ਹੈਦਰਾਬਾਦ: ਬਾਲੀਵੁੱਡ ਦੇ ਪ੍ਰਤਿਭਾਸ਼ਾਲੀ ਅਦਾਕਾਰ ਰਣਦੀਪ ਹੁੱਡਾ ਅਤੇ ਨੀਨਾ ਗੁਪਤਾ ਜਲਦ ਹੀ ਆਉਣ ਵਾਲੀ ਫਿਲਮ 'ਪਛੱਤਰ ਕਾ ਛੋਰਾ' ਵਿੱਚ ਇਕੱਠੇ ਸਕ੍ਰੀਨ ਸਪੇਸ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਰੋਮਾਂਟਿਕ ਕਾਮੇਡੀ ਦਰਸ਼ਕਾਂ ਦਾ ਮੰਨੋਰੰਜਨ ਕਰੇਗੀ। ਨੀਨਾ ਗੁਪਤਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਫਿਲਮ ਦੇ ਪੋਸਟਰ ਦੇ ਨਾਲ ਮੁਹੂਰਤ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।
ਫਿਲਮ ਦੀ ਸ਼ੂਟਿੰਗ: 'ਪਚੱਤਰ ਕਾ ਛੋਰਾ' ਦਾ ਨਿਰਦੇਸ਼ਨ ਜਯੰਤ ਗਿਲਟਰ ਕਰਨਗੇ। ਫਿਲਮ ਦੀ ਸ਼ੂਟਿੰਗ ਪਿਛਲੇ ਦਿਨੀਂ ਤੋਂ ਸ਼ੁਰੂ ਹੋ ਗਈ ਹੈ। 'ਪਚੱਤਰ ਕਾ ਛੋਰਾ' 'ਚ ਗੁਲਸ਼ਨ ਗਰੋਵਰ ਅਤੇ ਸੰਜੇ ਮਿਸ਼ਰਾ ਵੀ ਅਹਿਮ ਭੂਮਿਕਾਵਾਂ ਨਿਭਾਅ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੀ ਸ਼ੂਟਿੰਗ ਰਾਜਸਥਾਨ ਦੇ ਰਾਜਸਮੰਦ 'ਚ ਸ਼ੁਰੂ ਹੋ ਚੁੱਕੀ ਹੈ ਅਤੇ ਇਹ ਪਹਿਲੀ ਫਿਲਮ ਹੈ ਜਿਸ ਦੀ ਸ਼ੂਟਿੰਗ ਇਸ ਲੋਕੇਸ਼ਨ 'ਤੇ ਹੋਵੇਗੀ।
ਨਵੇਂ ਇਸ ਪ੍ਰੋਜੈਕਟ ਬਾਰੇ ਬੋਲਦਿਆ ਹੁੱਡਾ ਨੇ ਕਿਹਾ “ਇਹ ਫ਼ਿਲਮ ਮੇਰੇ ਹੁਣ ਤੱਕ ਕੀਤੇ ਸਭ ਤਰ੍ਹਾਂ ਦੇ ਪ੍ਰੋਜੈਕਟਾਂ ਤੋਂ ਵੱਖਰੀ ਅਤੇ ਸ਼ਾਨਦਾਰ ਹੈ। ਇਸਦੀ ਵੰਨਗੀ ਰੋਮਾਂਟਿਕ ਡਰਾਮਾ ਹੈ ਜਿਸ ਵਿੱਚ ਸਥਿਤੀ ਸੰਬੰਧੀ ਕਾਮੇਡੀ ਦਾ ਇੱਕ ਅੰਡਰਕਰੰਟ ਹੈ ਜੋ ਉਮੀਦ ਹੈ ਕਿ ਦਰਸ਼ਕਾਂ ਨੂੰ ਇਸ ਬਾਰੇ ਸੋਚਣ ਲਈ ਕੁਝ ਮਿਲੇਗਾ। ਮੇਰੇ 'ਤੇ ਭਰੋਸਾ ਕਰੋ ਜੋ ਮੈਂ ਕਹਾਂਗਾ, ਤੁਸੀਂ ਇੰਝ ਦੀ ਫਿਲਮੀ ਕਹਾਣੀ ਪਹਿਲਾਂ ਨਹੀਂ ਵੇਖੀ ਹੋਵੇਗੀ।'
