ਮੁੰਬਈ: ਬਾਲੀਵੁੱਡ ਦੀ 'ਦੇਸੀ ਗਰਲ' ਪ੍ਰਿਅੰਕਾ ਚੋਪੜਾ ਮੁੰਬਈ 'ਚ ਆਯੋਜਿਤ ਨੀਤਾ-ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ ਦੇ ਉਦਘਾਟਨ ਪ੍ਰੋਗਰਾਮ 'ਚ ਹਿੱਸਾ ਲੈਣ ਲਈ ਬੀਤੀ ਸ਼ਾਮ ਅਮਰੀਕਾ ਤੋਂ ਭਾਰਤ ਆਈ ਸੀ। ਇਸ ਦੇ ਨਾਲ ਹੀ ਜਦੋਂ ਪ੍ਰਿਅੰਕਾ ਚੋਪੜਾ ਨੇ ਮੁੰਬਈ ਦੇ ਕਲੀਨਾ ਏਅਰਪੋਰਟ 'ਤੇ ਬੇਟੀ ਮਾਲਤੀ ਮੈਰੀ ਚੋਪੜਾ ਜੋਨਸ ਅਤੇ ਪਤੀ ਨਿਕ ਜੋਨਸ ਨਾਲ ਦੇਸ਼ 'ਚ ਐਂਟਰੀ ਕੀਤੀ ਤਾਂ ਸੋਸ਼ਲ ਮੀਡੀਆ 'ਤੇ ਖਲਬਲੀ ਮੱਚ ਗਈ।
ਪ੍ਰਿਅੰਕਾ ਦੇ ਭਾਰਤ ਆਉਣ ਦੀ ਖ਼ਬਰ ਪੂਰੇ ਬਾਲੀਵੁੱਡ 'ਚ ਅੱਗ ਵਾਂਗ ਫੈਲ ਗਈ ਹੈ। ਉਥੇ ਹੀ ਪ੍ਰਿਅੰਕਾ ਚੋਪੜਾ ਨੂੰ ਬੀਤੀ ਰਾਤ ਨੀਤਾ-ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ ਦੇ ਪ੍ਰੋਗਰਾਮ 'ਚ ਦੇਖਿਆ ਗਿਆ। ਇੱਥੇ ਪ੍ਰਿਅੰਕਾ ਚੋਪੜਾ ਆਪਣੇ ਖੂਬਸੂਰਤ ਅੰਦਾਜ਼ 'ਚ ਨਜ਼ਰ ਆਈ। ਪ੍ਰਿਅੰਕਾ ਨੇ ਹੌਟ ਨੈੱਟ ਡਰੈੱਸ ਪਾਈ ਹੋਈ ਸੀ ਅਤੇ ਨਿਕ ਬਲੈਕ ਕੱਪੜਿਆਂ ਵਿੱਚ ਡੈਸ਼ਿੰਗ ਲੱਗ ਰਹੇ ਸਨ। ਹੁਣ ਇਸ ਈਵੈਂਟ ਤੋਂ ਇਲਾਵਾ ਪ੍ਰਿਅੰਕਾ ਚੋਪੜਾ ਨੇ ਪਤੀ ਨਿਕ ਨਾਲ ਆਪਣੀਆਂ ਰੁਮਾਂਸ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
- " class="align-text-top noRightClick twitterSection" data="
">
ਪ੍ਰਿਅੰਕਾ ਚੋਪੜਾ ਨੇ ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਕੇ ਆਪਣਾ ਧੰਨਵਾਦ ਪ੍ਰਗਟ ਕੀਤਾ, ਪ੍ਰਿਅੰਕਾ ਚੋਪੜਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਲਿਖਿਆ, 'ਬੀਤੀ ਰਾਤ NMACC ਦੇ ਲਾਂਚ 'ਤੇ ਸੰਗੀਤਕ ਸਭਿਅਤਾ ਟੂ ਨੇਸ਼ਨ ਦੀ ਸ਼ੁਰੂਆਤ ਦੇਖ ਕੇ ਮੈਂ ਬਹੁਤ ਪ੍ਰਭਾਵਿਤ ਹੋਈ, ਮੈਨੂੰ ਇਸ 'ਤੇ ਮਾਣ ਹੈ, ਸਾਡਾ ਇਤਿਹਾਸ। ਦੇਸ਼। ਬਹੁਤ ਪ੍ਰੇਰਨਾਦਾਇਕ, ਕਲਾ ਦੇ ਪ੍ਰਤੀ ਤੁਹਾਡੇ ਅਣਥੱਕ ਯੋਗਦਾਨ ਅਤੇ ਵਚਨਬੱਧਤਾ ਲਈ ਮੈਨੂੰ ਤੁਹਾਡੇ (ਨੀਤਾ ਅੰਬਾਨੀ) 'ਤੇ ਬਹੁਤ ਮਾਣ ਹੈ ਅਤੇ ਮੇਰੇ ਪਿਆਰੇ IIISHMAGISH! ਤੁਹਾਡੇ ਵਰਗਾ ਕੋਈ ਵੀ ਅਜਿਹਾ ਨਹੀਂ ਕਰਦਾ...ਹਮੇਸ਼ਾ ਚਮਕਦੇ ਰਹੋ...ਮੈਂ ਸਾਰਿਆਂ ਨੂੰ ਬੇਨਤੀ ਕਰਦੀ ਹਾਂ ਕਿ ਅਜਿਹੇ ਸ਼ਾਨਦਾਰ ਸੱਭਿਆਚਾਰਕ ਹੱਬ 'ਤੇ ਸ਼ੋਅ ਨੂੰ ਦੇਖਣ ਦੀ ਕੋਸ਼ਿਸ਼ ਕਰੋ।
ਤੁਹਾਨੂੰ ਦੱਸ ਦਈਏ ਕਿ ਹਾਲ ਹੀ ਵਿੱਚ ਪ੍ਰਿਅੰਕਾ ਚੋਪੜਾ ਨੇ ਬਾਲੀਵੁੱਡ ਵਿੱਚ ਆਪਣੇ ਡੈਬਿਊ ਕਰਨ ਬਾਰੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਸੀ ਅਤੇ ਇਸ ਖੁਲਾਸੇ ਤੋਂ ਬਾਅਦ ਉਹ ਸਿੱਧੇ ਆਪਣੇ ਦੇਸ਼ ਭਾਰਤ ਆ ਗਈ। ਪ੍ਰਿਅੰਕਾ ਨੇ ਖੁਲਾਸਾ ਕੀਤਾ ਸੀ ਕਿ ਉਹ ਬਾਲੀਵੁੱਡ 'ਚ ਰਾਜਨੀਤੀ ਕਰਨ ਵਾਲਿਆਂ ਦੇ ਸਾਹਮਣੇ ਥੱਕ ਗਈ ਸੀ ਅਤੇ ਇਸ ਲਈ ਉਸ ਨੇ ਅਮਰੀਕਾ ਦਾ ਰਸਤਾ ਚੁਣਿਆ। ਪ੍ਰਿਅੰਕਾ ਦੇ ਇਸ ਖੁਲਾਸੇ ਤੋਂ ਬਾਅਦ ਬਾਲੀਵੁੱਡ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ 'ਚ ਹੰਗਾਮਾ ਮੱਚ ਗਿਆ ਸੀ।
ਹੁਣ ਇਸ ਪ੍ਰੋਗਰਾਮ 'ਚ ਪ੍ਰਿਅੰਕਾ ਚੋਪੜਾ ਅਤੇ ਕਰਨ ਜੌਹਰ ਦਾ ਇਕ-ਦੂਜੇ ਨੂੰ ਗਲੇ ਲਗਾਉਣ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਪ੍ਰਿਅੰਕਾ ਚੋਪੜਾ ਨੇ ਕਰਨ ਜੌਹਰ ਨਾਲ ਗੱਲ ਕਰਨ ਤੋਂ ਬਾਅਦ ਦੀਪਿਕਾ ਪਾਦੂਕੋਣ ਨਾਲ ਗੱਲ ਕੀਤੀ।
ਇਹ ਵੀ ਪੜ੍ਹੋ:NMACC: ਸ਼ਾਹਰੁਖ ਖਾਨ ਦੇ ਡੈਪਰ ਲੁੱਕ 'ਤੇ ਫਿਦਾ ਹੋਈ ਦੀਪਿਕਾ ਪਾਦੂਕੋਣ, ਕੀਤਾ ਇਹ ਕਮੈਂਟ
