ਮੁੰਬਈ: ਨਿਰਦੇਸ਼ਕ ਨਾਗ ਅਸ਼ਵਿਨ ਆਪਣੀ ਆਉਣ ਵਾਲੀ ਸਾਇੰਸ ਫਿਕਸ਼ਨ ਐਕਸ਼ਨ ਫਿਲਮ ਮੈਗਾਬਜਟ ਨਾਲ ਬਣਾਉਣ ਜਾ ਰਹੇ ਹਨ। ਰਿਪੋਰਟਾਂ ਮੁਤਾਬਕ 'ਪ੍ਰੋਜੈਕਟ ਕੇ' ਦਾ ਬਜਟ 600 ਕਰੋੜ ਰੁਪਏ ਹੈ ਅਤੇ 200 ਕਰੋੜ ਰੁਪਏ ਸਿਰਫ਼ ਅਦਾਕਾਰਾਂ ਦੀ ਫੀਸ 'ਤੇ ਹੀ ਖਰਚ ਕੀਤੇ ਜਾ ਰਹੇ ਹਨ। ਨਾਗ ਅਸ਼ਵਿਨ ਦੀ ਇਹ ਮੈਗਾਬਜਟ ਅਤੇ ਮੈਗਾਸਟਾਰਰ ਫਿਲਮ ਦੋ ਹਿੱਸਿਆਂ ਵਿੱਚ ਰਿਲੀਜ਼ ਹੋਵੇਗੀ। 'ਪ੍ਰੋਜੈਕਟ ਕੇ' 12 ਜਨਵਰੀ 2024 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ ਅਤੇ ਕਿਉਂਕਿ ਇਸਨੂੰ ਦੋ ਭਾਗਾਂ ਵਿੱਚ ਰਿਲੀਜ਼ ਕੀਤਾ ਜਾਵੇਗਾ। ਇਸ ਲਈ ਫਿਲਮ ਨਿਰਮਾਤਾਵਾਂ ਨੇ ਪੂਰੀ ਫਿਲਮ ਨੂੰ ਇਕੱਠੇ ਸ਼ੂਟ ਕਰਨ ਦਾ ਫੈਸਲਾ ਕੀਤਾ, ਫਿਲਮ ਦਾ 80 ਫੀਸਦੀ ਕੰਮ ਪੂਰਾ ਹੋ ਚੁੱਕਾ ਹੈ।
ਪ੍ਰਭਾਸ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ 'ਆਦਿਪੁਰਸ਼' ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ, ਪਰ ਫਿਰ ਵੀ ਦੂਜੇ ਨਿਰਮਾਤਾ ਉਨ੍ਹਾਂ 'ਤੇ ਕਰੋੜਾਂ ਰੁਪਏ ਖਰਚ ਕਰਨ ਤੋਂ ਝਿਜਕਦੇ ਨਹੀਂ ਹਨ। 'ਰਾਧੇ ਸ਼ਿਆਮ' ਸਟਾਰ ਕੋਲ ਕੁਝ ਹੋਰ ਵੱਡੇ ਬਜਟ ਦੀਆਂ ਫਿਲਮਾਂ ਹਨ ਅਤੇ ਉਨ੍ਹਾਂ 'ਚੋਂ ਇਕ 'ਮਹਾਨਤੀ' ਨਿਰਦੇਸ਼ਕ ਨਾਗ ਅਸ਼ਵਿਨ ਦੀ 'ਪ੍ਰੋਜੈਕਟ ਕੇ' ਹੈ। ਸਟਾਰ ਕਾਸਟ ਵਿੱਚ ਪਹਿਲਾਂ ਹੀ ਪ੍ਰਭਾਸ, ਦੀਪਿਕਾ ਪਾਦੂਕੋਣ ਅਤੇ ਅਮਿਤਾਭ ਬੱਚਨ ਸ਼ਾਮਲ ਸਨ ਅਤੇ ਹੁਣ ਕਮਲ ਹਸਨ ਨੂੰ ਵੀ ਸਾਈਨ ਕੀਤਾ ਗਿਆ ਹੈ। ਅਜਿਹੇ 'ਚ ਫਿਲਮ ਦਾ ਬਜਟ ਵਧਣ ਦੀ ਪੂਰੀ ਸੰਭਾਵਨਾ ਹੈ।
- Adipurush Collection Day 11: ਸਿਰਫ਼ 11 ਦਿਨਾਂ 'ਚ ਬਾਕਸ ਆਫਿਸ 'ਤੇ ਡਿੱਗੀ ਆਦਿਪੁਰਸ਼', ਹੈਰਾਨ ਕਰ ਦੇਵੇਗੀ 11ਵੇਂ ਦਿਨ ਦੀ ਕਮਾਈ
- Paris Di Jugni: ਤੁਹਾਨੂੰ ਨੱਚਣ ਲਈ ਮਜ਼ਬੂਰ ਕਰ ਦੇਵੇਗਾ ਸਤਿੰਦਰ ਸਰਤਾਜ ਦਾ ਨਵਾਂ ਗੀਤ 'ਪੈਰਿਸ ਦੀ ਜੁਗਨੀ', ਦੇਖੋ
- Katrina Kaif: ਨਿਊਯਾਰਕ ਤੋਂ ਆਈ ਪਤਨੀ ਕੈਟਰੀਨਾ ਕੈਫ ਦੀ ਤਸਵੀਰ 'ਤੇ ਆਇਆ ਵਿੱਕੀ ਕੌਸ਼ਲ ਦਾ ਦਿਲ, ਕੀਤਾ ਇਹ ਕਮੈਂਟ
ਰਿਪੋਰਟਾਂ ਮੁਤਾਬਕ 'ਪ੍ਰੋਜੈਕਟ ਕੇ' ਦਾ ਬਜਟ ਹੁਣ 600 ਕਰੋੜ ਰੁਪਏ ਹੋ ਗਿਆ ਹੈ ਅਤੇ ਇਸ 600 ਕਰੋੜ ਰੁਪਏ ਦਾ ਬਜਟ ਹੈਰਾਨੀਜਨਕ ਹੈ, ਰਿਪੋਰਟਾਂ ਮੁਤਾਬਕ ਪ੍ਰਭਾਸ ਨੇ ਇਸ ਫਿਲਮ ਲਈ 150 ਕਰੋੜ ਰੁਪਏ ਦੀ ਭਾਰੀ ਫੀਸ ਲਈ ਹੈ। ਇਸ ਦੇ ਨਾਲ ਹੀ ਫਿਲਮ ਦੇ ਹੋਰ ਕਲਾਕਾਰ ਅਮਿਤਾਭ ਬੱਚਨ ਅਤੇ ਦੀਪਿਕਾ ਪਾਦੂਕੋਣ ਨੂੰ 10-10 ਕਰੋੜ ਰੁਪਏ ਦਿੱਤੇ ਜਾਣਗੇ। ਜਦਕਿ ਕਮਲ ਹਸਨ ਨੂੰ ਬਹੁਤ ਘੱਟ ਦਿਨਾਂ ਦੀ ਸ਼ੂਟਿੰਗ ਲਈ 25 ਕਰੋੜ ਰੁਪਏ ਦਿੱਤੇ ਜਾਣਗੇ। ਫਿਲਮ ਨਿਰਮਾਤਾਵਾਂ ਨੇ ਇਸ ਬਾਰੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ।
