ਹੈਦਰਾਬਾਦ: ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਸਟਾਰਰ ਫਿਲਮ ਜ਼ਰਾ ਹਟਕੇ ਜ਼ਰਾ ਬਚਕੇ ਬਾਕਸ ਆਫਿਸ 'ਤੇ ਆਪਣੀ ਸ਼ਾਨਦਾਰ ਕਮਾਈ ਨਾਲ ਇੱਕ ਮਹੀਨਾ ਪੂਰਾ ਕਰਨ ਵਾਲੀ ਹੈ। ਇਹ ਫਿਲਮ 2 ਜੂਨ ਨੂੰ ਰਿਲੀਜ਼ ਹੋਈ ਸੀ ਅਤੇ ਉਦੋਂ ਤੋਂ ਲੈ ਕੇ ਹੁਣ ਤੱਕ ਇਕ ਦਿਨ ਨੂੰ ਛੱਡ ਕੇ ਫਿਲਮ ਕਰੋੜਾਂ ਦੀ ਕਮਾਈ ਕਰ ਰਹੀ ਹੈ। ਫਿਲਮ 28 ਜੂਨ ਨੂੰ ਆਪਣੀ ਰਿਲੀਜ਼ ਦੇ 27ਵੇਂ ਦਿਨ ਚੱਲ ਰਹੀ ਹੈ ਅਤੇ ਇੱਥੇ 26 ਦਿਨਾਂ ਦੀ ਕਲੈਕਸ਼ਨ ਦਾ ਖੁਲਾਸਾ ਹੋਇਆ ਹੈ। ਜ਼ਰਾ ਹਟਕੇ ਜ਼ਰਾ ਬਚਕੇ ਨੇ 26ਵੇਂ ਦਿਨ ਵੀ ਲੱਖਾਂ ਨਹੀਂ ਕਰੋੜਾਂ ਦੀ ਕਮਾਈ ਕੀਤੀ ਹੈ। ਵਿੱਕੀ-ਸਾਰਾ ਦੀ ਫੈਮਿਲੀ ਡਰਾਮਾ ਫਿਲਮ ਜ਼ਰਾ ਹਟਕੇ ਜ਼ਰਾ ਬਚਕੇ ਨੇ 26ਵੇਂ ਦਿਨ ਬਾਕਸ ਆਫਿਸ 'ਤੇ ਕੀ ਕਰਿਸ਼ਮਾ ਕੀਤਾ ਅਤੇ ਇਸ ਦਾ ਕੁੱਲ ਕਲੈਕਸ਼ਨ ਕਿੰਨਾ ਰਿਹਾ। ਆਓ ਇੱਕ ਨਜ਼ਰ ਮਾਰੀਏ।
- ਟੀਵੀ 'ਤੇ ਪਹਿਲੀ ਵਾਰ KISS ਕਰਨ ਤੋਂ ਬਾਅਦ ਇਸ ਤਰ੍ਹਾਂ ਬੀਤੀ ਸੀ ਨੀਨਾ ਗੁਪਤਾ ਦੀ ਰਾਤ, ਸਾਂਝੀ ਕੀਤੀ ਘਟਨਾ
- Rhea Chakraborty: ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਮਿਲੇ ਤਾਅਨੇ ਨਹੀਂ ਭੁੱਲ ਸਕੀ ਰੀਆ, ਮਾੜੇ ਸਮੇਂ ਨੂੰ ਯਾਦ ਕਰਕੇ ਹੋਈ ਭਾਵੁਕ
- Adipurush Collection Day 12: ਬਾਕਸ ਆਫਿਸ 'ਤੇ ਲਗਾਤਾਰ ਦਮ ਤੋੜਦੀ ਜਾ ਰਹੀ ਹੈ 'ਆਦਿਪੁਰਸ਼', ਜਾਣੋ 12ਵੇਂ ਦਿਨ ਦੀ ਕਮਾਈ
ਜ਼ਰਾ ਹਟਕੇ ਜ਼ਰਾ ਬਚਕੇ ਦੇ 26ਵੇਂ ਦਿਨ ਦੀ ਕਮਾਈ: ਸਾਨੂੰ ਇਹ ਮੰਨਣਾ ਪਵੇਗਾ ਕਿ ਫਿਲਮ ਆਦਿਪੁਰਸ਼ ਦਾ ਸਾਰਾ ਫਾਇਦਾ ਫਿਲਮ ਜ਼ਰਾ ਹਟਕੇ ਜ਼ਰਾ ਬਚਕੇ ਨੂੰ ਮਿਲਿਆ ਹੈ। ਜੇਕਰ ਫਿਲਮ ਆਦਿਪੁਰਸ਼ ਨੇ ਬਾਕਸ ਆਫਿਸ 'ਤੇ ਆਪਣਾ ਕਰਿਸ਼ਮਾ ਦਿਖਾਇਆ ਹੁੰਦਾ ਤਾਂ ਦਰਸ਼ਕ ਕਾਫੀ ਸਮਾਂ ਪਹਿਲਾਂ 'ਜ਼ਰਾ ਹਟਕੇ ਜ਼ਰਾ ਬਚਕੇ' ਨੂੰ ਭੁੱਲ ਜਾਂਦੇ, ਪਰ ਵਿੱਕੀ ਅਤੇ ਸਾਰਾ ਇਸ ਮਾਮਲੇ 'ਚ ਖੁਸ਼ਕਿਸਮਤ ਨਿਕਲੇ ਅਤੇ ਉਨ੍ਹਾਂ ਦੀ ਫਿਲਮ 'ਜ਼ਰਾ ਹਟਕੇ ਜ਼ਰਾ ਬਚਕੇ' ਨੇ ਬਾਕਸ ਆਫਿਸ ਉਤੇ ਸ਼ਾਨਦਾਰ ਕੰਮ ਕੀਤਾ ਅਤੇ ਇਹ ਅਜੇ ਤੱਕ ਵੀ ਜਾਰੀ ਹੈ।
ਮਹਿਜ਼ 40 ਕਰੋੜ ਰੁਪਏ ਦੇ ਬਜਟ 'ਚ ਬਣੀ ਇਸ ਫਿਲਮ ਨੇ 26 ਦਿਨਾਂ 'ਚ 81.07 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ ਅਤੇ ਫਿਲਮ ਨੇ 26ਵੇਂ ਦਿਨ 1 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਕਾਰਤਿਕ-ਕਿਆਰਾ ਸਟਾਰਰ ਫਿਲਮ ਸੱਤਿਆ ਪ੍ਰੇਮ ਕਥਾ 29 ਜੂਨ ਨੂੰ ਰਿਲੀਜ਼ ਹੋ ਰਹੀ ਹੈ, ਜਿਸ ਦੀ ਕਹਾਣੀ ਜ਼ਰਾ ਹਟਕੇ ਜ਼ਰਾ ਬਚਕੇ ਵਰਗੀ ਹੈ। ਇਸ ਫਿਲਮ ਨਾਲ ਸ਼ਾਇਦ ਵਿੱਕੀ ਅਤੇ ਸਾਰਾ ਦੀ ਫਿਲਮ ਦਾ ਬਾਕਸ ਆਫਿਸ ਉਤੇ ਅੰਤ ਹੋ ਜਾਵੇਗਾ।