'ਪਚੱਤਰ ਕਾ ਛੋਰਾ' ਬਾਰੇ ਬੋਲਦਿਆਂ ਪੈਨੋਰਮਾ ਸਟੂਡੀਓਜ਼ ਨੇ ਇੱਕ ਬਿਆਨ ਵਿੱਚ ਕਿਹਾ “ਪੈਨੋਰਮਾ ਸਟੂਡੀਓਜ਼ ਨੇ ਹਮੇਸ਼ਾ ਦਿਲਚਸਪ ਵਿਸ਼ਿਆਂ ਦਾ ਸਮਰਥਨ ਕੀਤਾ ਹੈ। ਹੁਣ ਦੁਨੀਆ ਭਰ ਦੇ ਸਿਨੇਮਾ ਨਾਲ ਦਰਸ਼ਕਾਂ ਦੇ ਸੰਪਰਕ ਵਿੱਚ ਆਉਣ ਦੇ ਨਾਲ ਅਸੀਂ ਉਨ੍ਹਾਂ ਕਹਾਣੀਆਂ ਦੀ ਤਲਾਸ਼ ਕਰ ਰਹੇ ਹਾਂ ਜੋ ਵੱਖਰੀਆਂ ਪਰ ਮੰਨੋਰੰਜਕ ਹੋਣਗੀਆਂ। ਪਚੱਤਰ ਕਾ ਛੋਰਾ ਇੱਕ ਅਜਿਹੀ ਫ਼ਿਲਮ ਹੈ ਜੋ ਜ਼ਿੰਦਗੀ ਦੇ ਇੱਕ ਬਹੁਤ ਹੀ ਮਹੱਤਵਪੂਰਨ ਪਹਿਲੂ ਬਾਰੇ ਹਲਕੀ ਜਿਹੀ ਗੱਲ ਕਰਦੀ ਹੈ। ਅਸੀਂ 75 ਸਾਲਾਂ ਨੌਜਵਾਨ ਦੀ ਇਸ ਯਾਤਰਾ ਨੂੰ ਲੈ ਕੇ ਆਉਣ ਦੀ ਉਡੀਕ ਕਰ ਰਹੇ ਹਾਂ।
ਤੁਹਾਨੂੰ ਦੱਸ ਦਈਏ ਕਿ ਰਣਦੀਪ ਹੁੱਡਾ ਜਿਸ ਨੇ 'ਡੀ', 'ਸਾਹਿਬ ਬੀਵੀ ਔਰ ਗੈਂਗਸਟਰ', 'ਮੈਂ ਔਰ ਚਾਰਲਸ', 'ਸਰਬਜੀਤ', 'ਲਾਲ ਰੰਗ', 'ਐਕਸਟ੍ਰੈਕਸ਼ਨ' ਵਰਗੀਆਂ ਫਿਲਮਾਂ ਅਤੇ 'ਕੈਟ' ਵਰਗੇ ਵੈੱਬ ਸ਼ੋਅਜ਼ 'ਚ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਸਭ ਦਾ ਦਿਲ ਜਿੱਤ ਲਿਆ ਹੈ। ਇਸ ਫਿਲਮ ਰਾਹੀਂ ਇਕ ਵਾਰ ਫਿਰ ਤੋਂ ਆਪਣੀ ਬਿਹਤਰੀਨ ਅਦਾਕਾਰੀ ਦਿਖਾਉਣ ਦਾ ਮੌਕਾ ਮਿਲ ਰਿਹਾ ਹੈ, ਜਿਸ ਲਈ ਉਹ ਬਹੁਤ ਖੁਸ਼ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਰਣਦੀਪ ਹੁੱਡਾ ਅਤੇ ਨੀਨਾ ਗੁਪਤਾ ਪਹਿਲੀ ਵਾਰ ਰੋਮਾਂਟਿਕ ਕਾਮੇਡੀ ਫਿਲਮ 'ਪਛੱਤਰ ਕਾ ਛੋਰਾ' ਵਿੱਚ ਇਕੱਠੇ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ:Himanshi Khurana: ਹੋਲੀ ਦੇ ਤਿਉਹਾਰ ਨੂੰ ਲੈ ਕੇ ਹਿਮਾਂਸ਼ੀ ਖੁਰਾਣਾ ਨੇ ਸਾਂਝਾ ਕੀਤਾ ਇਹ ਸੰਦੇਸ਼
