ਹੈਦਰਾਬਾਦ: ਮੰਕੀ ਪੌਕਸ ਵਾਇਰਸ ਤੇ ਇਸ ਤੋਂ ਪੀੜਤ ਮਰੀਜ਼ਾਂ ਉੱਤੇ ਵੇਲਸ ਤੇ ਇੰਗਲੈਂਡ ਦੋਹਾਂ ਦਾ ਪਬਲਿਕ ਹੈਲਥ ਵਿਭਾਗ (Public health) ਲਗਾਤਾਰ ਨਿਗਰਾਨੀ ਕਰ ਰਿਹਾ ਹੈ। ਇਸ ਵਿਚਾਲੇ, ਪਬਲਿਕ ਹੈਲਥ ਵਿਭਾਗ ਦੇ ਸਿਹਤ ਸੁਰੱਖਿਆ ਸਲਾਹਕਾਰ ਰਿਚਰਡ ਫੈਰਥ ਨੇ ਕਿਹਾ ਹੈ, "ਯੂਕੇ 'ਚ ਮੌਕੀ ਪੌਕਸ ਦੇ 2 ਮਾਮਲਿਆਂ ਦੀ ਪੁਸ਼ਟੀ ਹੋਣਾ ਦੁਰਲਭ ਘਟਨਾ ਹੈ।
ਇਸ ਨਾਲ ਆਮ ਜਨਤਾ ਨੂੰ ਬੇਹਦ ਘੱਟ ਖ਼ਤਰਾ ਹੈ। ਅਸੀਂ ਕਈ ਏਜੰਸੀਆਂ ਦੇ ਨਾਲ ਕੰਮ ਕਰਦੇ ਹੋਏ ਸਾਰੇ ਹੀ ਪ੍ਰੋਟੋਕਾਲ ਤੇ ਪ੍ਰਕੀਰਿਆ ਤਹਿਤ ਮਰੀਜ਼ਾਂ ਦੇ ਸੰਪਰਕ 'ਚ ਆਏ ਲੋਕਾਂ ਦੀ ਪਛਾਣ ਕਰ ਲਈ ਹੈ। ਇਸ ਸੰਕਰਮਣ ਨੂੰ ਹੋਰਨਾਂ ਤੱਕ ਫੈਲਣ ਤੋਂ ਰੋਕਣ ਲਈ ਸੁਰੱਖਿਆ ਸਬੰਧੀ ਕਦਮ ਚੁੱਕੇ ਜਾ ਰਹੇ ਹਨ। "
