਾਰਦਾਤਾਂ ਤੋਂ ਦੁੱਖੀ ਹਾਂ: ਭਾਰਤੀ ਮੂਲ ਦੇ ਮੇਅਰ
ਆਪਣੇ ਹਵਾਈ ਹਮਲੇ ਦੇ ਹਿੱਸੇ ਵਜੋਂ, ਇਜ਼ਰਾਈਲੀ ਫੌਜ ਅਤੇ ਹਵਾਈ ਫੌਜ ਨੇ 'ਆਇਰਨ ਸਟਿੰਗ' ਹਥਿਆਰ ਦੀ ਵਰਤੋਂ ਕੀਤੀ, ਜਿਸ ਨੂੰ 'ਇੱਕ ਨਵੀਨਤਾਕਾਰੀ ਅਤੇ ਸਟੀਕ ਮੋਰਟਾਰ ਬੰਬ' ਦੱਸਿਆ ਗਿਆ ਹੈ। IDF ਨੇ ਆਪਣੇ ਨਵੀਨਤਮ ਹਥਿਆਰ 'ਆਇਰਨ ਸਟਿੰਗ' ਦਾ ਵੀਡੀਓ ਵੀ ਸਾਂਝਾ ਕੀਤਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਿਕ 120 ਐਮਐਮ ਮੋਰਟਾਰ ਦਾਗੇ ਗਏ ਪਲ ਦੀ ਫੁਟੇਜ ਵਿੱਚ ਦਿਖਾਇਆ ਗਿਆ ਹੈ ਕਿ ਇਹ ਦੁਸ਼ਮਣ ਦੇ ਰਾਕੇਟ ਲਾਂਚਰ ਨੂੰ ਤਬਾਹ ਕਰ ਰਿਹਾ ਹੈ ਜਿਸ ਵਿੱਚ ਇਹ ਕਿਹਾ ਗਿਆ ਸੀ ਕਿ ਇਹ ਇੱਕ 'ਸਹੀ' ਹਮਲਾ ਸੀ।
