ਹੈਦਰਾਬਾਦ: ਰਣਬੀਰ ਕਪੂਰ 'ਐਨੀਮਲ' ਤੋਂ ਬਾਅਦ ਫਿਲਮ 'ਰਾਮਾਇਣ' 'ਚ ਨਜ਼ਰ ਆਉਣ ਵਾਲੇ ਹਨ। 'ਦੰਗਲ' ਦੇ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਇਸ ਫਿਲਮ ਨੂੰ ਬਣਾਉਣ ਜਾ ਰਹੇ ਹਨ। ਹਾਲਾਂਕਿ ਇਸ ਫਿਲਮ ਦਾ ਅਜੇ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਫਿਲਮ 'ਰਾਮਾਇਣ' ਕਾਫੀ ਸਮੇਂ ਤੋਂ ਸੁਰਖੀਆਂ 'ਚ ਹੈ ਅਤੇ ਇਸ ਤੋਂ ਪਹਿਲਾਂ ਰਣਬੀਰ ਫਿਲਮ 'ਐਨੀਮਲ' ਨੂੰ ਲੈ ਕੇ ਕਾਫੀ ਚਰਚਾ ਵਿੱਚ ਹੈ, ਜਿਸ 'ਚ ਰਣਬੀਰ ਕਾਫੀ ਖਾਸ ਕਿਰਦਾਰ 'ਚ ਨਜ਼ਰ ਆ ਰਹੇ ਹਨ। ਹੁਣ ਖਬਰ ਆ ਰਹੀ ਹੈ ਕਿ ਰਣਬੀਰ ਕਪੂਰ ਫਿਲਮ ਰਾਮਾਇਣ 'ਚ ਭਗਵਾਨ ਰਾਮ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ ਭਗਵਾਨ ਰਾਮ ਦੀ ਸਾਫ਼-ਸੁਥਰੀ ਤਸਵੀਰ ਨੂੰ ਪਰਦੇ 'ਤੇ ਪੇਸ਼ ਕਰਨ ਲਈ ਰਣਬੀਰ ਕਪੂਰ ਨਾਨ-ਵੈਜ, ਸਿਗਰਟਨੋਸ਼ੀ ਅਤੇ ਸ਼ਰਾਬ ਦਾ ਸੇਵਨ ਬੰਦ ਕਰਨ ਜਾ ਰਹੇ ਹਨ। ਸ਼ੂਟਿੰਗ ਹੋਣ ਤੱਕ ਅਦਾਕਾਰ ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਹੱਥ ਨਹੀਂ ਲਾਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਅਦਾਕਾਰ ਰਾਮ ਦੀ ਭੂਮਿਕਾ ਨੂੰ ਸਾਫ਼-ਸਾਫ਼ ਪੇਸ਼ ਕਰਨ ਲਈ ਅਜਿਹਾ ਕਰਨ ਜਾ ਰਹੇ ਹਨ। ਹਾਲਾਂਕਿ ਫਿਲਮ ਤੋਂ ਬਾਅਦ ਰਣਬੀਰ ਇਨ੍ਹਾਂ ਸਾਰੀਆਂ ਚੀਜ਼ਾਂ ਦਾ ਫਿਰ ਤੋਂ ਸੇਵਨ ਕਰਨਾ ਸ਼ੁਰੂ ਕਰ ਦੇਣਗੇ।
- Animal First Song Hua Main: ਕੱਲ੍ਹ ਰਿਲੀਜ਼ ਹੋਵੇਗਾ 'ਐਨੀਮਲ' ਦਾ ਪਹਿਲਾਂ ਗੀਤ, ਰਣਬੀਰ-ਰਸ਼ਮਿਕਾ ਦੇ ਲਿਪ-ਲੌਕ ਨੇ ਲਾਈ ਇੰਟਰਨੈੱਟ 'ਤੇ ਅੱਗ
- Box Office Collection: 'ਮਿਸ਼ਨ ਰਾਣੀਗੰਜ' ਅਤੇ 'ਥੈਂਕ ਯੂ ਫਾਰ ਕਮਿੰਗ' ਨੂੰ ਟੱਕਰ ਦੇ ਰਹੀ ਹੈ 'ਫੁਕਰੇ 3', ਜਾਣੋ ਸਾਰੀਆਂ ਫਿਲਮਾਂ ਦਾ ਕੁੱਲ ਕਲੈਕਸ਼ਨ
- Shehnaaz Gill In Hospital: ਇਨਫੈਕਸ਼ਨ ਕਾਰਨ ਹਸਪਤਾਲ 'ਚ ਭਰਤੀ ਹੋਈ ਸ਼ਹਿਨਾਜ਼ ਗਿੱਲ, ਮਿਲਣ ਪਹੁੰਚੀ ਰੀਆ ਕਪੂਰ
ਰਾਮਾਇਣ ਦੀ ਸਟਾਰ ਕਾਸਟ: ਰਣਬੀਰ ਦੀ ਪਤਨੀ ਆਲੀਆ ਭੱਟ ਰਾਮਾਇਣ ਵਿੱਚ ਸੀਤਾ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣ ਵਾਲੀ ਸੀ, ਇਸ ਤੋਂ ਬਾਅਦ ਇਸ ਫਿਲਮ 'ਚ ਸਾਊਥ ਅਦਾਕਾਰਾ ਸਾਈ ਪੱਲਵੀ ਦੀ ਐਂਟਰੀ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਫਿਲਮ 'ਚ ਰਾਵਣ ਦੇ ਕਿਰਦਾਰ ਲਈ ਕੇਜੀਐੱਫ ਸਟਾਰ ਯਸ਼ ਦਾ ਨਾਂ ਫਾਈਨਲ ਮੰਨਿਆ ਜਾ ਰਿਹਾ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਸ਼ੁਰੂ ਹੋਣ ਜਾ ਰਹੀ ਹੈ।
